ﺍﻧﺎ : ﺳﻮﺍﺍﺍﺭ ﻋﺪﻧﺎﻥ ... ﻗﺒﻞ ﻣﺎ ﻳﻤﻮﺕ ﻗﺎﻟﻚ ﺷﻲ ... ﻫﻮ ﻳﻌﺮﻑ ﺷﻲ ﻋﻠﻰ ﻟﻲ ﺻﺎﺭ ﻣﻌﺎﻙ ﺳﻮﺍﺭ : ﻋﺪﻧﺎﻥ ﻛﺎﻥ ﻻﺯﻡ ﻳﻤﻮﺕ ... ﺍﻣﺎ ﻣﺶ ﺗﻮﺍ ... ﻛﺎﻥ ﻻﺯﻡ ﺍﻧﺎ ﻧﻘﺘﻠﻮ ... ﺧﺎﻃﺮﻭ ﻛﺎﻥ ﻳﺒﻘﻰ ﻋﺎﻳﺶ ﻫﺰﺕ ﻳﺪﻫﺎ ... ﺣﻄﺘﻬﺎ ﻋﻠﻰ ﺧﺪﻱ ... ﺗﻌﺪﻱ ﻓﻴﻬﺎ ﻭ ﻛﻤﻠﺖ ﻛﻼﻣﻬﺎ ﺗﺤﻜﻲ ﺳﻮﺍﺭ : ﻛﺎﻥ ﺑﺎﺵ ﻳﺄﺫﻳﻚ ﺍﻧﺖ ﺯﺍﺩﺓ ... ﻭ ﺍﻱ ﺣﺪ ﻳﻔﻜﺮ ﻳﻘﺮﺏ ﻣﻨﻚ ﻻﺯﻣﻮ ﻳﻤﻮﺕ ﻫﺰﻳﺖ ﻳﺪﻱ ... ﺣﻄﻴﺘﻬﺎ ﻋﻠﻰ ﻳﺪﻫﺎ ... ﻛﺒﺴﺖ ﻋﻠﻴﻬﺎ ... ﻧﺰﻟﺘﻬﺎ ... ﻧﺤﻜﻲ ﺍﻧﺎ : ﺣﺘﻰ ﺣﺪ ﻣﺎ ﻫﻮ ﺑﺎﺵ ﻳﻘﺮﺏ ﻣﻨﻚ ﻭ ﻻ ﻣﻨﻲ ﺍﻧﺎ ... ﻋﺪﻧﺎﻥ ﺳﺎﺍﺍﻳﻴﻲ ﻣﻌﺎﺩﺵ ﻣﻮﺟﻮﺩ ... ﻻ ﻫﻮ ﻭ ﻻ ﺣﺪ ﻏﻴﺮﻭ ... ﻳﻤﻜﻦ ﻳﻘﺮﺏ ﻣﻨﻚ ﺳﻮﺍﺭ : ﺑﺎﻫﻲ ﻗﺮﺑﺖ ﺑﺴﺘﻬﺎ ﻣﻦ ﺭﺍﺳﻬﺎ ... ﻭ ﻫﺰﻳﺖ ﺭﻭﺣﻲ ﻭﻗﻔﺖ ... ﺣﻠﻴﺖ ﺍﻟﻘﺎﺭﺩ ﺭﻭﺏ ... ﺟﺒﺪﺕ ﻣﺮﻳﻮﻝ ﻣﻦ ﻋﻨﺪﻱ ... ﺣﻄﻴﺘﻮ ﻗﺪﺍﻣﻬﺎ ... ﻭ ﻗﺮﺑﺖ ﻣﻦ ﺍﻟﻔﻮﺗﺎﻱ ... ﻫﺰﻳﺖ ﻣﻨﺸﻔﺔ ... ﺷﻴﺤﺘﻠﻬﺎ ﺷﻌﺮﻫﺎ ... ﻧﺤﻜﻲ ﺍﻧﺎ؛ﺑﺪﻝ ﺩﺑﺸﻚ ﺗﻮ ﻧﺮﺟﻊ ﺳﻮﺍﺭ؛ﻣﻨﺤﺒﺶ ﻧﺒﻘﻰ ﻫﻮﻧﻲ ﺑﺮﺷﺎ ﺍﻧﺎ : ﺍﺭﺗﺎﺡ ﺍﻟﻴﻮﻡ ... ﻭ ﺍﻧﺎ ﻣﻦ ﻏﺪﻭﺓ ﻧﺮﺟﻌﻚ ﺳﻮﺍﺭ؛ﺑﺎﻫﻲ ﺭﺟﻌﺖ ﻟﻠﻜﻮﺟﻴﻨﺔ ... ﻫﺰﻳﺖ ﺍﻟﻤﺎﻛﻠﺔ ﻛﻴﻤﺎ ﺟﺎ ... ﺍﺻﻼ ﺗﻔﻜﻴﺮﻱ ﺑﻘﻰ ﻣﻊ ﻛﻼﻣﻬﺎ ... ﺭﺟﻌﺖ ﻟﻠﺒﻴﺖ ... ﻗﻌﺪﺕ ﺑﺤﺬﺍﻫﺎ ... ﻧﺤﻜﻲ ﺍﻧﺎ : ﻻﺯﻣﻚ ﺗﺎﻛﻮﻝ ﺷﻲ ﺳﻮﺍﺭ؛ﻣﻨﺤﺒﺶ ﺍﻧﺎ : ﺳﻮﺍﺍﺭ ﺳﻮﺍﺭ : ﻣﻨﺤﺒﺶ ﺯﻳﺎﺩ ﺍﻧﺎ : ﺑﺎﻫﻲ ﻣﻼ ﺍﺭﻗﺪ ﺷﻮﻳﺔ ﻫﺰﻳﺖ ﺍﻟﺼﻴﻨﻴﺔ ﺣﻄﻴﺘﻬﺎ ﻋﺎﻟﺘﺎﺑﻞ ﺩﻭﻧﻮﻱ ... ﺟﻴﺖ ﺑﺎﺵ ﻧﻘﻮﻡ ﻗﺮﺑﺖ ﻣﻨﻲ ﻋﺎﻟﻠﺨﺮ ... ﺣﻄﺖ ﺭﺍﺳﻬﺎ ﻋﻠﻰ ﺻﺪﺭﻱ ... ﺣﺎﻭﻃﺘﻨﻲ ﺑﻴﺪﻳﻬﺎ ﺯﻭﺯ ... ﺗﺤﻜﻲ ﺳﻮﺍﺭ : ﺧﻠﻴﻚ ﻫﻮﻧﻲ ﻣﻌﺎﻳﺎ ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﻇﻬﺮﻫﺎ ... ﺷﻌﺮﻫﺎ ﻣﺰﺍﻝ ﻣﺒﻠﻮﻝ ... ﻧﺤﺲ ﻓﻲ ﺍﻟﻨﻔﺲ ﻣﺘﺎﻋﻬﺎ ﻣﻨﻈﻢ ... ﻫﺎﺩﻳﺔ ﻋﺎﻟﻠﺨﺮ ... ﻟﻠﺤﻈﺔ ﺧﻔﺖ ﻋﻠﻴﻬﺎ ... ﻭ ﺧﻔﺖ ﻣﻨﻬﺎ ... ﺧﻔﺖ ﻣﻦ ﺍﻟﻠﻲ ﻗﺎﻋﺪ ﻳﺪﻭﺭ ﻓﻲ ﻣﺨﻬﺎ ... ﻗﺼﺖ ﻋﻠﻴﺎ ﺗﻔﻜﻴﺮﻱ ... ﻛﻴﻒ ﺳﻤﻌﺘﻬﺎ ﺗﺤﻜﻲ ﺳﻮﺍﺭ : ﺻﺪﻗﺖ ﻛﻼﻡ ﻣﻴﺮﺍﻝ ... ﻭ ﻻ ﺻﺪﻗﺘﻨﻲ ﺍﻧﺎ ﺍﻧﺎ : ﻣﺶ ﻭﻗﺘﻬﺎ ﺍﻟﺤﻜﺎﻳﺔ ﺳﻮﺍﺭ : ﻻ ﻭﻗﺘﻬﺎ ... ﺍﻣﺎ ﺍﻧﺖ ﻣﺘﺤﺒﺶ ﺗﺼﺪﻗﻨﻲ ﻛﻲ ﺍﻟﻌﺎﺩﺓ ... ﻭ ﺣﺘﻰ ﻛﺎﻥ ﺻﺪﻗﺘﻨﻲ ﺍﻧﺎ ﻣﺴﺘﺤﻴﻞ ﻧﺴﺎﻣﺤﻚ ﺍﻧﺎ : ﺳﻮﺍﺍﺭ ﻳﺰﻱ ... ﺍﺭﺗﺎﺡ ﺗﻮﺍ ﺳﻮﺍﺭ : ﻣﺎﻧﻴﺶ ﺑﺎﺵ ﻧﺮﺗﺎﺡ ... ﻣﺴﺘﺤﻴﻞ ﻧﺮﺗﺎﺡ ... ﻗﺒﻞ ﻣﺎ ﻳﻮﻓﺎ ﺍﻟﻜﺎﺑﻮﺱ ﻫﺬﺍ ﺍﻟﻜﻞ ﻛﺒﺴﺖ ﻋﻠﻴﻬﺎ ﺑﻴﺪﻱ ... ﻭ ﻧﺰﻟﺖ ﺑﺴﺘﻬﺎ ﻣﻦ ﺭﺍﺳﻬﺎ ... ﺣﺎﺳﺲ ﺑﻀﻌﻔﻬﺎ ... ﻭ ﺧﻮﻓﻬﺎ ... ﺣﺎﺳﺲ ﺑﻴﻬﺎ ... ﺍﻣﺎ ﻣﻨﺠﻤﺖ ﻧﻌﻤﻞ ﺷﻲ ... ﻣﻨﻌﺮﻓﺶ ﻗﺪﺍﺵ ﺗﻌﺪﺍ ﻭﻗﺖ ﺑﺎﻟﻈﺒﻂ ... ﻧﺰﻟﺖ ﺭﺍﺳﻲ ﻟﻘﻴﺘﻬﺎ ﺭﻗﺪﺕ ... ﺟﺒﺪﺕ ﻣﻦ ﻋﻨﺪﻱ ﺭﺟﻌﺘﻬﺎ ﻟﺘﺎﻟﻲ ... ﺑﻘﻴﺖ ﻧﻐﺰﺭﻟﻬﺎ ... ﻧﻐﺰﺭ ﻟﺘﺮﺍﺹ ﺍﻟﻀﺮﺑﺎﺕ ﻟﻲ ﻗﻌﺪﻭ ﻋﻠﻰ ﻳﺪﻫﺎ ... ﻛﻠﺸﻲ ﻗﺎﻋﺪ ﻳﺼﻴﺮ ﺍﻧﺎ ﺳﺒﺐ ﻓﻴﻪ ... ﻫﺰﻳﺖ ﺍﻟﻤﻠﺤﻔﺔ ﻏﻄﻴﺘﻬﺎ ... ﺧﺎﻃﺮ ﺍﻟﻤﺮﻳﻮﻝ ﻗﺼﻴﺮ ... ﺑﻌﺪﺗﻠﻬﺎ ﺷﻌﺮﻫﺎ ﻣﻦ ﻭﺟﻬﺎ ... ﺑﻘﻴﺖ ﻧﻐﺰﺭﻟﻬﺎ ... ﻣﺘﻮﻗﻊﺗﺶ ﻣﻮﺕ ﻋﺪﻧﺎﻥ ... ﺷﻴﻮﺻﻠﻬﺎ ﻟﻠﺤﺎﻟﺔ ﻫﺎﺫﻱ ... ﺳﺨﻔﺘﻨﻲ ﺑﺮﺷﺎ ... ﺍﻣﺎ ﻣﻔﻤﺎﺵ ﺣﻞ ﺍﺧﺮ ... ﺍﺩﻡ ﺯﺍﺩﺓ ﺍﺳﺘﻨﻰ ﻧﻬﺎﺭ ﻫﺬﺍ ﻣﻦ ﺳﻨﻴﻦ ... ﻭ ﻧﺪﺭﺍ ﻛﻴﻒ ﺣﺎﻟﺘﻮ ﺗﻮﺍ ... ﻧﺰﻟﺖ ﻋﻠﻴﻬﺎ ﺍﻛﺜﺮ ... ﺑﺴﺘﻬﺎ ﻣﻦ ﺧﺪﻫﺎ ... ﺑﻮﺳﺔ ﻣﺮﺻﻮﺻﺔ ... ﻭ ﻫﺰﻳﺖ ﺭﻭﺣﻲ ﺭﺟﻌﺖ ﻟﺒﻴﺖ ﺍﻟﺒﺎﻧﻮ
أنت تقرأ
🔥🔞"في أحضان عزرائيل"🔞🔥(الجزء الرابع)
عاطفيةبنوتات هيا تلمولي خليني نكمللكم الكرو لي سارقتها 🤦♀️🤷♀️ بربي للعباد المريضة بالكلام لي هكا تنقص شوبا منيش فاضيتلكم بش نبقى نكسر في راسي 🙄 #نحبكم ❤ #شيماء
