🔥🔞"في أحضان عزرائيل"🔞🔥(الجزء الرابع)

الحلقة 666

ﺗﺒﺴﻤﺘﻠﻲ ﺑﺎﻟﺴﻴﻒ ... ﻭ ﺍﻧﺎ ﻣﺶ ﺍﻛﺜﺮ ﻣﻨﻬﺎ ... ﺩﻭﺏ ﺧﺮﺟﺖ ... ﻫﺰﻳﺘﻮ ﻭ ﺣﻄﻴﺘﻮ ... ﻭ ﺗﻠﻔﺖ ﺑﺎﺵ ﻧﺨﺮﺝ ... ﺷﺪﻧﻲ ﻣﻦ ﻳﺪﻱ ﺭﺟﻌﻨﻲ ﻋﻨﺪﻭ ﻳﺤﻜﻲ ﺯﻳﺎﺩ : ﻋﻼﻩ ﺟﻴﺖ ﺍﻧﺎ : ﻣﻨﻜﻮﻧﺶ ﻗﺼﻴﺖ ﻋﻠﻴﻚ ... ﻣﻤﻢ ﺳﺎﻣﺤﻨﻲ ﻋﺰﻳﺰﻱ ﺍﻟﻤﺮﺓ ﺍﻟﺠﺎﻳﺔ ﺷﻨﺪﻕ ﻋﺎﻟﺒﺎﺏ ﺯﻳﺎﺩ : ﺳﻮﺍﺍﺍﺭ ﺍﻧﺎ : ﺩﻧﻴﻴﺰ ... ﻳﺎﺥﻱ ﻟﺘﻮﺍ ﻣﺰﻟﺖ ﺗﻐﻠﻂ ﻓﻲ ﺍﺳﻤﻲ ﺍﻧﺖ ﻋﺪﺍ ﻳﺪﻭ ﻋﻠﻰ ﻭﺟﻬﻮ ﺑﻐﺰﻭﻝ ... ﻭ ﻧﺰﻝ ﺭﺍﺳﻮ ... ﻏﺰﺭﻟﻲ ... ﻛﺒﺲ ﻋﻠﻰ ﻳﺪﻱ ﺍﻛﺜﺮ ... ﻳﺤﻜﻲ ﺯﻳﺎﺩ : ﻟﻲ ﺭﻳﺘﻮ ﺗﻮﺍ ﻛﻠﺸﻲ ﻛﺎﻥ ﻗﺼﻴﺖ ﻋﻠﻴﻪ ... ﻛﻴﻒ ﻏﺰﺭﺗﻠﻮ ﻓﻲ ﻋﻴﻨﻴﻪ ... ﻧﺤﻜﻲ ﺍﻧﺎ : ﺍﻣﻮﺭﻙ ... ﻣﻌﻦﺩﻛﺶ ﻋﻼﻩ ﺗﻔﺴﺮﻟﻲ ... ﻣﺮﺗﻚ ﻭ ﺍﻋﻤﻞ ﻣﻌﺎﻫﺎ ﻟﻲ ﺗﺤﺐ ... ﺍﻧﺎ ﻫﻮﻧﻲ ﺟﻴﺴﺖ ﺑﺎﺵ ﻧﺤﻜﻲ ﻣﻌﺎﻙ ﻋﻠﻰ ﻣﻼﻙ ﻣﺶ ﺍﻛﺜﺮ ﺯﻳﺎﺩ : ﺻﺪﻗﺘﻚ ... ﻧﻆﺭﺍﺗﻚ ﻓﻀﺤﻮﻙ ﺍﻧﺎ : ﺗﻌﺮﻑ ﺣﺎﺟﺔ ﺯﻳﺎﺩ ... ﺍﻧﺎ ﻋﺎﻻﻗﻞ ﻧﻌﺮﻑ ﺷﻨﻮﺓ ﻧﺤﺐ ﻭ ﺷﻨﻮﺓ ﻧﻜﺮﻩ ... ﺍﻣﺎ ﺍﻧﺖ ﻣﻌﺎﺩﺵ ﺗﻌﺮﻑ ﺷﻨﻴﺔ ﻟﻲ ﺗﺤﺐ ﻋﻠﻴﻪ ﺑﺎﻟﻈﺒﻂ ﺍﻧﺎ ﻭ ﻻ ﻣﻴﺮﺍﻝ ... ﻻ ﺗﻨﺠﻢ ﺗﻜﻮﻥ ﻣﻌﺎﻳﺎ ... ﻭ ﻻ ﻧﺠﻤﺖ ﺗﺨﻠﻴﻨﻲ ﻟﻐﻴﺮﻙ ... ﻛﻞ ﻣﺮﺓ ﺗﺤﺎﻭﻝ ﺗﺠﺒﺪﻧﻲ ﻟﻴﻚ ... ﺗﺼﺮﻓﺎﺗﻚ ﺗﺜﺒﺖ ﺍﻟﻌﻜﺲ ... ﻭ ﻣﻴﺮﺍﻝ ﺑﺘﺼﺮﻓﺎﺗﻬﺎ ﺗﺤﺐ ﺗﺜﺒﺘﻠﻲ ﻻﻧﺖ ﻣﺘﺎﻋﻬﺎ ... ﺍﻣﺎ ﺍﻧﺖ ﻓﻲ ﺍﻟﺤﻘﻴﻘﺔ ﻭ ﻻ ﺷﻲ ﻣﻦ ﻏﻴﺮﻱ ... ﺗﺤﺒﻨﻲ ﻛﻴﻤﺎ ﻧﺤﺒﻚ ﻭ ﺍﻛﺜﺮ ... ﻭ ﺑﺎﺵ ﻧﺒﻘﻰ ﻓﻲ ﺣﻴﺎﺗﻚ ﺩﻳﻤﺎ ﺍﻣﺎ ﺑﺎﻟﻄﺮﻳﻘﺔ ﻟﻲ ﻧﺤﺒﻬﺎ ﺍﻧﺎ ﻣﺶ ﺍﻧﺖ ... ﻣﺎﻧﻴﺶ ﺑﺎﺵ ﻧﻜﻮﻥ ﺳﻮﺍﺭ ... ﺍﻟﻠﻲ ﻣﻦ ﻛﻠﻤﺘﻴﻦ ... ﺗﻨﺠﻢ ﺗﺘﺤﻜﻢ ﻓﻴﻬﺎ ... ﻭ ﻛﻴﻒ ﺗﻮﺍ ﻟﻘﻴﺘﻚ ﺗﺒﻮﺱ ﻓﻴﻬﺎ ... ﻳﻤﻜﻦ ﺗﻠﻘﺎﻧﻲ ﻓﻲ ﻧﻔﺲ ﺍﻟﻮﺿﻊ ﺯﺍﺩﺓ ... ﻭ ﻣﻊ ﻏﻴﺮﻙ ... ﻭ ﺳﺎﻋﺘﻬﺎ ﻣﺎ ﺗﻨﺠﻢ ﺗﻌﻤﻞ ﺷﻲ ... ﺧﺎﻃﺮ ﺣﺒﻚ ﻣﻴﻜﻔﻴﺶ ﺑﺎﺵ ﻳﻤﻨﻌﻨﻲ ﺑﺎﻫﻲ ﺗﺒﺴﻤﻠﻲ ﻧﺪﺭﺍ ﻛﻴﻒ ... ﻛﺒﺲ ﻋﻠﻰ ﻳﺪﻱ ﺍﻛﺜﺮ ... ﺭﺟﻌﻨﻲ ﻟﺘﺎﻟﻲ ... ﺿﺮﺑﺖ ﻓﻲ ﺍﻟﺒﺎﺏ ... ﻛﺒﺲ ﻋﻠﻴﺎ ﺍﻛﺜﺮ ... ﻫﺰ ﻳﺪﻭ ... ﺷﺪﻧﻲ ﻣﻦ ﻭﺟﻬﻲ ... ﻳﺤﻜﻲ ﺯﻳﺎﺩ : ﺗﻬﺪﻳﺪﻙ ﻫﺬﺍ ﻣﺶ ﺑﺎﺵ ﻳﺄﺛﺮ ﻓﻴﺎ ﺗﻌﺮﻑ ﻋﻼﻩ ... ﺧﺎﻃﺮ ﺍﻧﺖ ﻣﺘﻨﺠﻢ ﺗﻌﻤﻞ ﺷﻲ ... ﻭ ﻻ ﺍﻱ ﺣﺪ ﺍﺧﺮ ﻳﻨﺠﻢ ﻳﻘﺮﺏ ﻣﻨﻚ ... ﺧﺎﻃﺮ ﻳﻌﺮﻑ ﻻﻧﺖ ﺗﺎﺑﻌﺘﻨﻲ ﺍﻧﺎ : ﻭ ﺍﺍﺍﺩﻡ؟ ﻳﻌﺮﻑ ﻻﻧﺎ ﺗﺎﺑﻌﺔ ﻟﻴﻚ ﺯﻳﺎﺩ : ﺍﺩﻡ ﻛﺎﻥ ﺍﻧﺎ ﻧﻘﻮﻟﻮ ... ﻫﺬﻳﻜﺎ ﻣﺘﺎﻋﻲ ﺍﻧﺎ ... ﺻﺪﻗﻨﻲ ﻣﻌﺎﺩﺵ ﺣﺘﻰ ﻳﻐﺰﺭﻟﻚ ﻭ ﻻ ﻳﻔﻜﺮ ﻳﻘﺮﺑﻠﻚ ... ﻭ ﻣﻴﺮﺍﻝ ﺣﻜﺎﻳﺘﻬﺎ ﻳﻤﺎﺕ ﻭ ﺗﻮﻓﺎ ... ﺍﻧﺖ ﻻﺯﻣﻚ ﺗﻔﻬﻢ ﺍﻟﺸﻲ ﻫﺬﺍ ﺍﻧﺎ : ﻋﻠﻰ ﻫﺬﺍﻛﺎ ﺷﺘﻤﺸﻮ ﺗﻌﻴﺸﻮ ﻓﻲ ﺩﺍﺭ ﺟﺪﻳﺪﺓ ... ﻋﻼﻩ ﺩﺍﺭﻙ ﺷﺒﻴﻬﺎ ... ﻭ ﻻ ﻣﻨﺠﻤﺘﺶ ﺗﻨﺴﻰ ﻟﻲ ﻋﺪﻳﺘﻮ ﻣﻌﺎﻳﺎ ﺯﻳﺎﺩ : ﻛﻴﻒ ﺗﺤﺐ ﻧﻨﺴﻰ ﺷﻲ ... ﻓﻲ ﻟﺤﻈﺔ ﻧﻤﺤﻴﻪ ﻣﻦ ﻣﺨﻲ ... ﻭ ﻛﺎﻥ ﺍﻧﺎ ﻧﺴﻴﺘﻚ ... ﻣﺶ ﺭﺍﻙ ﻭﺍﻗﻔﺔ ﻗﺪﺍﻣﻲ ﺗﻮﺍ ... ﻟﻬﻮﻧﻲ ﻭ ﻳﺰﻱ ... ﺍﺧﺮ ﻣﺮﺓ ﻧﻘﻠﻚ ... ﻣﻌﺎﺩﺵ ﺗﺴﺘﻔﺰﻧﻲ ﺑﺎﻟﻜﻼﻡ ... ﻭ ﻻ ﺑﺎﻟﺘﺼﺮﻓﺎﺕ ﻫﺬﻭﻣﺎ ... ﻣﺘﺠﺒﺮﻧﻲﺵ ﻧﺤﻜﻲ ﺷﻲ ﻧﻨﺪﻡ ﻋﻠﻴﻪ ﻣﺒﻌﺪ ... ﺍﺭﻛﺢ ﻭ ﺷﺪ ﺩﺍﺭﻙ ... ﻟﻴﻦ ﻧﻜﻠﻤﻚ ﺍﻧﺎ ... ﻭ ﻟﻴﻦ ﻧﻘﻠﻚ ﺷﺘﻌﻤﻞ ﺍﻧﺎ : ﻟﻲ ﺗﺤﻜﻴﻪ ﻟﻲ ﺗﺤﺲ ﺑﻴﻪ ﺍﻧﺖ ﻛﻬﻮ ... ﻭ ﻣﺶ ﻭﻗﺖ ﺗﻜﻤﻞ ﻣﻨﻬﺎ ﺗﺘﺬﻛﺮ ﺩﻧﻴﻴﺰ ... ﻭ ﺗﻬﺪﻳﺪﻙ ﻣﻴﻨﻔﻌﺶ ﻣﻌﺎﻳﺎ ... ﺍﻟﺤﺮﺏ ﺑﺪﻳﺘﻬﺎ ﺍﻧﺖ ... ﻭ ﺍﻧﺎ ﺑﺎﺵ ﻧﻨﻬﻴﻬﺎ ... ﻳﺎ ﺇﻣﺎ ﺗﻜﻮﻥ ﻟﺪﻧﻴﺰ ... ﻭ ﻻ ﻣﺘﻜﻮﻥ ﻟﺤﺘﻰ ﻭﺣﺪﺓ ﻏﻴﺮﻱ ... ﻣﺮﺗﻚ ﻣﺎﻫﻴﺶ ﺑﺎﺵ ﺗﻤﻨﻌﻨﻲ ... ﻣﻦ ﺍﻟﻠﻲ ﺑﺎﺵ ﻳﺼﻴﺮ ... ﻭ ﺣﺪ ﻣﺎﻫﻮ ﺑﺎﺵ ﻳﺎﻗﻒ ﻓﻲ ﻃﺮﻳﻘﻲ ﺣﺘﻰ ﺍﻧﺖ ... ﻭ ﺫﻛﺮ ﻛﻼﻣﻲ ﺑﺎﻟﻘﺪﺍ ﺳﻲ ﺯﻳﺎﺩ ... ﻳﺎ ﺗﻜﻮﻥ ﻟﻴﺎ ... ﻭ ﺍﻻ ﻣﺎ ﺗﻜﻮﻥ ﻟﺤﺘﻰ ﻭﺣﺪﺓ ﻏﻴﺮﻱ ﻛﺒﺴﺖ ﻋﺎﻟﺒﻮﺍﻧﻲ ﺑﻴﺪﻱ ﺣﻠﻴﺖ ﺍﻟﺒﺎﺏ ... ﺟﺒﺪﺕ ﺭﻭﺣﻲ ﻣﻨﻮ ... ﺧﺮﺟﺖ ﻣﻦ ﻏﻴﺮ ﻣﺎ ﻧﺴﺘﻨﺎﻩ ﻳﺤﻜﻲ ... ﺧﺮﺟﺖ ﻭ ﻗﻠﺒﻲ ﻳﺪﻕ ﺑﺎﻟﻘﺎﻭﻱ ﺑﺎﺵ ﻳﺨﺮﺝ ... ﺷﻲ ﻣﻦ ﻛﻼﻣﻮ ... ﻭ ﺷﻲ ﻣﻦ ﺍﻟﻠﻲ ﺳﻤﻌﺘﻮ ﻭ ﺭﻳﺘﻮ ... ﻭ ﺷﻲ ﻣﻦ ﺍﻟﻮﺟﻴﻌﺔ ﺍﻟﻠﻲ ﻗﺎﻋﺪﺓ ﻧﺤﺲ ﺑﻴﻬﺎ ... ﺩﻭﺏ ﺧﺮﺟﺖ ﺍﻟﺒﺮﺍ ... ﻧﺰﻟﺖ ﺩﻣﻌﺔ ﻣﻨﻲ ... ﻣﺴﺤﺘﻬﺎ ﺑﻈﻬﺮ ﻳﺪﻱ ... ﻣﺶ ﻭﻗﺘﻬﻢ ﺍﻟﺪﻣﻮﻉ ﺟﻤﻠﺔ ... ﻻﺯﻣﻨﻲ ﻧﻜﻮﻥ ﺍﻗﻮﻯ ﻣﻦ ﻫﻜﺎ ... ﻭ ﻧﻜﻤﻞ ﻟﺘﺎﻟﻲ ... ﺣﺘﻰ ﺍﺫﺍ ﻃﻠﻌﺖ ﺧﺎﺳﺮﺓ ﻓﻲ ﺍﻟﺤﻜﺎﻳﺔ ... ﻧﻜﻮﻥ ﺧﺬﻳﺖ ﺣﻘﻲ ﻛﺎﻣﻞ ... ﻋﺎﻻﻗﻞ ﺳﺎﻋﺘﻬﺎ ﻧﻌﻴﺶ ﻣﺮﺗﺎﺣﺔ ... ﻭ ﻣﻦ ﻏﻴﺮ ﻋﺬﺍﺏ ... ﺍﻣﺎ ﺗﻮﺍ ﻣﺴﺘﺤﻴﻞ ﻧﺮﺟﻊ ﻟﺘﺎﻟﻲ ... ﻭ ﻛﻞ ﺧﻄﻮﺓ ﻧﻌﻤﻠﻬﺎ ... ﻫﻲ ﺷﺘﻜﻮﻥ ﺧﻄﻮﺓ ﻟﺨﻂ ﺍﻟﻨﻬﺎﻳﺔ