ﺷﺪﻧﻲ ﻣﻦ ﻳﺪﻱ ﻳﺤﻜﻲ ﺯﻳﺎﺩ : ﺍﺑﻘﻰ ﻋﻨﺪﻱ ﺍﻧﺎ : ﻻﺍ ﺍﻧﺖ ﻣﻮﺟﻮﻉ ... ﻭ ﺍﻧﺎ ﻫﻮﻧﻲ ﻣﻌﺎﻙ ﻗﺤﺮﻟﻲ ... ﻭﺭﺧﻒ ﻳﺪﻭ ﻋﻠﻰ ﻳﺪﻱ ... ﻗﻌﺪﺕ ﻋﺎﻟﻄﺎﻭﻟﺔ ﻣﻘﺎﺑﻼﺗﻮ ... ﻭ ﺣﻄﻴﺖ ﻳﺪﻱ ﻋﻠﻰ ﻳﺪﻭ ﺑﻘﻰ ﻳﻐﺰﺭﻟﻲ ﻟﻴﻦ ﻫﺰﻭ ﻧﻮﻡ ... ﺑﻘﻴﺖ ﻧﻐﺰﺭﻟﻮ ... ﻧﻐﺰﺭ ﻟﻜﻞ ﺗﻔﺼﻴﻞ ﻓﻲ ﻭﺟﻬﻮ ... ﻧﺴﻴﺖ ﻛﻠﺸﻲ ﻭ ﺍﻧﺎ ﻣﻌﺎﻩ ﻫﻮﻧﻲ ... ﺍﻟﺪﺍﺭ ﻫﺎﺫﻱ ﺷﻬﺪﺕ ﻋﻠﻰ ﺫﻛﺮﻳﺎﺗﻲ ﺍﻟﻜﻞ ﻣﻌﺎﻩ ... ﻣﺘﻮﻗﻌﺘﺶ ﻟﺒﺎﺵ ﻧﺪﺧﻠﻬﺎ ﻣﺮﺓ ﺍﺧﺮﻯ ... ﺍﻧﺎ ﺍﻛﺎﻛﺎ ... ﻭ ﻧﺴﻤﻊ ﻓﻲ ﺗﻠﻴﻔﻮﻧﻮ ﻳﻨﻮﻗﺰ ... ﺩﻭﺭﺕ ﺭﺍﺳﻲ ... ﻏﺰﺭﺕ ﻟﻄﺎﻭﻟﺔ ... ﻟﻘﻴﺘﻬﺎ ﻣﻴﺮﺍﻝ ﺗﻄﻠﺐ ﻓﻴﻪ ... ﺑﺮﻏﻢ ﻛﺎﻥ ﻧﺺ ﻟﻴﻞ ﺍﻣﺎ ﻣﺴﺘﻐﺮﺑﺘﺶ ... ﻣﺮﺗﻮ ﻭ ﺣﻘﻬﺎ ﺗﻄﻠﺒﻮ ... ﻫﺰﻳﺖ ﺗﻠﻴﻔﻮﻥ ﻓﻲ ﻳﺪﻱ ... ﻧﻐﺰﺭ ﻟﻨﻮﻣﺮﻭﻫﺎ ... ﺧﺬﻳﺖ ﻧﻔﺲ ﻭ ﻫﺰﻳﺖ ﻋﻠﻴﻬﺎ ... ﻧﺴﻤﻊ ﻓﻴﻬﺎ ﺗﺤﻜﻲ ﻣﻴﺮﺍﻝ : ﺣﺒﺒﻲ ﻭﻳﻨﻚ ﻟﺘﻮﺍ ... ﻣﻦ ﺻﺒﺎﺡ ﻧﻜﻠﻢ ﻓﻴﻚ ... ﻣﻬﻢ ﺍﻧﻚ ﻫﺰﻳﺖ ﻋﻠﻴﺎ ... ﻣﻤﻢ ﻋﻨﺪﻱ ﻟﻴﻚ ﻣﻔﺎﺟﺄﺓ ﺑﺎﺵ ﺗﻔﺮﺣﻚ ﺑﺮﺷﺎ ... ﺍﻧﺎ ﻟﻘﻴﺖ ﺩﺍﺭ ﺗﻨﺎﺳﺒﻨﺎ ﺯﻭﺯ ... ﻭ ﻛﻴﻤﺎ ﺗﺤﺐ ﺍﻧﺖ ﻓﻲ ﺑﻼﺻﺔ ﻫﺎﺩﻳﺔ ... ﺑﺎﺯ ﻛﻲ ﻧﺮﺟﻊ ﺑﺎﺵ ﻧﻤﺸﻮ ﻟﻴﻬﺎ ﻣﻊ ﺑﻌﺾ ... ﺑﺎﺵ ﺗﻜﻮﻥ ﺩﺍﺭﻧﺎ ﺍﺣﻨﺎ ﻭ ﻛﻬﻮ ﺑﻘﻴﺖ ﻧﺴﻤﻊ ﻓﻴﻬﺎ ... ﻇﺎﻫﺮ ﻓﻴﻬﺎ ﻓﺮﺣﺎﻧﺔ ﻋﺎﻟﻠﺨﺮ ... ﺑﺎﻗﻲ ﻧﺴﻤﻊ ﻓﻴﻬﺎ ﺗﺤﻜﻲ ﻣﻴﺮﺍﻝ؛ﻣﻤﻤﻢ ﺣﻜﻴﺖ ﺑﺮﺷﺎ ﺣﺘﻰ ﺑﻼ ﻣﺎ ﻧﺴﻤﻊ ﺻﻮﺗﻚ ... ﺳﺎﻣﺤﻨﻲ ﻋﺰﻳﺰﻱ ... ﺯﻳﺎﺩ ... ﺯﻳﺎﺩ ... ﺯﻳﺎﺩ ﺗﺴﻤﻊ ﻓﻴﺎ ﻳﺎﺧﻲ ﻧﺰﻟﺖ ﺗﻠﻴﻔﻮﻥ ﺷﻮﻳﺔ ﺷﻮﻳﺔ ... ﻭ ﻋﻠﻘﺖ ﻋﻠﻴﻬﺎ ... ﺳﻜﺮﺕ ﺗﻠﻴﻔﻮﻥ ﺟﻤﻠﺔ ... ﻣﻦ ﻏﻴﺮ ﻣﺎ ﻧﺰﻝ ﻋﻴﻨﻴﺎ ﻣﻨﻮ ... ﺻﺤﻴﺢ ﻣﻨﺪﻣﺘﺶ ﻋﻠﻰ ﺧﺎﻃﺮ ﺳﻠﻜﺘﻮ ... ﻣﻨﺪﻣﺘﺶ ﺧﺎﻃﺮﻧﻲ ﻧﺤﺒﻮ ... ﻭ ﻣﻨﺠﻤﺶ ﻧﺮﺍﻩ ﻳﺘﻮﺟﻊ ... ﻧﻘﺬﺗﻮ ﻋﻠﻰ ﺧﺎﻃﺮﻱ ﺍﻧﺎ ... ﻫﻮ ﺭﻏﻢ ﻛﻠﺸﻲ ﻋﻨﺪﻭ ﺣﻴﺎﺗﻮ ﺑﻌﻴﺪ ﻋﻠﻴﺎ ... ﻣﻊ ﻣﺮﺗﻮ ﻭﻭﻟﺪﻭ ﺯﺍﺩﺓ ... ﺣﺘﻰ ﻛﺎﻥ ﻳﺮﺟﻌﻠﻲ ﻣﺴﺘﺤﻴﻞ ﻳﻔﺮﺡ ﺑﺎﻟﺼﻐﺎﺭ ... ﻳﻤﻜﻦ ﻟﺤﻖ ﺍﻟﻮﻗﺖ ﺑﺎﺵ ﻧﺘﻘﺒﻞ ﺣﻴﺎﺗﻲ ﻣﻦ ﻏﻴﺮﻭ ... ﺍﻧﺎ ﺍﻟﻴﻮﻡ ﻋﺮﻓﺖ ﻟﻲ ﻓﻘﺪﺕ ﺳﻮﺍﺭ ﻭ ﻣﺴﺘﺤﻴﻞ ﺗﺮﺟﻊ ... ﺩﻧﻴﺰ ﺳﻴﻄﺮﺕ ﻋﻠﻴﺖ ... ﻟﺪﺭﺟﺔ ﺍﻧﻲ ﻭﺻﻠﺖ ﻧﻘﺘﻞ ... ﻗﺮﺑﻮ ﻣﻨﻲ ﺑﺎﺵ ﻳﻀﺮﻭ ... ﺑﺎﺵ ﻳﻮﺣﻞ ﻣﻌﺎﻳﺎ ﺑﺮﺷﺎ ... ﻭ ﺍﻟﺪﻟﻴﻞ ﻟﻲ ﺻﺎﺭ ﺍﻟﻴﻮﻡ ... ﺍﻧﺎ ﺑﺤﺪ ﺫﺍﺗﻲ ﻣﻌﺎﺩﺵ ﻧﻌﺮﻑ ﺻﺤﻴﺢ ﻣﻦ ﻏﺎﻟﻂ ... ﺍﺻﻼ ﻣﻨﻌﺮﻓﺶ ﻛﻴﻒ ﻧﺘﻌﺎﻣﻞ ﻣﻌﺎﻩ ... ﻭﻟﻴﺖ ﻣﻘﺴﻮﻣﺔ ﻧﺼﻴﻦ ... ﻧﺺ ﻳﺤﺐ ﻋﻠﻴﻪ ... ﻭ ﻧﺺ ﻳﺠﺒﺪ ﻋﻠﻴﻪ ... ﻣﻌﺎﺩﺵ ﻧﻌﺮﻑ ﻭﻳﻦ ﻧﻠﻘﻰ ﺭﺍﺣﺘﻲ ... ﻣﻨﺤﺒﺶ ﻧﺪﺧﻞ ﻓﻲ ﺣﻴﺎﺓ ﺣﺪ ... ﺣﺘﻰ ﺍﺫﺍ ﻛﺎﻧﺖ ﻣﻴﺮﺍﻝ ... ﻗﺮﺑﺖ ﻣﻨﻮ ﺍﻛﺜﺮ ... ﺑﺴﺘﻮ ﺗﺤﺖ ﻋﻴﻨﻮ ... ﺑﻮﺳﺔ ﻣﺮﺻﻮﺻﺔ ... ﻣﻨﻌﺮﻓﺶ ﺍﺫﺍ ﺑﺎﺵ ﺟﻴﻨﻲ ﻓﺮﺻﺔ ﺍﺧﺮﻯ ﺍﻧﻲ ﻧﻘﺮﺏ ﻣﻨﻮ ﻟﻬﺪﺭﺟﺔ ... ﻋﺪﻳﺖ ﻳﺪﻱ ﻋﻠﻰ ﺧﺪﻭ ... ﺗﺒﺴﻤﺖ ﻭ ﺍﻧﺎ ﻧﺬﻛﺮ ﻓﻲ ﻛﻼﻣﻮ >> ﺍﻧﺖ ﻣﺘﺎﻋﻲ << ﻭﻗﺖ ﻳﻘﻮﻟﻬﺎ ﻧﺤﺴﻬﺎ ﺧﺎﺭﺟﺔ ﻣﻦ ﻗﻠﺒﻮ ... ﺍﻣﺎ ﻓﺮﺩ ﻭﻗﺖ ﺗﻮﺟﻌﻨﻲ ﺍﻟﻜﻠﻤﺔ ﻫﺎﺫﻱ ... ﻋﻠﻰ ﺧﺎﻃﺮ ... ﺧﻼﻧﻲ ﻭ ﻋﺮﺱ ﺑﻤﻴﺮﺍﻝ ... ﻛﻨﺖ ﺑﺎﺵ ﻧﺼﺪﻕ ﻟﻬﻲ ﻟﻌﺒﺔ ﻛﺎﻥ ﻣﺤﺒﻠﺘﺶ ﻣﻨﻮ ... ﺍﻣﺎ ﻫﻮ ﺑﺎﻟﻌﻤﻠﺔ ﻫﺎﺫﻱ ﺣﻄﻤﻨﻲ ... ﻭﺭﻏﻢ ﻛﻠﺸﻲ ﻣﺰﻟﺖ ﻧﺤﺒﻮ ... ﻧﺰﻟﺖ ﻋﻠﻴﻪ ﺍﻛﺜﺮ ﻧﺤﻜﻲ ﺍﻧﺎ : ﺍﻧﺖ ﺯﺍﺩﺓ ﻣﺘﺎﻋﻲ ... ﺍﻧﺖ ﺯﺍﺩﺓ ﻣﻦ ﺣﻘﻲ ﺍﻧﺎ ... ﺍﻣﺎ ﻣﻨﺠﻢ ﻧﻌﻤﻞ ﺷﻲ ... ﺍﻧﺖ ﻟﻤﺮﺗﻚ ﻭ ﺻﻐﻴﺮﻙ ﺣﺒﻴﺖ ﻧﺒﻘﻰ ﻣﻌﺎﻩ ﺍﻛﺜﺮ ... ﺍﻣﺎ ﻗﺎﻋﺪﺓ ﻧﻮﺟﻊ ﻓﻲ ﺭﻭﺣﻲ ... ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ﻭﺭﺟﻌﺖ ﻓﺘﺤﺘﻬﻢ ... ﺟﺒﺪﺕ ﺗﻠﻴﻔﻮﻧﻲ ﻃﻠﺒﺖ ﻃﺎﻛﺴﻲ ... ﺑﻘﻴﺖ ﻧﻐﺰﺭﻟﻮ ﻟﻴﻦ ﻭﺻﻠﺖ ... ﺭﺟﻌﺖ ﻗﺮﺑﺖ ﻣﻨﻮ ﺑﺴﺘﻮ ﻣﻦ ﺧﺪﻭ ﻧﺤﻜﻲ ﺍﻧﺎ : ﺳﺎﺍﻣﺤﻨﻲ ﺭﻣﻴﺖ ﺍﻟﻜﻠﻤﺔ ﻭ ﻫﺰﻳﺖ ﺭﻭﺣﻲ ... ﺧﺮﺟﺖ ﻧﺠﺮﻱ ... ﺟﺎﺏ ﺭﺑﻲ ﻣﺶ ﺣﺎﺳﺲ ﺑﺸﻲ ... ﺧﺎﻃﺮ ﺗﻌﺐ ﺑﺮﺷﺎ ... ﻭ ﻣﺶ ﺑﺎﺵ ﻳﻔﻴﻖ ﻗﺒﻞ ﺻﺒﺎﺡ ... ﺍﻭﻝ ﻣﺎ ﻧﺰﻟﺖ ﻟﻘﻴﺖ ﻃﺎﻛﺴﻲ ﻳﺴﺘﻨﺎ ﻗﻴﺎ ... ﻋﻄﻴﺘﻮ ﻋﻨﻮﺍﻥ ﺩﺍﺭ ... ﻭ ﻧﺰﻟﺖ ﺍﻟﺒﻼﺭ ... ﻧﺤﺎﻭﻝ ﻧﺎﺧﻮ ﻧﻔﺲ ... ﻧﺤﺎﻭﻝ ﻧﺘﻌﺪﺍ ﻟﻲ ﺻﺎﺭ ﻭ ﻣﻨﻔﻜﺮﺵ ﻓﻴﻪ ﺟﻤﻠﺔ ... ﻻﺯﻣﻨﻲ ﻧﻜﻮﻥ ﺍﻗﻮﻯ ﻣﻦ ﻫﻜﺎ ... ﺍﻟﻄﺮﻳﻖ ﻣﺰﺍﻟﺖ ﻃﻮﻳﻠﺔ ﺑﺮﺷﺎ ... ﻭ ﺍﻧﺎ ﻭ ﺍﺩﻡ ﻣﺰﻟﻨﺎ ﻓﻲ ﺍﻟﺒﺪﺍﻳﺔ ... ﺍﺻﻼ ﻳﻤﻜﻦ ﻧﺨﺘﻔﻲ ﻣﻦ ﺣﻴﺎﺗﻬﻢ ﺯﻭﺯ ﺑﻌﺪ ﻣﺎ ﺗﺎﺧﻮ ﺣﻘﻲ ... ﻭ ﻧﺮﺟﻊ ﻫﻮﻳﺘﻲ ﻭ ﺧﻮﻳﺎ ... ﻭﻗﺘﻬﺎ ﺑﺮﻙ ... ﻧﺠﻢ ﻧﻘﺘﻞ ﺩﻧﻴﺰ ﻭ ﻧﺪﻓﻨﻬﺎ
أنت تقرأ
🔥🔞"في أحضان عزرائيل"🔞🔥(الجزء الرابع)
عاطفيةبنوتات هيا تلمولي خليني نكمللكم الكرو لي سارقتها 🤦♀️🤷♀️ بربي للعباد المريضة بالكلام لي هكا تنقص شوبا منيش فاضيتلكم بش نبقى نكسر في راسي 🙄 #نحبكم ❤ #شيماء
