Mama Gretchen's letter to Chane.
Anak, gusto kong magsimula sa paghingi ng tawad sa'yo at sa lahat ng masasakit na bagay na naidulot ko sa'yo. Hindi ko ginusto iyon. Palagi kong hinihiling ang makakabuti sa'yo at iyon ang akala ko. Mali pala ako.
Sa inyo ni Kaius, pasensya na. Humihingi ako ng tawad sa naidulot kong sakit sa inyong dalawa. Hindi ko sinasadya. Alam kong kapag nabasa mo ito ay masaya na kayong dalawa, at sana ay palagi niyong piliin ang isa't-isa lalo na ang anak niyo.
Sa maikling panahon na nakasama ko ang apo ko ay masasabing kong napalaki mo siya nang maayos at proud na proud ako sa'yo.
Sabihin mo kay Francia na salamat sa pagpaparamdam sa akin na hindi ako naiiba sa kaniya.
Salamat sa mga araw na pinipili niya akong yakapin kaysa sa kamuhian.
At sa'yo, anak ko. Palagi mong tatandaan na nakasubaybay lamang ako palagi sa'yo. Hindi ako naging perpektong ina sa'yo pero sana paniwalaan mo ako na sinubukan ko.
O, siya. Humahaba na. Magpapaalam na ako ha, maging malakas ka dahil magkakaroon ka na ng pamilya. Bigyan mo ako ng invitation para payagan akong dumalo kapag ikakasal ka na.
Huwag kang mag-alala, gagandahan ko ang pakpak na pipiliin ko para dalawa tayong maganda kapag inihatid na kita sa altar, sasama na nga lang ako kay Lord paakyat ulit pagkahatid ko sa'yo.
Mahal na mahal ko kayo. Pasensya na sa mga pagkukulang ko bilang isang magulang.
Mahal kita, anak ko, at sana mahal mo pa rin ako bilang nanay mo kahit na, at kahit pa.
BINABASA MO ANG
The Inevitable Call of Love | ✓
RomanceMaraming stages sa buhay natin kung saan nagiging in denial tayo sa mga emotions at nararamdaman natin. Sometimes, we do it for the better or para lamang maiwasan ang mga kinatatakutan natin. Pero paano kung kahit anong iwas mo ay pilit ka nitong h...
