မင်းကလွဲ၍(မင္းကလြဲ၍)

Chapter - 23(Uni+Zaw)

Unicode

စူးရှသောအလင်းရောင်က မျက်နှာပေါ်ဖြာကျလာမှုကြောင့် tine အိမ်မှုန်စုန်မွှားနဲ့မျက်လုံးတွေဖွင့်လိုက်မိသည်။
ဘယ်လောက်တောင်အိပ်မိမှန်းမသိ။နေတောင်တော်တော်မြင့်နေပြီ။
ဘေးကို လှည့်ကြည့်မိတော့ မနေ့ညက သူ့ကိုအိပ်ပျော်အောင် ပွေ့ဖက်ပေးတဲ့လူက ရှိမနေ။
အေးစက်နေတဲ့အိပ်ရာခင်းအရဆို sarawatအစောကြီးထသွားဟန်တူသည်။
Tine မနေ့ညက အကြောင်းပြန်စဉ်းစားရင်း
သူ့မျက်နှာတွေ ပူနွေးလာသလိုပင်။
အင်း sarawatနဲ့မတွေ့ရတဲ့သုံးရက်အတွင်း သူ အိပ်ရေးတွေအကြီးအကျယ်ပျက်ခဲ့ပါသည်။
မှေးကနဲအိပ်ပျော်လိုက်၊ပြန်နိုးလိုက်နဲ့၊
ကြက်အိပ်ကြက်နိုးဖြစ်ပြီး နိုးလာတိုင်းလည်းတစ်စုံတစ်ယောက်ကို ယောင်ယမ်းကာ ရှာမိတဲ့အထိ သူသတိလက်လွတ်ခဲ့မိ၏။
မနေ့ညကတော့ sarawat သူ့ကိုအသာလေးရင်ခွင်ထဲဆွဲသွင်းပြီးဖက်ပေးလိုက်ရုံနဲ့ လူကအရူးလိုဘဲ အိပ်မောကျသွားလိုက်တာ။
Tine တွေးရင်းနဲ့ နံရံပေါ်ကို အကြည့်ရောက်တော့ သူ့မျက်လုံးတွေပြူးကျယ်သွား၏။
တိုင်ကပ်နာရီရဲ့လက်တံလေးက 9ဆိုသည့်ဂဏန်းအားညွှန်ပြလျက်။
Tine ချက်ချင်းပင် ကုတင်ပေါ်က ဝုန်းကနဲဆင်း၍ ရေချိုးခန်းထဲသို့ တန်းနေအောင်ပြေးဝင်သွားတော့သည်။
သေလိုက်ပါတော့လို့ ကိုယ့်ကိုယ်ကို အကြီးအကျယ်ကျိန်ဆဲရင်း ရေချိုးခန်းထဲတွင် ဗျာများနေသည့်tine။
အဆောင်မှာတောင် နေမြင့်မှထတယ်ဆိုပေမဲ့
7နာရီဆိုအလွန်ဆုံးပါဘဲ။
ခုသူများအိမ် ဧည့်သည်လာလုပ်မှ 9နာရီတဲ့။
Tine မျက်နှာပူပူနဲ့ဘဲ လုပ်စရာရှိတာတွေလုပ်ပြီး အောက်ထပ်ကို ဆင်းလာခဲ့သည်။
ခြေသံဖွဖွလေးလျှောက်ပြီး ဧည့်ခန်းထဲမှာ ဟိုငေးဒီငေးလုပ်နေမိ၏။
အိမ်စေတစ်ယောက်တစ်လေတောင်မရှိတဲ့ဧည့်ခန်းထဲ tineယောင်ရှာရှာဖြစ်နေတာတော့အမှန်။
sarawatကို ဘယ်နားသွားရှာရမလဲဟုအကြံအိုက်နေခိုက်
"​ေဩာ် သခင်လေးtineတောင် နိုးပြီကို''
ဆိုသည့်​နောက်​ကျောဘက်က အသံကြောင့် tineထခုန်မိမတတ်လန့်သွားမိသည်။
လှည့်ကြည့်တော့ မနေ့က သူ့ကို sarawatနားခေါ်သွားသည့်အဒေါ်ကြီးပါပေ။
သူ အလန့်တကြားဖြစ်ပုံကို ကြည့်၍ အဒေါ်ကြီးက ပြုံးစိစိဖြစ်နေသည်။
"တောင်းပန်ပါတယ်။သခင်လေးကို တမင်တကာလန့်အောင်ဖို့ မရည်ရွယ်ပါဘူး။''
​ခါးညွှတ်၍ တောင်းပန်လာသောအဒေါ်ကြီးကြောင့် tineမှာ ပို၍ပင် ထိတ်လန့်သွားသည်။ထိုပင်မက
သခင်လေးဆိုသည့် နာမ်စားကြီးက သူ့ကို တီကောင်ဆားတို့သလိုပင် အနေရခက်စေ၏။
"ဟိုလေ ။ကျွန်တော့်ကို tineလို့ဘဲခေါ်ပါလားခင်ဗျ။သခင်လေးကြီးက ''
အားတုံ့အားနာဟန်နဲ့လက်အုပ်​လေးချီပြောမိတော့
အဒေါ်ကြီးက ထရယ်တော့၏။
"အမလေး ချစ်စရာကောင်းလိုက်တာ။အဲ့ကြောင့် သခင်လေးက tineလေးကို အသေချစ်တာကို''
"ဟမ်.. ဟို''
"အဒေါ်က စတာပါကွဲ့။သားကို စမ်းကြည့်တာပါ။အမှန်က ဒီအိမ်က သွေးသားရင်းတွေက လွဲပြီးသခင်လို့တပ်ခေါ်ခွင့်မရှိဘူး။ဒါပေမဲ့လည်း  သားငယ်က သခင်လေးရဲ့အသည်းဆိုတော့
သခင်လေးနဲ့တစ်သွေးတစ်သားတည်းဘဲလေ။''
ဘုရားရေ......
Tineစိတ်ထဲတွင် ဘုရားသာတမိ၍ ထိုအဒေါ်ကြီးကို ပြူးကြည့်နေမိသည်။
အဒေါ်ကြီးက တစ်ချက်ရယ်၍
"sarawatက အပြင်ခဏထွက်သွားတယ်ကွဲ့။ဒါပေမဲ့ ပြန်လာတော့မယ်ထင်တယ်။လာ...
သားတစ်ယောက်တည်းဆို ​ယောင်ရှာရှာဖြစ်နေမှာ။အဒေါ့်နောက်လိုက်ခဲ့..။''
ဟု ဆိုလာတာကြောင့် tine ခေါင်းညိတ်ပြရင်းအဒေါ်ကြီးနောက် လိုက်လာခဲ့သည်။
မနေ့က အိမ်ချင်မူတူးနဲ့ထမင်းဝိုင်းနားဘယ်လိုရောက်ခဲ့မှန်းမသိ။
ဒီနေ့တော့ တကယ်ကိုသိပါပြီ။
အမလေး ထမင်းစားခန်းရောက်ဖို့တောင် လျှောက်လိုက်ရတဲ့လမ်း။
Kitchen အကြီးစားနဲ့ထမင်းစားခန်းကို တွဲဆက်ထားတာတင် အိမ်ကြီးတစ်လုံးစာလောက်ရှိပြီ။
Tineမှာ ပါးစပ်အဟောင်းသားနဲ့ sarawatတို့ချမ်းသာမှုကို အံ့အားသင့်မိတာတော့အမှန်။