ﻭ ﺗﻔﻀﻞ ﻋﻨﺪﻧﺎ ﻟﻠﻤﺮﻛﺰ ﻣﻦ ﻏﺪﻭﺓ ... ﻭ ﺍﻟﻠﻲ ﺣﻄﺘﻬﺎ ﻣﺴﺆﻭﻟﺔ ﻋﻠﻴﻬﻢ ﺧﻠﻴﻬﺎ ﺗﺘﻔﻀﻞ ﻣﻌﺎﻙ ... ﻭ ﺗﻌﺘﺒﺮ ﻣﻦ ﺍﻟﻴﻮﻡ ﻧﻬﺎﻳﺔ ﺍﻟﺨﺪﻣﺔ ﻫﺰﺗﻠﻲ ﺑﺮﺍﺳﻬﺎ ﺑﺎﻫﻲ ... ﺗﻠﻔﺖ ﻟﻤﻼﻙ ... ﻟﻲ ﻣﺨﺒﻴﺔ ﻭﺭﺍ ﺳﻮﺍﺭ ... ﻗﺮﺑﺘﻠﻬﺎ ﻳﺪﻱ ... ﺟﺎﺕ ﺗﺠﺮﻱ ﻋﻨﺪﻱ ... ﻧﺰﻟﺖ ﻋﻠﻴﻬﺎ ... ﻫﺰﻳﺘﻬﺎ ﻓﻲ ﺣﻤﻠﺘﻲ ... ﻛﺒﺸﺖ ﻓﻴﺎ ﺑﻴﺪﻳﻬﺎ ﺯﻭﺯ ... ﻏﺰﺭﺕ ﻟﻠﻤﺪﻳﺮﺓ ﻧﺤﻜﻲ ﺍﻧﺎ : ﺍﺫﺍ ﺩﻧﻴﺰ ﻣﺘﻨﺠﻤﺶ ﺗﺘﺒﻨﺎﻫﺎ ... ﺍﻧﺎ ﺑﺎﺵ ﻧﺘﺒﻨﺎﻫﺎ ... ﻭ ﻧﻈﻦ ﻣﺎﻫﻮﺵ ﺑﺎﺵ ﻳﻜﻮﻥ ﻋﻨﺪﻙ ﻣﺎﻧﻊ ﻫﻲ : ﻝ ﻻ ﺗﻨﺠﻢ ﺗﺠﻲ ﻓﻲ ﺍﻱ ﻭﻗﺖ ﻧﻜﻤﻠﻮ ﺍﻻﺟﺮﺍﺀﺍﺕ ﻗﺮﺑﺖ ﻣﻦ ﺳﻮﺍﺭ ... ﺟﺒﺪﺗﻬﺎ ﻣﻦ ﻳﺪﻫﺎ ... ﻭﺧﺮﺟﺖ ... ﻧﺤﺲ ﻓﻲ ﺭﻭﺣﻲ ﻋﻠﻰ ﺍﻋﺼﺎﺑﻲ ... ﻭ ﻛﺎﻥ ﻧﺰﻳﺪ ﺷﻮﻳﺔ ﻣﺎ ﻧﻌﻤﻞ ﻓﻴﻬﻢ ﺷﻲ ... ﻭ ﻣﺴﺘﺤﻴﻞ ﻧﺴﻜﺖ ﻋﺎﻟﻮﺿﻊ ﻫﺬﺍ ﺟﻤﻠﺔ ... ﺣﻠﻴﺖ ﺑﺎﺏ ﺍﻟﻜﺮﻫﺒﺔ ﻣﻨﺘﺎﻟﻲ ﺣﻄﻴﺖ ﻣﻼﻙ ... ﺳﺘﻨﻴﺘﻬﺎ ﺭﻛﺒﺖ ﻭ ﺧﺎﻟﻄﺖ ﻋﻠﻴﻬﺎ ... ﻏﺰﺭﺕ ﻣﻦ ﺍﻟﻤﺮﺍﻳﺎ ﻟﻤﻼﻙ ﻟﻘﻴﺘﻬﺎ ﺭﻗﺪﺕ ... ﻗﺺ ﻋﻠﻴﺎ ﺻﻮﺕ ﺳﻮﺍﺭ ﺗﺤﻜﻲ ﺳﻮﺍﺭ؛ﺷﻤﻌﻨﻰ ﺍﻧﺖ ﻟﻲ ﺑﺎﺵ ﺗﺘﺒﻨﺎﻫﺎ ﺍﻧﺎ : ﺗﺤﺒﻬﺎ ﺗﺒﻘﻰ ﻏﺪﻳﻜﺎ ﺳﻮﺍﺭ : ﺑﺎﻟﻄﺒﻴﻌﺔ ﻻ ... ﺍﻣﺎ ﺍﺫﺍ ﺍﻧﺖ ﺗﺒﻨﻴﺘﻬﺎ ﺷﺘﻜﻮﻥ ﺑﺎﺳﻤﻚ ﻭ ﺍﺳﻢ ﻣﺮﺗﻚ ... ﻳﻌﻨﻲ ﻣﻌﺎﺩﺵ ﺑﺎﺵ ﻳﻜﻮﻥ ﻋﻨﺪﻱ ﺣﻖ ﻓﻴﻬﺎ ﺷﺪﻳﺖ ﺍﻟﻔﺮﺍﻥ ﺑﺎﻟﻘﺎﻭﻱ ... ﺿﺮﺑﺖ ﻳﺪﻳﺎ ﺯﻭﺯ ﻋﺎﻟﻔﻮﻟﻮﻥ ﻧﺤﻜﻲ ﺍﻧﺎ : ﻣﻌﺎﺍﺍﺍﺩﺵ ﺗﻘﻮﻟﻲ ﻣﺮﺗﻚ ... ﻣﻌﺎﺩﺵ ﻛﻠﺸﻲ ﺗﺮﺑﻄﻮ ﺑﻴﻬﺎ ... ﺍﻧﺎ ﻣﻊ ﺷﻜﻮﻥ ﺗﻮﺍ ... ﻋﻼﻩ ﺟﺒﺘﻬﺎ ﻣﻼﻙ ﻣﻦ ﻏﺪﻳﻜﺎ ... ﻣﺶ ﻋﻠﻰ ﺧﺎﻃﺮﻙ ﺍﻧﺖ ﺳﻜﺘﺖ ﻭ ﻧﺰﻟﺖ ﺭﺍﺳﻬﺎ ... ﺧﺬﻳﺖ ﻧﻔﺲ ... ﻫﺪﻳﺖ ﺭﻭﺣﻲ ﻭ ﻛﻤﻠﺖ ﻧﺤﻜﻲ ﺍﻧﺎ : ﺳﻮﺍﺍﺭ ﺍﺧﺮ ﻣﺮﺓ ﺷﻨﻘﻠﻚ ﺍﻟﻜﻼﻡ ﻫﺬﺍ ... ﻻ ﻣﻴﺮﺍﻝ ﻭ ﻻ ﺍﻱ ﺣﺪ ﺍﺧﺮ ﺷﻴﻔﻚ ﺑﻼﺻﺘﻚ ﻋﻨﺪﻱ ... ﺍﻓﻬﻢ ﻻﻧﺎ ﻣﺴﺘﺤﻴﻞ ﻧﺨﻤﻢ ﻧﻀﺮﻙ ﻭ ﻻ ﻧﺤﻄﻚ ﻓﻲ ﻣﻘﺎﺭﻧﺔ ﻣﻊ ﺍﻱ ﺣﺪ ... ﻣﻌﺎﺩﺵ ﺗﺠﺒﺮﻧﻲ ﻧﺘﺼﺮﻑ ﻣﻌﺎﻙ ﻫﻜﺎ ... ﺣﺎﻭﻝ ﺗﻔﻬﻤﻨﻲ ... ﺧﺎﻃﺮ ﺗﻌﺒﺖ ﻭ ﺍﻧﺎ ﻧﺒﺮﺭﻟﻚ ﻫﺰﺕ ﺭﺍﺳﻬﺎ ﻏﺰﺭﺗﻠﻲ ... ﻧﺪﺭﺍ ﻛﻴﻒ ... ﺭﺟﻌﺖ ﺷﻌﺮﻫﺎ ﻟﺘﺎﻟﻲ ﺗﺤﻜﻲ ﺳﻮﺍﺭ : ﻣﻌﻨﺎﻫﺎ ﻣﻼﻙ ﺷﺘﺒﻘﻰ ﻣﻌﺎﻳﺎ ﺍﻧﺎ ﻫﺰﻳﺖ ﻳﺪﻱ ... ﺭﺟﻌﺘﻠﻬﺎ ﺧﺼﻼﺕ ﺷﻌﺮﻫﺎ ﻟﺘﺎﻟﻲ ... ﻭ ﺗﺒﺴﻤﺘﻠﻬﺎ ﻧﺤﻜﻲ ﺍﻧﺎ : ﻛﻠﺸﻲ ﺗﺤﺐ ﻋﻠﻴﻪ ﺷﻴﺒﻘﻰ ﻋﻨﺪﻙ ﻭ ﻳﻜﻮﻥ ﻟﻴﻚ ﺳﻮﺍﺭ : ﻭ ﺍﻧﺖ ؟ ﺑﻘﻴﺖ ﻧﻐﺰﺭﻟﻬﺎ ... ﺳﺆﺍﻟﻪﺍ ﺭﻭﻫﺠﻨﻲ ... ﺍﻣﺎ ﻋﺠﺒﻨﻲ ﻓﺮﺩ ﻭﻗﺖ ... ﺗﺒﺴﻤﺖ ﻭ ﻫﺰﻳﺘﻠﻬﺎ ﺑﺮﺍﺳﻲ ﺍﻳﻪ ... ﺗﺒﺴﻤﺖ ﻧﺪﺭﺍ ﻛﻴﻒ ... ﻭ ﺗﻌﺪﻟﺖ ﻓﻲ ﻗﻌﺪﺗﻬﺎ ... ﺧﺬﻳﺖ ﻧﻔﺲ ﻭ ﺧﺪﻣﺖ ﺍﻟﻜﺮﻫﺒﺔ ... ﺍﻭﻝ ﻣﺎ ﻭﺻﻠﺖ ... ﻧﺰﻟﺖ ﻫﺰﻳﺖ ﻣﻼﻙ ﺣﻄﻴﺘﻬﺎ ﻓﻲ ﺣﻤﻠﺘﻬﺎ ... ﻭ ﺑﻘﺒﺖ ﻧﺸﻴﻊ ﻓﻴﻬﺎ ﻟﻴﻦ ﺩﺧﻠﺖ ﻟﺪﺍﺭ ... ﺍﺣﺴﻦ ﺷﻲ ﺣﺴﻴﺘﻬﺎ ﺗﻔﺮﻫﺪﺕ ﻭ ﺍﺭﺗﺎﺣﺖ ﺑﻌﺪ ﺍﻟﻠﻲ ﺻﺎﺭ ... ﻫﺰﻳﺖ ﺍﻟﻜﺮﻫﺒﺔ ... ﻭﺭﺟﻌﺖ ﻟﺪﺍﺭ ... ﺍﻣﺎ ﺗﻔﻜﻴﺮﻱ ﺍﻟﻜﻞ ﺑﻘﻰ ﻣﻊ ﻛﻼﻣﻬﺎ ﻣﺘﺎﻉ ﻗﺒﻴﻞ ... ﺍﻟﻴﻮﻡ ﺑﺮﻙ ﺣﺴﻴﺘﻬﺎ ﻗﺪﺍﺵ ﻣﺤﺮﻭﻗﺔ ﻋﻠﻰ ﻭﻟﺪﻧﺎ ... ﻭ ﻗﺪﺍﺵ ﻣﺤﺮﻭﻗﺔ ﻣﻨﻲ ﺍﻧﺎ ... ﻣﻨﺠﻤﺘﺶ ﻧﺘﺼﺮﻑ ﻣﻌﺎﻫﺎ ... ﻭ ﻣﻨﺠﻤﺶ ﻧﺨﻠﻲ ﻣﻴﺮﺍﻝ ﺗﻮﺍ ... ﺧﺎﻃﺮ ﻣﺎ ﺧﺬﻳﺖ ﻣﻨﻬﺎ ﺣﺘﻰ ﻣﻌﻠﻮﻣﺔ ﻟﺘﻮﺍ ... ﻭ ﺍﻻ ﻛﻨﺖ ﻧﻬﻴﺖ ﻛﻠﺸﻲ ﻗﺒﻞ ﻣﺎ ﻳﺒﺪﺍ
أنت تقرأ
🔥🔞"في أحضان عزرائيل"🔞🔥(الجزء الرابع)
Romanceبنوتات هيا تلمولي خليني نكمللكم الكرو لي سارقتها 🤦♀️🤷♀️ بربي للعباد المريضة بالكلام لي هكا تنقص شوبا منيش فاضيتلكم بش نبقى نكسر في راسي 🙄 #نحبكم ❤ #شيماء
