မင်းကလွဲ၍(မင္းကလြဲ၍)

Chapter - 19(Uni+Zaw)

Unicode

Sarawatထွက်ထွက်သွားပြီးချင်း tine ထို​​နေရာမှာဘဲ မတုန်မလှုပ်ဆက်ရပ်နေသည်။
ရပ်နေတာ အချိန်မည်မျှပင်ကြာသွားမှန်းမသိ။
ခြေထောက်နှစ်ဖက်လုံးထုံကျင်လာမှ သူသတိပြန်ဝင်လာပြီး ရေချိုးခန်းထဲ ခြေလှမ်းမမိသည်။
အရက်အရှိန်ကြောင့် ပူကျစ်နေသောမျက်နှာကို သစ်လိုက်တော့ မျက်လုံးတွေကျန်းစပ်သလိုဖြစ်သွားသည်။
မှန်ထဲကို ကြည့်မိတော့မှ
မျက်နှာသာမက မျက်လုံးတွေပါ နီရဲပြီးဖူးယောင်နေသည်။
ယောင်မှာပေါ့ ကားပေါ်မှာ မျက်နှာတစ်ဖက်လှည့်ပြီး က​လေးလို မျက်ရည်တွေခိုးသုတ်နေမိတာ။
အတွေးလွန်နေတဲ့sarawatက သူ့ကိုတစ်ချက်မှ ငဲ့စောင်းမကြည့်ခဲ့။
Tine တွေးရင်းနဲ့ ဝမ်းနည်းစိတ်က လှိုက်ကနဲတက်လာသည်။။
​စော​စောက sarawatရဲ့ချစ်လားဆိုသည့်မေးခွန်းက
သူရင့်ကို ထိတ်ကနဲဖြစ်စေသွားတာတော့အမှန်။
သို့သော် ဒေါသစိတ်နဲ့သဝန်တိုစိတ်နဲ့ပေါင်းပြီး မချစ်ဘူးဟု တိကနဲဖြေချပစ်သည်။
sarawatရဲ့ နာကျင်သွားသည့်မျက်ဝန်းတွေကို မမြင်ချင်၍လည်း တမင်သတ်သတ်မျက်နှာလွဲဲပြီး ရက်ရက်စက်စက်ပြောခဲ့မိတာ။
ပြောချင်တဲ့စကားလုံးတွေက လည်ချောင်းဝမှာ ထစ်နေသည်။
ငါမင်းကို ချစ်တယ်ဆိုတဲ့စကား။
သို့သော် ပါးစပ်က ထွက်လာတာက ဆန့်ကျင်ဘက်တွေ။
Pamနဲ့တွေ့ပြီး ပြောင်းလဲသွားလို့ အရွှဲ့တိုက်ချင်စိတ်​​ဇောနဲ့ မဆိုင်တဲ့pearကိုတောင် ဆွဲထည့်မိသည်။
နောက်ဆုံးတော့ သူပြောတာတွေကို အတည်မှတ်ပြီး sarawat သူ့နားကနေထွက်သွားပြီ။
အင်းလေ ဒီနေ့ကစပြီး မင်းမရှိတော့ဘူးဆိုတော့ ငါ့ဘဝက ပုံမှန်အတိုင်းပြန်ဖြစ်သွားပြီ။
အရာရာအားလုံးပြန်တည်ငြိမ်သွားပြီ။
မင်းအတွက်နဲ့ ခေါင်းမစားရတော့ဘူး။
Tine မှန်ထဲက​​​နေ ကိုယ့်ကိုယ်ကို အားတင်းပြုံးပြလိုက်၏။သို့ပေမဲ့ အသက်မဲ့လွန်းသောအပြုံး။ဟန်ဆောင်အပြုံး။
သက်ပြင်းသဲ့သဲ့သာချ၍ ရေချိုးခန်းထဲက ထွက်လာလိုက်သည်။
အဝတ်စားတွေဘာတွေလဲမနေတော့ဘဲ အိပ်ရာပေါ်ဝုန်းကနဲလဲချမိ၏။
ခေါင်းအုံးနဲ့မျက်နှာထိတွေ့တဲ့အချိန် ထူးဆန်းစွာ အေးစက်နေသည့်အထိအတွေ့ကို ခံစားလိုက်မိသည်။
သူခေါင်းအုံးနဲ့မထိတွေ့ရတာကြာပြီ။
အကြောင်းမူ ညတိုင်း sarawatက နွေးထွေးတဲ့သူ့ရင်ခွင်ထဲမှာ သူ့ကို ပွေ့ထားပေးလေ့ရှိတာကြောင့်ပါ။
ယားတယ်။အသက်ရှုကျပ်တယ်ဆိုပြီး သူရုန်းလေ့ရှိသော်လည်း နောက်ဆုံးမှာတော့
ထိုရင်ခွင်ထဲမှာဘဲ အိပ်မောကျသွားလေ့ရှိတာ ညတိုင်းလိုလိုပင်။
Tine တစ်ဖက်လှည့်ပြီး အိပ်ပျော်အောင်ကြိုးစားကြည့်သည်။မရ။
မျက်လုံးတွေမှိတ်လိုက်တိုင်း ရင်းနှီးလွန်းလှသောအသက်ရှုငွေ့ငွေ့လေးက သူ့ကိုလာထိရှိုက်နေသလို ခံစားနေမိသည်။
ယောင်ယမ်းပြီး မျက်လုံးဖွင့်ကြည့်တော့ လစ်ဟာနေတဲ့အိပ်ရာခင်းကလွဲ၍ဘာမှမရှိ။
ရုတ်တရက် မျက်ရည်​တွေပေါက်ကနဲစီးကျပြန်လာ၏။
ထိုဗလာအိပ်ရာခင်းကို ငေးရင်း sarawatရဲ့နောက်ဆုံးစကားတွေ နားထဲ​ပြန်ကြားယောင်လာသည်။