မင်းကလွဲ၍(မင္းကလြဲ၍)

Chapter - 36(Uni+Zaw)

Unicode

ဒီနေ့တစ်နေကုန် ကျောင်းမှာ ရုတ်ရုတ်သဲသဲအလုပ်ရှုပ်နေကြသည်။
Majorsတိုင်းလိုလိုက activiesပေါင်းစုံနဲ့ ပျော်ပျော်ပါးပါးဆင်နွဲကြ၏။
Tineရဲ့ဉပ​ဒေ​မေဂျာကလည်း first yearsတွေပေါင်းပြီး မုန့်လုပ်စားကြတာနဲ့ဆိုတော့ သူလည်း မနားရ။
ခါတိုင်းထက်တောင် ကျောင်းက ဒီနေ့မှ လူပိုစည်နေသလိုဘဲ။
မကြာခင် နောက်ဆုံးfinal examက လာတော့မှာဆိုတော့ နှုတ်ဆက်ပွဲလိုသဘောထားပြီး ပျော်ပွဲရွှင်ပွဲဆင်နွဲ ကြတာပါ။
သို့သော် ကျောင်းသားတိုင်းလိုလို uniformကိုတော့ ဝတ်ထားရ၏။
အပြင်အဝတ်အစားတွေဝတ်မလာရလို့ ဌာနမှူးက စည်းကမ်းထုတ်ထားတာလေ။
Tine မှာ မုန့်ဗန်းတွေသယ်ပေးလိုက်၊လိုအပ်တာတွေသွားပြေးဝယ်ပေးလိုက်နဲ့ နားကိုမနားရသေး။
sarawatနဲ့လည်း မနက်အဆောင်ကနေထွက်လာကတည်းက ခုထိ အရိပ်တောင်မတွေ့ရသေးပေ။
အင်းလေ...ဒီနေ့လည်က concertပွဲနဲ့ဆိုတော့
ခုချိန် clubမှာဘဲ သူတို့ ပြန်trainနေကြတာနေမှာ။
Sarawatက bandရဲ့leaderဆိုတော့ ပိုဆိုးသည်။
"Tine ကောက်ညင်းတွေတွေရပြီလား။''
Tine ကောက်ညင်းမုန့်စိမ်ထားတဲ့ရေတွေ သွန်လိုက်ရင်း ပျာပျာသလဲ ပြန်ဖြေမိ၏။
"ရပြီ။..Son...အဆာပလာတွေထည့်ဖို့ဘဲ လိုတော့တယ်။''
သူတို့လုပ်စားမဲ့မုန့်က ဘာတဲ့....
ကောက်ညင်း၊ကြက်သား အစာသွပ်မုန့်ဆိုလား။
မိန်းကလေးဘက်က မဲများတာနဲ့ အဲ့မုန့်ကို လုပ်စားဖြစ်တာဖြစ်သည်။
တကယ်တမ်းဆို သူတို့ယောကျာ်းလေးတွေက ချဉ်ချဉ်စပ်စပ်တွေစားချင်တာ။
သို့ပေမဲ့လည်း ဘာဘဲ ဖြစ်ဖြစ်ပါ။
ဒါကျောင်းဆိုတော့ အများဆန္ဒကို ဉီးစားပေးရမှာလေ။
အခန်းထဲမှာဘဲ ခုံ တွေသပ်သပ်ဖယ်ထားလိုက်ပြီး ဟိုတစ်စု၊ဒီတစ်စုနဲ့
မိန်းကလေးတွေက ဉီးဆောင်ပြီး မုန့်လုပ်ရန်ပြင်ကြသည်။
ယောကျာ်းလေးတွေက လိုတာတွေဝယ်ပေး၊ဒါမှမဟုတ် အခြားတိုလီမုန့်စ ထိုထိုထွာထွာတွေကူပေးရ၏။
အခု sonဆိုတဲ့မိန်းကလေးက အားလုံးထဲမှာ သူအတက်ကြွဆုံးပင်။
Tineကိုလည်း တစ်မနက်လုံး သူချည်း ခိုင်းနေတာ မပြီးနိုင်မစီးနိုင်နဲ့..အခြားလူတွေမရှိတော့ဘူးလားမသိ။
Sonက သူ​ရေသွန်ထားတဲ့ ကောက်ညင်းတွေကို လက်ကလေးနဲ့တစ်ချက်ကိုင်ကြည့်ပြီးမှ နောက်ကိုလှည့်၍ ကျန်တဲ့မိန်းကလေးတွေကို လှမ်းအော်၏။
"စီဖိုင်တို့...နင်တို့အဆာပလာတွေထည့်လို့ရပြီ။
ကောက်ညင်းက အနေတော်ဘဲ။''
မိန်းကလေးအုပ်စုကြီးရောက်လာတော့ tine အမြန်လစ်ရှောင်ထွက်ခဲ့လေတော့သည်။
ပြီး​တော့ အခြားမေဂျာနားက ရေသန့်တစ်ဘူးဝယ်လိုက်ရင်း မောမောနဲ့ တစ်နေရာမှ ထိုင်သောက်နေမိ၏။
ဟိုသုံးကောင်က ဘယ်ရောက်နေမှန်းမသိ။
ထုံးစံအတိုင်း သွားငမ်း ပြီထင်တယ်။
Tine သောက်လက်စရေဘူးကို ကိုင်ပြီး လျှောက်ပတ်ကြည့်လိုက်၏။
မေဂျာတိုင်းလိုလိုက အဆာပြေမုန့်လေးတွေစားလို့ရအောင် လှည်းတန်းလေးတွေနဲ့ မုန့်တွေကို ထားထားပေးသည်။
လူတိုင်းနီးပါးက အတွဲကိုယ်စီ၊ဒါမှမဟုတ် သူငယ်ချင်းတွေနဲ့ ဆူညံပျော်ပါးနေကြချိန်၊
Tineတစ်ယောက်တည်းသာ ကွက်ပြီး အထီးကျန်နေသလိုလို။
Bubble tea တွေရောင်းတဲ့ ဆိုင်ရှေ့မှာ အတွဲနှစ်တွဲ တစ်တီတူးနေတာမြင်တော့ သူ့အာရုံထဲ တစ်စုံတစ်ယောက်ကို သတိရလာ၏။