မင်းကလွဲ၍(မင္းကလြဲ၍)

Chapter - 28(Uni + Zaw)

Unicode

ဘောလုံးပွဲပြီးတော့ sarawat tineကို အဆောင်လိုက်ပို့ရင်း ရေတစ်ခါတည်းတန်းချိုးလိုက်၏။
ချွေးစော်တနံနံနဲ့ clubထဲမသွားချင်တာမို့ပါ။
​နောက်လဆိုသူတို့ အဖွဲ့တွေ ဖျော်ဖြေရတော့မည်။
အဲ့ကြားထဲ စာမေးပွဲကလည်း ရှိတာနဲ့ သိပ်အားနေမှာမဟုတ်။
ဒါကြောင့် သူတို့လို Advancedသမားတွေကခုကတည်းက သီချင်းတွေ ကြိုtrainထားမှသာ တော်ကာကျမည်လေ။
"Tine ကို ဒီည နည်းနည်းနောက်ကျမယ်နော်။''
သူရေချိုးပြီး တဘက်တစ်ထည်နဲ့ခေါင်းကို သုတ်နေတုန်း tineက ဗီရိုထဲ အဝတ်​တွေထုတ်နေရင်းထလာ၏။
"ဘာလဲ p'dimကြီးက ခုကတည်းက လောနေပြီပေါ့။''
Tineက ပြောပြောဆိုဆိုနဲ့ သူ့တဘက်ကို ဆွဲယူရင်း သူ့ခေါင်းကို သုတ်ပေးလာသည်။
နူးနူးညံ့ညံ့လေးနဲ့ဆံပင်​တွေကို ဖွသုတ်ပေးနေတာမို့
sarawat ပြုံးလိုက်မိသည်။
"အင်း ခုကတည်းက ကြိုကျင့်ထားမှလေ။
ကို အိမ်ပြန်နောက်ကျရင် အရင်အိပ်နှင့်လိုက်နော်။''
သူ့စကားကို ဘာမကျေနပ်တာလည်းမသိ။Tineက တဘက်ကို ပခုံးပေါ်တင်လိုက်ရင်း မျက်မှောင်ကြီးကြုတ်ပြီးကြည့်လာသည်။
sarawatမှာ ကြောင်အသွားရမဲ့အစား အသည်းတယားယားနဲ့ က​လေးငယ်ရဲ့ပါးတစ်ဖက်ကို ဖိညစ်လိုက်မိသည်။
"ဘာမျက်မှောင်ကြုတ်နေရတာလဲ ကလေးပေါက်စရဲ့။ခဏနေ အိပ်ချင်နေရက်နဲ့ ကို့ကို စောင့်နေမှာကြောက်လို့''
"မအိပ်ချင်ပါဘူး။ခါတိုင်း ငါ 11လောက်မှ အိပ်နေကြ။ခုက မင်းက အဲ့ထက်ပို နောက်ကျမှာမို့လား။''
"ပြောမရဘူးလေ။ဒီနေ့ မင်းcheerလုပ်ထားရတာ ။ပင်ပန်းပြီးအိပ်ချင်နေမလားလို့။''
သူ့စကားအဆုံးတွင်တော့ tineက နှာခေါင်းလေးရှုံ့လာသည်။
နောက်ဆုံးတော့ sarawat စကားအခြေအနေကို ပြန်ပြောင်းလိုက်ရ၏။
"ကဲပါ။ အဲ့ဆို ကိုယ့်ကိုစောင့်နေနော်။''
ခေါင်းလေးကို ပုတ်ပြီးပြောတော့မှ အနည်းငယ်ဆူပုတ်ချင်နေသောမျက်နှာလေးက ပြန်ပြုံးလာသည်။
"အင်း မြန်မြန်ပြန်လာခဲ့။''
မျက်နှာတည်နဲ့ ခြိမ်းခြောက်သလိုလေသံလေးကြောင့် satawatရယ်လိုက်မိသည်။
