မင်းကလွဲ၍(မင္းကလြဲ၍)

Chapter - 3(Uni+Zaw)

Unicode

"ဟေ့ကောင်လေး ဒါတွေကို ဆေးဝါးမေဂျာက professor နားသွားပို့ပေးကြည့်''
အတန်းထဲက ထွက်ခါနီးတွင် professorက လောလောနဲ့Tineကိုခိုင်းလိုက်သည်။Tineနည်းနည်းတော့ စိတ်ညစ်သွားသည်။မလုပ်ပေးချင်တာတော့ မဟုတ်။Cheerleadingက စီနီယာတွေ ချိန်းထားသည့်meetingရှိနေသောကြောင့်ဖြစ်သည်။သို့သော် မလုပ်ပေးရင် မကောင်းသောကြောင့် Tine စာရွက်တွေကို ယူကာ ဆေးဝါးမေဂျာဘက်အပြေးလေးသွားလိုက်သည်။ခက်တာက ဆရာပြောလိုက်သည့် professorကိုဘယ်မှာရှာရမှန်းသူမသိ။စိတ်ညစ်ညစ်နဲ့ဟိုငေးဒီငေးလုပ်နေခိုက် တစ်စုံတစ်ယောက်ကို သတိမထားမိဘဲတိုက်မိလိုက်သည်။အရှိန်သိပ်မပြင်းသော်လည်း စာရွက်တွေက နေရာအနှံပြန့်ကျဲသွားသည်။Tine အကြီးအကျယ်စိတ်ညစ်သွား၏။ဒီပုံစံနဲ့ဆို meetingတော့နောက်ကျလောက်ပြီ။သို့သော်
"အိုး ဆောရီးပါရှင့် စာရွက်တွေတော့ ပေကုန်လောက်ပြီ''
ချစ်စရာကောင်းသည့်အသံပိုင်ရှင်ကြောင့် Tineမော့ကြည့်တော့ အသံအတိုင်းပင် ချောမောချစ်စရာကောင်းသည့်မိန်းကလေးဖြစ်နေသည်။ထိုမိန်းကလေးက ပြာပြာသလဲနဲ့ပင် စာရွက်တွေကူကောက်ပေးရှာ၏။ဆံပင်ရှည်ရှည်၊ညိဖျော့ဖျော့ရောင် နဲ့ အကျီအနက်လေးကို ဝတ်ထားသည့်ထိုမိန်းကလေးကို ကြည့်ရင်း Tineရင်ခုန်သံမမှန်ချင်တော့။
စာရွက်တွေက တစ်ခဏအတွင်းပင်ကောက်လို့ပြီးသွားသည်။
"ကျေးဇူးပါဗျ အမှန်တော့ကျွန်တော်မှားတာ။လူလာနေတာ သတိမထားမိဘူးဖြစ်သွားတယ်။အရမ်းလောသွားလို့''
"ရပါတယ်။ဒါနဲ့ ဒီ ဆေးစာရွက်တွေကတစ်ယောက်ယောက်ကို ပေးမလို့လား''
"ဟုတ်တယ်။professorက ဆေးဝါးမေဂျာက ဆရာမကို ပေးခိုင်းတာ။ကျွန်တော်မသိဘူးဖြစ်နေတယ်''
ထိုချစ်စရာကောင်းသော မိန်းကလေးက အပြုံးလှလှလေးတစ်ချက်ပြုံးလိုက်သည်။
"Pearပေးပေးလို့ရတယ်။အဲ့ဒါ pearတို့ဆရာမ''
"ဘယ်လို''
Tine နည်းနည်းနားရှုပ်သွားသည်။
"​ေဩာ် ငါ့နာမည်က pear။ဆေးဝါးမေဂျာ ပထမနှစ်က ။ဒီစာရွက်တွေကို ဆရာမနားပေးပေးလို့ရတယ်လို့ပြောတာ။''
Tineအလွန်အမင်းဝမ်းသာသွားသည်။pearသာကူညီပေးရင် သူmeetingနောက်မကျလောက်တော့။
"ကျေးဇူးအရမ်းတင်ပါတယ်။ဒါနဲ့ ကို့နာမည်က Tine။lawမေဂျာက''
Tineသူ့ကိုယ်သူ ငါလို့မသုံးဘဲ ကိုလို့တမင်သက်သက်သုံးလိုက်သည်။ စောစောက ကျွန်တော်လို့ပြောပြီး ရုတ်တရက် ကိုလို့ထပြောသည့်Tine ကို pearအံအားသင့်သွားဟန်တူသည်။မျက်နှာလေးက နီဆွေးဆွေးလေးဖြစ်သွားသည်။Tineမှာတော့ ရှက်သွားသည့်pearကိူ ကြည့်၍ရင်ခုန်လို့မဆုံးတော့။အမြဲတမ်း ကံဆိုးနေခဲ့သောသူ့အချစ်ရေးသည် ဒီတစ်ခါတော့ ကံကောင်းခြင်းတွေပြန်စတင်လာခဲ့ပြီဟုသူတွေးလိုက်သည်။