Unicode
အိပ်ရာဘေးက ဖွင့်ထားတဲ့ပြတင်းပေါက်ကနေ လေစိမ်းသဲ့သဲ့တိုက်လာတာမို့ sarawat ချမ်းချမ်းအေးအေးနဲ့ ခေါင်းထောင်မိသည်။
စောလွန်းသေးကြောင်းကို စားပွဲပေါ်က နှိုးစက်က 4ဆိုတဲ့ဂဏန်းငယ်ကို ဖော်ပြနေသည်။
ဘေးကို လှည့်ကြည့်မိတော့ tineက သူ့ဘက်ကိုမူ၍ အိမ်မောကျနေ၏။
ချမ်းလို့ထင်တယ်။
ပုစွန်တုပ်ကွေးလေးလို ကွေးကွေးလေးအိပ်နေပြီး လက်နှစ်ဖက်ကို ပေါင်ကြားထဲ ညပ်ထားလိုက်သေးတာ..
တကယ့်ကို ကလေးပိစိလေးလိုဘဲနော်
sarawat ပြုံးလိုက်မိသည်။
ချက်ချင်းဆိုသလို ကုတင်အောက်လျှောကျနေတဲ့ စောင်ကို ဆွဲယူလိုက်ရင်း ကလေးပေါက်စ၏ပခုံးထိလွှမ်းခြုံပေးလိုက်သည်။
ပြီးကာမှ ကုတင်ပေါ်က အသံမမြည်အောင် ဆင်း၍ ပြတင်းပေါက်ကို ညင်သာစွာပိတ်သည်။
လူက မအိပ်ချင်တော့ပေမဲ့ ထဖို့ရန်လည်း စောလွန်းသေးတာမို့ သူစောင်ထဲ ပြန်ကွေးဝင်
လိုက်၏။
ထို့နောက် အိပ်မောကျနေဆဲဖြစ်တဲ့ ချစ်စရာလူသားလေးနား သူတိုးကပ်သွားလိုက်သည်။
အသက်ရှူသံဖျော့ဖျော့လေးတွေက သူ့မျက်နှာကို လာရောက်ကျီစယ်နေတဲ့အထိကို အနေအထားက နီးကပ်လွန်းနေခဲ့သည်။
sarawatသည် အိပ်မပျော်မဲ့တူတူ နေ့တိုင်းမြင်တွေ့နေကြပေမဲ့ မရိုးနိုင်မအီနိုင်လွန်းတဲ့ အလှတရားလေးကို နောက်တစ်ကြိမ်ပုံဖော်နေမိပြန်၏။
ထင်းတောက်နေတဲ့မျက်ခုံးနက်နက်တွေက မှိတ်ထားတဲ့မျက်ခွံမို့မို့လေးတွေရယ်..
စင်းကျနေတဲ့ နှာတံရယ်
အင်း... ပြီးတော့ နမ်းလို့ကိုမဝနိုင်တဲ့ ထိုနှုတ်ခမ်းဖူးဖူးတစ်စုံရယ်...
ပြီးပြည့်စုံနေတဲ့မျက်နှာကျလေးမှာ သူအသည်းအယားဆုံးကတော့ ဖောင်းအိစက်နေတဲ့ပါးပြင်တွေပါ။
အသက် 19နှစ်ဆိုပေမဲ့ ကလေးတစ်ယောက်လိုဘဲ ဖောင်းအိနေတဲ့အဲ့ပါးပြင်တွေကြောင့်
သူ ကလေးပေါက်စလို့ နှုတ်ကျိုးနေမိတာ ဆန်းလား။
မီးရောင်မှုန်မှုန်အောက်မှာ အဝါရောင်ရှပ်စ်လေးဝတ်ထားလို့ထင်တယ်။
ဖေွးအုနေသော နို့နှစ်ရောင်အသားအရည်လေးမှာ အရှင်းသား ပေါ်လွင်နေသည်။
ချစ်စရာကောင်းတယ်...
လွန်ခဲ့တဲ့တစ်နှစ်လောက်က သူမညည်းမငွေ့ရေရွတ်လာခဲ့တဲ့စကားတစ်ခွန်း။
sarawatရဲ့လက်ညိုးလေးသည် tineရဲ့ဆံစတွေပေါ် ညင်ညင်သာသာလေး ပြေးလွှားကစားနေသည်။
အရပ်အနည်းငယ်ရှည်လာတာကလွဲပြီး ဘာမျှကို မပြောင်းလဲသွားတဲ့ ကလေးပေါက်စလေး။
sarawat တစ်ချက်ပြုံးလိုက်ရင်း စိတ်ထဲကနေ တိုးတိတ်စွာ ပြောနေမိသည်။
ESTÁS LEYENDO
မင်းကလွဲ၍(မင္းကလြဲ၍)
RomanceSarawat နဲ့ tineလေးကို သဘောကျလို့ရေးတဲ့ficပါ။ 2getherရဲ့factsတွေပေါ်အခြေခံပြီး drama typeလေးရေးထားတာပါ😸 Start Date - 7.10.2020 End. Date - 2.12.2020