ချစ်ဖို့ကောင်းချက်။ကိုယ့်ကလေးငယ်က.......
"ဟုတ်ပါပြီ။ပြန်လာပါ့မယ်။
ကဲ ကိုသွားပြီနော်။''
sarawat အိတ်ကို ကောက်လွယ်လိုက်ရင်း
တံခါးပေါက်နားခြေလှမ်းလိုက်မိ၏။
တံခါးလက်ကိုင်နားဘဲရှိနေဆဲ
"sarawat ငါ ဒီနေ့''
ဆိုသည့် နောက်ကနေ တစ်ဝက်တစ်ပျက်စကားသံကြောင့် sarawatကပျာကယာပြန်လှည့်မိ၏။
"ဟင် tine ဘာလဲ ။ပြောလေ။''
Tine ၏တွန့်ဆုတ်ဆုတ်ဖြစ်နေတဲ့မျက်နှာအနေအထားကြောင့် sarawatစိတ်ထဲတစ်မျိုးဖြစ်သွားသည်။
သို့သော် စက္ကန့်ပိုင်းအတွင်းပင် ထိုမျက်နှာအမူအယာလေးက ပြန်ပြောင်းသွားသည်။
"ဪ ဘာမှ မဟုတ်တော့ဘူး။ဒီနေ့ မင်းကန်တာတော်တယ်လို့ပြောတာ။ဂရုစိုက်သွားနော်။''
စကားလမ်း​ေကြာင်းလွှဲလိုက်​ပေမဲ့ tineရဲ့မျက်လုံးထဲက စိုးရိမ်ပူပန်နေတဲ့အရိပ်အ​ယောင်တွေက သူ့ကို တွေဝေစေတာတော့အမှန်။
တစ်ခုခုသူ့ကို ပြောချင်နေတဲ့ပုံဘဲ။
"Tine ပြောလေ။ကိုယ့်ကို ဘာပြောမှာလဲ။''
Tineခေါင်းကို ခပ်သွက်သွက်ခါပြလာသည်။
"တကယ်ဘာမှ မဟုတ်ပါဘူးဆို။
စောစောပြန်ခဲ့နော်။''
"အင်း... အိပ်ရင် စောင်တွေလည်း သေချာခြုံအိပ်ဉီး''
ကလေးငယ်၏ စိတ်ကျေနပ်စွာ ခေါင်းညိတ်ပြတာလေး ကြည့်ပြီးမှ sarawatအပြင်ကို ထွက်လာဖြစ်တော့၏။
နှုတ်ခမ်းက​တော့ ​ပြုံးနေမိ​ပေမဲ့ ရင်ဘတ်ထဲမှာတော့ လေးလေးကန်ကန်ကြီးဖြစ်နေသလိုခံစားနေရသည်။
တကယ်တော့ သူ့နောက်ကွယ်မှာလည်း
စိတ်ပူပင်စွာနဲ့ သက်ပြင်းတွေချနေသည့် တစ်စုံတစ်ယောက်ရှိနေ၏။
"တကယ်မင်းဘာမှ မဖြစ်ပါစေနဲ့ sarawatရယ်။''
Tine တီးတိုးရေရွတ်ရင်း နေ့လည်က လူ၏အကြည့်ကို ​ဖြတ်ကနဲ​ပြန်မြင်ယောင် လာမိသည်။
ထူးဆန်းတယ်ဟု​တွေးရင်း ကြက်သိမ်းတေွတဖြန်းဖြန်းထလာမိ၏။
စိတ်ထဲမှာ ဘာလို့လဲ​တော့မသိ။
ထိုလူ့ကို sarawatရဲ့အစ်ကိုဟု တစ်တမှတ်တည်း ထင်နေမိသည်။
အစ်မpinပြောဖူးတဲ့ နောက်အိမ်ထောင်နဲ့သားထင်တယ်။
Tine စိတ်မောစွာနဲ့ပင် အဝတ်တွေကို ယူ၍ ရေချိုးခန်းထဲသို့ သုတ်ခြေတင်မိ၏။
ရင်ထဲမှာတော့ ခုလုခုလုနဲ့မတင်မကျဖြစ်နေတာတော့အမှန်။