المُستقرِشة البشرية ( مكتملة)

هام

مرحبا للكل شلونكم؟!! يارب الكل بخير

طبعاً جان لازم اكتب هل فقرة وانوّه عن بعض الأشياء من زمان وما اتغاضى عن فهم البعض بس گلت يمكن مجرد تعليق واحد او اثنين بس للأسف السالفة بدت تكبر

طبعاً هواي دا يعلقون على الرواية ويذكرون مشاكل و أولها

@___ قلة الاحداث وكثرة المشاعر
★★★★★★★★★★★★★★

يا جماعة الخير الاغلبية وليس الكل انتقدوا كثرة المشاعر ودقة الوصف بداخل البارت وگالوا هل شي دا يأخذ مساحة اطول من مساحة الأحداث وأحنه مدا نشوف أي تقدّم بالرواية ف أحب أجاوبكم
.
.
.
شوفوا أني لمن كتبت هل رواية ما كتبتهة بس حتى اسردلكم قصّة من وحي خيالي لالا الظاهر اكو سوء فهم

اني كتبت هل قصة لأسباب هواي مثلاً مو هاجسي الوحيد انوا اسرد قصّة واحداث وبس حبيت أنوا روايتي تكون مميزة عن باقي الروايات بأحتوائها على المشاعر

الكلام يلي دا اكتبه بالرواية لازم تعرفون أنوا هو نابع من الگلب والكل يعرف بداخل كل شخص من عدنا مشاعر فوضوية ف كلش صعب انوا نرتب هل مشاعر داخل اسطر باللغة الفصحى ونجملها حتى تعجب القارئ

يكون بعلم الكل سرد المشاعر اصعب بهوااااااي من سرد الأحداث يعني مثلا اني اگدر بمدة ثلاث ساعات اكتبلكم بارت مليئ بالاحداث لدرجة الامتلاء

بس شنو الفايدة ؟!!! أولا الرواية راح تصير قصيرة وثانياً راح تحسون انوا الرواية باردةةةة خالية من المشاعر وما بيهة ريحة حقيقة

على الأقل على الاقل ممكن يكون واحد من عندكم راح يلامس كلامي يلي بداخل الرواية قلبه...مثلا لو شخص حزين لمن اني اكتب عن الحزن واكتب النصائح وياه ممكن هل شخص راح يستفاد وبهاي الحالة اني ما طلعت موهبتي وبس لا اكون هنا نافعة هواي ناس ونفس الشي لمن اكتب عن الحب والحبشكلات الثانية

هل رواية وسيلة لتفريغ مشاعري بداخلهة.. نصائحي وكلامي ممكن يكون ممل للبعض واذا جان ملل ف محد جابرك أيها القارئ انو تقره روايتي انت حرّ..

اعتقد وصلت فكرة المشاعر بداخل البارت يعني الرواية لازم تكون متعددة الأفكار ومتعددة المشاعر وبيهة ريحة حقيقة نابعة من گلب القارئ

واني لمن اكتب بارت ما اهتم انوا لازم الاحداث تعجبكم وبس ولازم تكون كافية حتى تستمتعون بيهة لا تفكيري بعيد ف مثلاً اكول هل رواية راح تصير كتاب ينباع بالاسواق بيوم من الأيام خو ما يصير الكتاب عبارة عن ثلاث ورقات وبسس

او يكون سريع الاحداث وكلشي ينتهي بساعة لا لا من اساسيات الكتابة هو الدقّة وتصوير مشاعر الأبطال

ثانيها
@___________
★★★★★★★★

قصر البارت...هواي يحجون على قصر البارت ف أحب أجاوبكم واگول

يا جماعة الخير اني البارت عندي يكون طوله حسب حماسي...وحسب الاحداث يلي تكون بعقلي..واني هيج طول بارتاتي ما يكون اكثر من ٢١٠٠ كلمة ابدد لأن ما اريد البارت يكون ممل بسبب طوله

ومع ذلك اني دا اترك بكل بارت احداث كافية منها المضحكة ومنها المفيدة ومنها العاطفية...الخ ومدا اتأخر هواي بنشر البارت

ثالثها

@__________
★★★★★★★

فكرة الرواية....هواي دا يستهينون بفكرة الرواية حتى وصلت بيهم لدرجة أنوا يگولون يلة بعد كتبي رواية عن الحمير يسبحون بالبحر!!!!! بربكم هذا كلام؟!!!

اني مدا اشمل الكل أصلا أني اموووت على متابعاتي وكلامهن كله عسل ويخبلن واحمد الله دوم بسبب وجودجن بس اكو البعض يخرب كل هاي الفرحة

شوفوا يا منتقدين قبل لا تقرون الرواية باعوا زين على العنوان..شتشوفون؟!! فانتازيااا يعني خيالية

يعترضون بسبب وجود مطر بداخل البحر وهم مقتنعين بفكرة انوا اكو بشر عايشين داخل البحر!!! ممكن اعرف تفكيركم شنو؟!! لو تعترضون على الرواية جذرياً لو تقتنعون

سبق وإن گلت هيج مخلوقات يعيشون داخل البحر بصورة طبيعية مثل ما احنه نعيش على اليابسة

ليش؟!!! بسبب التعويذات يلي بناها اجدادهم هم مراح يتأثرون بالماي لان ماكو ماي بحياتهم لذلك هم عايشين حياتهم بصورة طبيعية

اتمنى انوا كلامي كان مفهوم واتمنى انو محد يزعل آسفة اذا جرحت البعض بس لازم تعرفون اني مبتدئة وهاي اول رواية لي من صنف الفانتازيا ولساتني جديدة على المكان حتى مصارلي سنة

لذلك لازم تقدرون فكرة أبن آدم يخطأ ومع ذلك اني ما اعتبر نفسي خطآنة لاني ضفت مشاعر بداخل الرواية

هاي اني وهاي روايتي يلي يحب يقره مو بس الكتاب مفتوح له لا حتى گلبي مفتوح ويلي ميحب يقره بعد هاي بكيفه ورحم الله والديه لأن انطه من وقته ولو دقايق

طولت عليكم بالكلام بس بجد جنت محتاجة اطلّع هل خنگة يلي بداخلي ولازم تعرفون اني احبكم هواااي وراح استمر وياكم بالرواية وان شاء الله تعجبكم للنهاية