မင်းကလွဲ၍(မင္းကလြဲ၍)

Chapter- 12(Uni+Zaw)

Unicode

"ပျော်လိုက်တာ။ဒီခံစားချက်က အရင်အတိုင်းဘဲ မပြောင်းလဲသေးဘူး။''
Concertပြီးတော့ နှစ်ယောက်သားကျောင်းဘက်ကို ခြေကျင်လျှောက်ပြန်လာမိသည်။
ပွဲမှာကဲခဲ့သော အရှိန်ကြောင့်tineသူ့လက်မောင်းတွေအောင့်နေ၏။sarawatကို​ကြည့်ရတာတော့ဒီတိုင်းပုံမှန်အတိုင်းဘဲ။
ထိုသို့နှင့်နှစ်​​ယောက်သားစကားမပြောဘဲအေးအေးသက်သက်နဲ့လျှောက်နေမိသည်။
လင်းထိန်နေသောလမ်းမီးတိုင်အောက်တွင်တော့
ပွဲလာခါစကသိသာစွာညိုးနေသောsarawatမျက်နှာသည် ​နဂိုအတိုင်းပြန်ဖြစ်သွားပြီကို ထင်ထင်ရှားရှားမြင်နေရသည်။ဘာဖြစ်တာလဲလို့မေးချင်သော်လည်းတော်ကြာ စိတ်ပြန်ညစ်သွားမှာလည်း စိုးရိမ်မိသည်။
"Deepသီချင်းက မင်းရဲ့အကြိုက်ဆုံးလား။''
ရုတ်တရက်ကြီး မေးခွန်းထမေးသော sarawatကြောင့် သူ့အတွေးတွေပြတ်သွား၏။
"Deepလား။အဲ့လောက်ကြီးတော့မဟုတ်ဘူး။everythingကမှ ငါ့အကြိုက်ဆုံး''
"Everything....''
Sarawat၏တီးတိုးရေရွတ်သံထွက်လာသည်။
"မင်းရလား အဲ့သီချင်းကို။''
"ရတယ်။''
"အံဩစရာကြီးပါလား။မင်း thaiမှာရှိတဲ့bandတွေ​ရဲ့သီချင်းတိုင်းကိုသိသလိုဘဲ။''
"အဲ့လောက်တော့မဟုတ်ဘူး။scrubbသီချင်းတွေဘဲ အကုန်သိတာ။''
Thai တအံတဩနဲ့sarawatကို အထင်ကြီးသည့်မျက်လုံးတွေနဲ့ငေးကြည့်လိုက်မိသည်။
"ကောင်းလိုက်တာ။ငါက ကြိုက်ဘဲ​ကြိုက်တာ
။မတီးတတ်ဘူး။ဒါနဲ့ အရင်ငါ့ကိုပြောတော့
မင်းscrubbကို အဲ့လောက်မကြိုက်ဘူးဆို။ဘယ်လိုဖြစ်တာလဲ။''
"ငါ လိုက်နေတဲ့လူက scrubbကို အသေကြိုက်နေလို့။''
မမျှော်လင့်သောစကားဖြစ်သောကြောင့် tineမျက်လုံးပြူးမိသွား၏။တစ်ဆက်တည်းမှာပင် မျက်နှာလည်းနွေးကနဲဖြစ်သွားသည်။sarawatကတော့ ရှက်သွားသောtineကိုကြည့်၍တစ်ချက်ပြုံးသွား၏။
"အဟမ်း နောက်ကျတော့မယ်။မြန်မြန်သွားရအောင်''
Tineသည် ချောင်းတစ်ချက်ဟန့်လိုက်ပြီးရှေ့ကနေ သွက်သွက်သွားလိုက်သည်။
စိတ်ထဲတွင်လည်း အရှက်ပြေလို့ပြေငြားကိုယ့်ကိုယ်ကို ကျိန်ဆဲနေတော့သည်။
sarawatမှာတော့ ဒီကောင်လေးဘယ်အချိန်ထိရှက်နေအုံးမှာလဲမသိဟု ရေရွတ်ကာ တစ်ကိုယ်တည်းပြုံးနေလေတော့၏။

"မင်းတို့‌ေကာင်တွေတော်တော်ကဲလာကြတာပေါ့။''
ကျောင်းပေါက်ဝတည့်တည့်မှာ လာတိုးသောp'dimကြောင့် tineသူ့နှာဖူးကိုပင်ပိတ်ရိုက်ပစ်ချင်၏။
သို့သော်p'diim၏မျက်နှာ ပြုံးစိစိဖြစ်နေပုံအရ သူတို့အတွက် နည်းနည်းအခြေအနေကောင်းဟန်တူသည်။
"ဟို ကျွန်တော်တို့showသွားတာ။''
"ငါသိတယ်။sarawat ငါ့နားကနေ နားပေါက်မတတ်လာတောင်းဆိုသွားလို့။''
Tine sarawatကိုကြည့်လိုက်တော့ စိတ်ဝင်စားမှုကင်းမဲ့နေသည့်ဟန်နဲ့p'dimကို​
​​ကြည့်နေသည်။
"ဒါနဲ့ နေပါဉီးtine မင်းနားမှာ ဘာဆေးတွေများရှိလဲ။''
သူ့နားတိုးတိုးကပ်ပြီးမေးလိုက်သောp'dim၏မေးခွန်းကြောင့် ကြောင်အသွားတာတော့အမှန်။
"sarawatကို မင်းနားရောက်အောင် ဘာဆေးတွေကျွေးလိုက်လဲလို့မေးတာ။''
"ဟမ် အဲ့ဒါ..''
Tineဆုံးအောင်ပင် မဖြေလိုက်ရ။sarawatက သူ့ကိုဆွဲခေါ်သွားသောကြောင့်ဖြစ်သည်။
"ဟေ့ sarawat၊ပွဲက 9:00နာရီနော်။မေ့မနေနဲ့ဉီး''
P'dim၏အော်သံက နောက်မှသဲ့သဲ့ကျန်ခဲ့သည်။