🔥🔞"في أحضان عزرائيل"🔞🔥(الجزء الرابع)

الحلقة 709

ﻃﻠﻌﺖ ﺭﺍﺳﻲ ﻏﺰﺭﺗﻠﻮ ... ﻟﻘﻴﺘﻮ ﻳﻐﺰﺭﻟﻲ ﻛﻴﻒ ﺍﻟﻌﺎﺩﺓ ... ﺍﺣﺴﻦ ﻣﻨﺤﺒﺶ ﻧﺮﺍ ﻧﻈﺮﺓ ﺍﻟﺸﻔﻘﺔ ﻣﻦ ﻋﻨﺪﻭ ... ﻛﺒﺲ ﻋﻠﻰ ﻳﺪﻱ ﺍﻛﺜﺮ ﻳﺤﻜﻲ ﻫﺎﺭﻭﻥ : ﺧﻠﻴﻨﺎ ﻧﺨﺮﺟﻮ ﻟﺒﺮﺍ ﺷﻮﻳﺔ ﻫﺰﻳﺘﻠﻮ ﺑﺮﺍﺳﻲ ﺍﻳﻪ ... ﻫﺰﻳﺖ ﺭﻭﺣﻲ ﻭﻗﻔﺖ ﺑﺎﻟﺴﻴﻒ ... ﺧﺮﺟﻨﺎ ﻣﻊ ﺑﻌﺾ ... ﻗﻌﺪﻧﺎ ﻋﻠﻰ ﺍﻭﻝ ﻛﺮﺳﻲ ﻋﺎﺭﺿﻨﺎ ... ﺑﻘﻌﺔ ﻣﻀﻮﻳﺔ ﺷﻮﻳﺔ ... ﻭ ﻫﺎﺩﻳﺔ ... ﻣﺎ ﺳﺄﻟﻨﻲ ﺣﺘﻰ ﺷﻲ ... ﺟﻴﺴﺖ ﻗﺎﻋﺪ ﻣﻌﺎﻳﺎ ... ﺧﺬﻳﺖ ﻧﻔﺲ ... ﻧﺤﻜﻲ ﺍﻧﺎ : ﻧﻬﺎﺭﺗﻬﺎ ... ﻙﻧﺖ ﺧﺎﺭﺟﺔ ﻣﻦ ﻟﻔﺎﻙ ... ﻧﻬﺎﺭﺗﻬﺎ ﻋﺪﻳﺖ ﺍﺳﻮﺀ ﻛﺎﺑﻮﺱ ﻓﻲ ﺣﻴﺎﺗﻲ ... ﻣﻦ ﻧﻬﺎﺭﺗﻬﺎ ﻭ ﺍﻧﺎ ﻧﻌﺎﻧﻲ ﻣﻨﻮ ... ﺗﻘﺮﻳﺐ ﻋﺎﻣﻴﻦ ... ﻭ ﺍﻧﺎ ﻣﻨﺠﻤﺖ ﻧﻌﻤﻞ ﺷﻲ ... ﻣﻨﺠﻤﺶ ﻧﺎﻗﻒ ﻗﺪﺍﻡ ﺯﻳﺎﺩ ... ﻭ ﻧﻘﻮﻟﻮ ﺧﻮﻙ ﻫﻮ ﻻﻏﺘﺼﺒﻨﻲ ... ﻛﻞ ﻣﺮﺓ ﻳﻮﻋﺪﻧﻲ ﻟﺒﺎﺵ ﻳﺎﺧﻮ ﺣﻘﻲ ... ﻧﺘﻠﺰ ﻧﺴﻜﺖ ﻣﻊ ﺍﻧﻲ ﻧﻌﺮﻑ ﺷﻜﻮﻧﻮ ﺳﻜﺖ ﺷﻮﻳﺔ ... ﻫﺰﻳﺖ ﻳﺪﻱ ﻣﺴﺤﺖ ﺩﻣﻌﺘﻲ ﺑﻈﻬﺮ ﻳﺪﻱ ... ﺧﺬﻳﺖ ﻧﻔﺲ ﻭ ﻛﻤﻠﺖ ﻧﺤﻜﻲ ﺍﻧﺎ : ﺯﻳﺎﺩ ﻫﻮ ﺍﻟﺤﻘﻴﻘﺔ ﺍﻟﺜﺎﺑﺘﺔ ﻓﻲ ﺣﻴﺎﺗﻲ ... ﻛﻠﺸﻲ ﻛﺬﺏ ... ﺩﻧﻴﺰ ﻫﻲ ﺍﻛﺒﺮ ﻛﺬﺑﺔ ... ﺧﻠﻴﺘﻜﻢ ﺗﺼﺪﻗﻮﻫﺎ ... ﻛﻞ ﻳﻮﻡ ﻧﺘﺨﻨﻖ ﺍﻛﺜﺮ ﻭ ﻣﻌﺎﺩﺵ ﻧﻌﺮﻑ ﺷﺒﺎﺵ ﻧﻌﻤﻞ ﺳﻤﻌﺘﻮ ﻛﻲ ﺗﻨﻬﺪ ﺑﺎﻟﻘﺎﻭﻱ ... ﺍﻭﻝ ﻣﺮﺓ ﻧﺤﺲ ﺑﺮﺍﺣﺔ ﻫﻜﺎ ... ﻣﻨﻌﺮﻓﺶ ﻋﻼﻩ ﺣﻜﻴﺘﻠﻮ ... ﻭ ﻣﻴﻬﻤﻨﻴﺶ ﻟﺒﺎﺵ ﻳﺼﻴﺮ ﻣﺒﻌﺪ ... ﻧﺴﻤﻊ ﻓﻴﻪ ﻳﺤﻜﻲ ﻫﺎﺭﻭﻥ؛ﻣﻴﻬﻤﻨﻴﺶ ﻧﻌﺮﻓﻚ ﺷﻜﻮﻥ ... ﺩﻧﻴﺰ ﻭ ﻻ ﻃﻔﻠﺔ ﺍﺧﺮﻯ ... ﻳﻜﻔﻲ ﺍﻧﻲ ﻧﻌﺮﻓﻚ ﺍﻧﺖ ... ﺍﻟﻠﻲ ﺗﻌﺪﻳﺖ ﺑﻴﻪ ﻳﻤﻜﻦ ﻛﺎﻥ ﺑﺎﺵ ﻳﺼﻴﺮ ﻻﻱ ﻃﻔﻠﺔ ﻏﻴﺮﻙ ... ﺍﻣﺎ ﺍﻧﺖ ﻭ ﻓﻲ ﺣﺎﻟﺘﻚ ﻛﻨﺖ ﺍﻗﻮﻯ ﻣﻦ ﺍﻟﻈﺮﻭﻑ ﺍﻟﻜﻞ ... ﻣﺘﻮﻗﻌﺘﺶ ﻻﺩﻡ ﺗﻮﺻﻞ ﺑﻴﻪ ﻟﻬﻮﻧﻲ ﺻﺮﺍﺣﺔ ... ﻭ ﻛﺎﻥ ﻧﻘﻠﻚ ﺑﺮﺍ ﺍﺷﻜﻲ ﺑﻴﻪ ... ﻫﻮﻣﺎ ﻭﻻﺩ ﺗﻮﻓﻴﻖ ﻭ ﺷﻲ ﻣﺎﻫﻮ ﺑﺎﺵ ﻳﻀﺮﻫﻢ ... ﻭ ﻛﻴﻤﺎ ﻳﺪﺧﻠﻮ ﻳﺨﺮﺟﻮ ... ﺑﺎﻟﻌﻜﺲ ﺍﻧﺖ ﺑﺎﺵ ﺗﺤﻞ ﺣﺮﺏ ﺍﻻﺧﻮﺓ ... ﻭ ﺑﺎﺵ ﻳﻜﻮﻧﻮ ﺯﻭﺯ ﺿﺪﻙ ... ﺯﻳﺎﺩ ﻭ ﺍﺩﻡ ﺍﻛﺜﺮ ﻣﻦ ﺍﻧﻬﻢ ﺍﺧﻮﺓ ... ﺍﻣﺎ ﻫﺬﺍ ﻣﻴﻤﻨﻌﺶ ﺍﻧﻚ ﺗﺎﺧﻮ ﺣﻘﻚ ﻣﻦ ﺍﺩﻡ ... ﻭ ﻻ ﻋﺎﻻﻗﻞ ﻳﻨﺪﻡ ﻋﺎﻟﻠﻲ ﻋﻤﻠﻮ ﻓﻴﻚ ﺍﻟﻜﻞ ﺳﻜﺖ ﺷﻮﻳﺔ ... ﺣﺘﻰ ﻫﻮ ﻣﻴﻌﺮﻓﺶ ﺷﺒﺎﺵ ﻳﺤﻜﻲ ... ﻋﺪﺍ ﻳﺪﻭ ﻋﻠﻰ ﺷﻌﺮﻭ ... ﻭ ﻛﻤﻞ ﻛﻼﻣﻮ ﻫﺎﺭﻭﻥ : ﺍﻧﺎ ﻣﻌﺎﻙ ... ﻣﻨﻌﺮﻓﺶ ﺷﺒﺎﺵ ﻧﻌﻤﻞ ﻋﻠﻰ ﺧﺎﻃﺮﻙ ... ﺍﻣﺎ ﺫﻛﺮ ﺩﻳﻤﺎ ﻻﻧﺖ ﺍﻭﻝ ﻣﺎ ﺗﻄﻠﺒﻨﻲ ﺗﻠﻘﺎﻧﻲ ﺑﺨﺬﺍﻙ ﺍﻧﺎ : ﻋﻼﻩ ﺍﺧﺘﺮﺗﻨﻲ ﺍﻧﺎ ﺑﺎﻟﻈﺒﻂ ﻫﺎﺭﻭﻥ ﻫﺎﺭﻭﻥ : ﺍﻧﺖ ﻛﻬﻮ ﻟﻲ ﻧﻌﺮﻓﻚ ﻫﻮﻧﻲ ﻓﻲ ﺗﻮﻧﺲ ﺍﻧﺎ : ﺑﻤﻌﻨﻰ ﻫﺎﺭﻭﻥ : ﺑﻤﻌﻨﻰ ﻣﻨﺠﻤﺘﺶ ﻧﻜﻮﻥ ﺻﺪﺍﻗﺔ ﻣﻊ ﺣﺪ ... ﺣﺘﻰ ﻓﻲ ﺍﻟﻐﺮﺑﺔ ﺍﻧﺎ : ﻳﻌﻨﻲ ﺍﺣﻨﺎ ﺻﺤﺎﺏ ﺗﻮﺍ ﻣﺶ ﻫﻜﺎ ﻫﺎﺭﻭﻥ؛ﻣﻤﻤﻢ ﺍﻧﺎ : ﻭ ﻣﺶ ﺑﺎﺵ ﺗﺨﺒﺮ ﺷﻲ ﻋﻠﻰ ﺍﻟﻠﻲ ﺣﻜﻴﺘﻬﻮﻟﻚ ﻫﺎﺭﻭﻥ؛ﻃﻤﻦ ﺍﻧﺎ : ﻭ ﻛﺎﻥ ﻳﺨﻠﻴﻨﻲ ﺯﻳﺎﺩ ﻣﺮﺓ ﺍﺧﺮﻯ ... ﺷﻨﻠﻘﺎﻙ ﻣﻌﺎﻳﺎ ﻫﺎﺭﻭﻥ : ﻭ ﻛﺎﻥ ﺗﺤﺐ ﻧﻜﺒﺴﻬﻮﻟﻚ ﺯﺍﺩﺓ ﺿﺤﻜﺖ ﻭﺳﻂ ﺩﻣﻮﻋﻲ ... ﺍﻭﻝ ﻣﺮﺓ ﻧﺮﺍ ﻫﺎﺭﻭﻥ ... ﺑﻮﺟﻪ ﺟﺪﻳﺪ ... ﺍﻭﻝ ﻣﺮﺓ ﻧﺤﺲ ﻟﻔﻤﺎ ﺣﺪ ﺑﺎﺵ ﻳﺪﻋﻤﻨﻲ ﻭ ﻳﺎﻗﻒ ﻣﻌﺎﻳﺎ ... ﺑﺎﺵ ﻧﻜﻤﻞ ﻟﻲ ﺑﺪﻳﺘﻮ ... ﺣﺴﻴﺖ ﺑﺮﺍﺣﺔ ﻣﺶ ﻧﻮﺭﻣﺎﻝ ﺑﻌﺪ ﺍﻟﻠﻲ ﺻﺎﺭ ﺍﻟﻜﻞ ... ﻫﺎﺭﻭﻥ ﻋﻄﺎﻧﻲ ﻃﺎﻗﺔ ﻏﺮﻳﺒﺔ ﺑﻜﻼﻣﻮ ... ﻣﻨﻌﺮﻓﺶ ﻗﺪﺍﺵ ﺑﻘﻴﻨﺎ ... ﻗﺎﻋﺪﻳﻦ ﻏﺪﻳﻜﺎ ... ﻟﻴﻦ ﺣﺴﻴﺖ ﺭﻭﺣﻲ ﻫﺪﻳﺖ ﻭ ﺍﺭﺗﺤﺖ ﻋﺎﻟﻠﺨﺮ