🔥🔞"في أحضان عزرائيل"🔞🔥(الجزء الرابع)

الحلقة 627

ﺳﻮﺍﺭ ﺗﺤﻜﻲ : ﺣﻄﻴﺖ ﺍﻟﺮﻭﺝ ﻣﻦ ﻳﺪﻱ ... ﻭ ﻫﺰﻳﺖ ﺗﻠﻴﻔﻮﻧﻲ ﻟﻲ ﺑﺎﻗﻲ ﻳﻨﻮﻗﺰ ... ﻟﻘﻴﺘﻮ ﺍﺩﻡ ... ﻧﺴﻤﻊ ﻓﻲ ﻳﺤﻜﻲ ﺍﺩﻡ : ﻭﻳﻨﻚ ﻟﺘﻮﺍ ﺍﻧﺎ : ﻧﺤﻀﺮ ﻓﻲ ﺭﻭﺣﻲ ﺍﺩﻡ : ﺳﺎﻋﺔ ﻓﻲ ﻳﺪﻙ ﻛﻬﻮ ﺍﻧﺎ : ﺍﺳﻤﻊ ﻳﺎ ﺳﻴﺪ ... ﺭﻫﺎﻥ ﺍﻧﺎ ﻟﻲ ﺭﺑﺤﺘﻮ ... ﻭ ﻛﺎﻥ ﺍﻧﺎ ﺟﺎﻳﺔ ﻣﻌﺎﻙ ﺗﻮﺍ ... ﺑﺎﺵ ﻳﻜﻮﻥ ﻓﻤﺎ ﻣﻘﺎﺑﻞ ﻣﻔﻬﻮﻡ ﺍﺩﻡ : ﻫﻬﻬﻬﻬﻪ ﺑﺎﻫﻲ ﺍﻳﺠﺎ ﺗﻮ ﻧﺮﺍﻭ ﺍﻧﺎ : ﺑﺎﻫﻲ ﻋﻠﻘﺖ ﻋﻠﻴﻪ ... ﻭ ﺣﻄﻴﺖ ﺗﻠﻴﻔﻮﻥ ... ﻧﺰﻟﺖ ﻟﺒﺴﺖ ﺍﻟﻜﻮﻧﻔﺎﺭﺱ ﻣﺘﺎﻋﻲ ... ﺟﻨﺒﻲ ﻟﺘﻮﺍ ﻳﻮﺟﻊ ﻣﻦ ﻛﺒﺴﺖ ﻳﺪﻭ ﺍﻟﺒﺎﺭﺡ ... ﻃﻠﻌﺖ ﺍﻟﺨﻠﻌﺔ ﺷﻮﻳﺔ ﻧﻐﺰﺭ ﻟﻠﺒﻘﻌﺔ ﺍﻟﺰﺭﻗﺔ ... ﺍﻻ ﻣﺎ ﻧﺮﺟﻌﻬﺎﻟﻮ ﺩﻭﺑﻞ ... ﻭ ﺗﻮ ﻳﺮﺍ ﺷﻨﻌﻤﻞ ﻓﻴﻪ ... ﻫﺰﻳﺖ ﺗﻠﻴﻔﻮﻧﻲ ... ﻭ ﺟﻴﺖ ﺑﺎﺵ ﻧﻨﺰﻝ ... ﻃﺎﺣﺖ ﻋﻴﻨﻲ ﻋﺎﻟﻔﺎﺳﺖ ﻣﺘﺎﻋﻮ ... ﻣﺰﺍﻟﺖ ﻋﺎﻟﻔﻮﺗﺎﻱ ... ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ... ﻛﻴﻒ ﺫﻛﺮﺕ ﻛﻼﻣﻮ ... ﺗﻨﻬﺪﺕ ﺑﺎﻟﻘﺎﻭﻱ ... ﻛﻨﺖ ﺑﺎﺵ ﻧﻘﺮﺏ ﻣﻦ ﺍﻟﻔﺎﺳﺖ ... ﺍﻣﺎ ﺭﺟﻌﺖ ﻓﻲ ﺍﺧﺮ ﻟﺤﻈﺔ ... ﻧﺤﺲ ﻓﻲ ﻗﻠﺒﻲ ﺑﺎﺵ ﻳﺨﺮﺝ ﻣﻦ ﺑﻘﻌﺘﻮ ... ﻣﻨﻌﺮﻓﺶ ﺷﺒﻴﻨﻲ ... ﺗﻲ ﺗﻮ ﻛﻨﺖ ﻧﺘﺤﻠﻒ ﻓﻴﻪ ... ﻧﻔﺨﺖ ﺑﺎﻟﻘﺎﻭﻱ ... ﻭ ﺧﺮﺟﺖ ... ﻧﺰﻟﺖ ﺍﻟﻠﻮﻃﺔ ... ﺧﺒﺮﺕ ﺧﺎﻟﺘﻲ ﺭﺍﺿﻴﺔ ﺑﺎﺵ ﻧﻤﺸﻲ ﻣﻊ ﺯﻳﺎﺩ ... ﺑﺎﺵ ﻣﺘﻜﻠﻤﻮﺵ ﻭ ﺗﺮﺻﺎﻟﻮ ﻓﻲ ﺟﺮﺗﻲ ... ﺧﺬﻳﺖ ﻣﻔﺎﺗﺢ ﺍﻟﻜﺮﻫﺒﺔ ﻣﻦ ﻋﻢ ﻓﺎﺗﺢ ... ﻭﺭﻛﺒﺖ ... ﻛﺒﺴﺖ ﺑﻴﺪﻳﺎ ﻋﺎﻟﻔﻮﻟﻮﻥ ... ﻣﻨﻌﺮﻓﺶ ﻛﻴﻒ ﻧﻤﺸﻲ ﻣﻌﺎﻩ ﻓﻲ ﺍﻟﻴﻮﺕ ... ﺍﻣﺎ ﺯﺍﺩﺓ ﻣﻨﺠﻤﺘﺶ ﻧﺮﻓﺾ ... ﻣﻌﻨﺪﻳﺶ ﺣﻞ ﺍﺧﺮ ... ﻻﺯﻣﻨﻲ ﻧﺴﺘﻐﻞ ﻛﻞ ﻓﺮﺻﺔ ... ﻏﺰﺭﺕ ﻟﺴﺎﻋﺔ ﻟﻘﻴﺘﻬﺎ 20:00 ... ﺧﺬﻳﺖ ﻧﻔﺲ ﻭ ﺧﺪﻣﺖ ﺍﻟﻜﺮﻫﺒﺔ ... ﺍﻭﻝ ﻣﺎ ﺧﺮﺟﺖ ﻟﻄﺮﻳﻖ ﻧﺴﻤﻊ ﻓﻲ ﺗﻠﻴﻔﻮﻧﻲ ﻳﻨﻮﻗﺰ ... ﻫﺰﻳﺘﻮ ﻓﻲ ﻳﺪﻱ ﺭﻗﻢ ﺟﺪﻳﺪ ﻣﻨﻌﺮﻓﻮﺵ ﻣﻦ ﻗﺒﻞ ... ﻣﺤﺒﻴﺘﺶ ﻧﺮﺩ ﻋﻠﻴﻪ ... ﺍﻣﺎ ﺑﺎﻗﻲ ﻳﻨﻮﻗﺰ ... ﻣﺸﻰ ﻓﻲ ﺑﺎﻟﻲ ﻳﻜﻮﻥ ﺟﻨﻴﺮﺍﻝ ... ﻭ ﻻ ﻫﺎﺭﻭﻥ ... ﺧﺬﻳﺖ ﻧﻔﺲ ﻭ ﻫﺰﻳﺖ ﻋﻠﻴﻪ ... ﻧﺤﻜﻲ ﺍﻧﺎ : ﺍﻟﻮ ﻫﻲ : ﺩ ﺩﻧﻴﻴﻴﺰ ﺍﻧﺎ : ﺷﻜﻮﻥ ﺯﻳﻨﺐ : ﺯ ﺯﻳﻨﺐ ﺗﺤﻜﻲ ﺷﺪﻳﺖ ﺍﻟﻔﺮﺍﻥ ﺑﺎﻟﻘﺎﻭﻱ ... ﺻﻮﺗﻬﺎ ﺧﺮﺝ ﻣﺨﻨﻮﻕ ﻋﺎﻟﻠﺨﺮ ... ﻛﺎﻧﻬﺎ ﻣﺘﺨﺒﻴﺔ ﻣﻦ ﺣﺪ ... ﻭ ﺗﺘﻨﻔﺲ ﺑﺎﻟﻘﺎﻭﻱ ... ﺑﺎﺯ ﻛﺎﻧﺖ ﺗﺠﺮﻱ ... ﻣﻨﻌﺮﻓﺶ ﻛﻴﻒ ﺧﺮﺝ ﺍﺳﻤﻬﺎ ﻣﻦ ﻟﺴﺎﻧﻲ ﺍﻧﺎ : ﺯﻳﻨﻨﺐ ﺯﻳﻨﺐ : ﻉ ﻋﺎﻭﻧﻲ ﺍﻣﺎﻥ ... ﻣﻨﻌﺮﻓﺶ ﺣﺪ ﻏﻴﺮﻙ ﻫﻮﻧﻲ ... ﺑﺎﺵ ﻳﻬﺰﻧﻲ ﻣﻦ ﻫﻮﻧﻲ ﺍﻧﺎ : ﺯﻳﻨﺐ ﺍﻫﺪﺍ ... ﻭﻗﻮﻟﻲ ﻭﻳﻨﻚ ﺗﻮﺍ ﺯﻳﻨﺐ؛ﺩﻧﻴﺰ ﺍﻣﺎﻥ ﺍﻧﺎ : ﻭﻳﻨﻚ ﺯﻳﻨﺐ : ﺕ ﺗﻌﺮﻓﻮ ﺷﺎﺭﻉ ﻟﻲ ﻓﻲ ¤¤¤¤¤¤ ﺍﻧﺎ : ﺍﻳﻪ ﺯﻳﻨﺐ : ﺍﻧﺎ ﻣﺨﺒﻴﺔ ﻓﻲ ﺍﻟﺨﺮﺑﺔ ﻟﻲ ﻏﺎﺩﻱ ﺍﻧﺎ؛ﺑﺎﻫﻲ ﺣﺎﻭﻝ ﺗﻬﺪﺍ ... ﺍﻧﺎ ﺑﺎﺵ ﻧﺠﻲ ﻋﻨﺪﻙ ﺯﻳﻨﺐ : ﺏ ﺑﺎﻫﻲ ﻋﻠﻘﺖ ﻋﻠﻴﺎ ... ﺑﻘﻴﺖ ﻧﺴﻤﻊ ﻓﻲ ﺗﺰﻣﻴﺮ ﺍﻟﻜﺮﻫﺐ ﻭﺭﺍﻳﺎ ... ﻭ ﺗﻠﻴﻔﻮﻧﻲ ﻧﻮﻗﺰ ﻣﺮﺓ ﺍﺧﺮﻯ ... ﺍﺩﻡ ﻳﻄﻠﺐ ... ﻣﺴﺘﺤﻴﻞ ﻧﺨﻠﻴﻬﺎ ﻭ ﻫﻲ ﺑﺤﺎﺟﺘﻲ ... ﺗﻲ ﻫﻲ ﺣﺘﻰ ﺑﻼ ﻣﺎ ﺗﻌﺮﻓﻨﻲ ﻋﺎﻭﻧﺘﻨﻲ ... ﺑﻼ ﻣﺎ ﻧﻔﻜﺮ ﻣﺮﺗﻴﻦ ... ﺧﺪﻣﺖ ﺍﻟﻜﺮﻫﺒﺔ ﻭ ﻃﺮﺕ ﺑﻴﻬﺎ ... ﻣﻨﻌﺮﻓﺶ ﻛﻴﻒ ﻭﺻﻠﺖ ... ﺭﻣﻴﺖ ﻳﺪﻱ ﺟﺒﺪﺕ ﺍﻟﻔﺮﺩ ... ﺍﺻﻼ ﺩﻳﻤﺎ ﻳﺨﻠﻮ ﻭﺍﺣﺪ ﻓﻲ ﺍﻟﻜﺮﻫﺒﺔ ﻟﻀﺮﻭﺭﺓ ... ﻛﻨﺖ ﺑﺎﺵ ﻧﻨﺰﻝ ... ﺍﻣﺎ ﺭﺟﻌﺖ ﻟﺘﺎﻟﻲ ... ﻛﻴﻒ ﺭﻳﺖ ﻭﺍﺣﺪ ﻳﻜﺮﻛﺮ ﻓﻴﻬﺎ ﻣﺨﺮﺟﻬﺎ ﻣﻦ ﺍﻟﺨﺮﺑﺔ ﻭ ﻣﺪﺧﻠﻬﺎ ﻟﻠﻜﺮﻫﺒﺔ ﺑﺎﻟﺴﻴﻒ ﻋﻠﻴﻬﺎ ... ﻃﻔﻴﺖ ﺿﻮ ﺍﻟﻜﺮﻫﺒﺔ ... ﺧﻠﻴﺘﻮ ﻟﻴﻦ ﺧﺪﻡ ﺍﻟﻜﺮﻫﺒﺔ ... ﻭ ﺧﺎﻟﻄﺖ ﻋﻠﻴﻪ ... ﺍﺳﺘﻐﺮﺑﺖ ﻛﻴﻒ ﻣﺸﺎ ﻟﻠﻤﻴﻨﺎﺀ ... ﺍﻣﺎ ﻣﺶ ﻭﻳﻦ ﺍﺩﻡ ... ﻣﻴﻨﺎﺀ ﺍﻟﻠﻲ ﻳﻬﺰﻭ ﻣﻨﻮ ﺍﻟﺴﻠﻌﺔ ... ﺟﺒﺪﻫﺎ ﺑﺎﻗﻲ ﻳﻜﺮﻛﺮ ﻓﻴﻬﺎ ... ﻫﺰﻳﺖ ﺗﻠﻴﻔﻮﻧﻲ ... ﺣﻄﻴﺘﻮ Silencieux ﻛﺒﺴﺖ ﻋﺎﻟﻔﺮﺩ ﻓﻲ ﻳﺪﻱ ﻭ ﻧﺰﻟﺖ ... ﺑﺎﻗﻲ ﻣﺨﺎﻟﻄﺔ ﻭﺭﺍﻩ ﺑﻼ ﻣﺎ ﻳﺤﺲ ... ﺣﻄﻴﺖ ﺗﻠﻴﻔﻮﻥ ﻓﻲ ﻣﻜﺘﻮﺏ ﺍﻟﺴﺮﻭﺍﻝ ﻣﻦ ﺗﺎﻟﻲ ... ﺩﺧﻞ ﻓﻲ ﻭﺳﻂ ﺻﻨﺎﺩﻕ ﻟﻲ ﻳﻬﺰﻭ ﻓﻴﻬﻢ ﺍﻟﺴﻠﻌﺔ ... ﺗﺨﺒﻴﺖ ﻭﺭﺍ ﺣﺪ ﻓﻴﻬﻢ ... ﻧﺮﺍ ﻓﻴﻪ ... ﺭﻣﺎﻫﺎ ﻋﺎﻻﺭﺽ ... ﻗﺪﺍﻡ ﺯﻭﺯ ﺭﺟﺎﻝ ﻳﺤﻜﻲ ﻫﻮ : ﻫﻮﻛﺎ ﺍﻟﻘﻄﻮﺳﺔ ﺗﺎﻟﻴﺔ