🔥🔞"في أحضان عزرائيل"🔞🔥(الجزء الرابع)

الحلقة 687

ﺑﻘﻴﺖ ﻭﺍﻗﻔﺔ ﻏﺪﻳﻜﺎ ... ﻣﻨﺤﺒﺶ ﻧﺪﺧﻞ ... ﻣﻨﺤﺒﺶ ﻧﺮﺍﻩ ... ﺍﻭﻝ ﻣﺎ ﻃﻠﻌﺖ ﺭﺍﺳﻲ ... ﺟﺎﺕ ﻋﻴﻨﻲ ﻋﻠﻰ ﻋﻴﻨﻮ ... ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻳﻤﺸﻲ ﺑﺎﻟﺰﺭﺑﺔ ... ﻇﺎﻫﺮ ﻓﻴﻪ ﻋﻨﺪﻭ ﻗﻀﻴﺔ ﻣﻬﻤﺔ ... ﻭﺻﻞ ﻟﻜﺮﻫﺒﺘﻮ ... ﺣﻞ ﺍﻟﺒﺎﺏ ... ﻟﻔﺖ ﻭﺟﻬﻲ ﻋﻠﻴﻪ ... ﻧﻐﺰﺭ ﻟﺸﻴﺮﺓ ﻻﺧﺮﻯ ... ﺳﻤﻌﺘﻮ ﻛﻲ ﺧﺒﻂ ﺍﻟﺒﺎﺏ ﺑﺎﻟﻘﺎﻭﻱ ... ﻣﻦ ﺭﻳﺤﺔ ﺑﺮﻓﺎﻧﺘﻮ ... ﻋﺮﻓﺘﻮ ﻟﻬﻮ ﺟﺎﻱ ﻋﻨﺪﻱ ... ﻭﻗﻒ ﻗﺪﺍﻣﻲ ﺑﺎﻟﻈﺒﻂ ... ﺩﻭﺭﺕ ﻭﺟﻬﻲ ﻏﺰﺭﺗﻠﻮ ... ﻫﺰﻧﻲ ﻭ ﺣﻄﻨﻲ ... ﻳﺤﻜﻲ
ﺯﻳﺎﺩ : ﺷﺘﻌﻤﻞ ﺍﻧﺖ ﻫﻮﻧﻲ ؟
ﺍﻧﺎ : ﺷﻨﻘﺎﺑﻞ ﻫﺎﺭﻭﻥ ... ﻋﻨﺪﻙ ﻣﺸﻜﻠﺔ ﻳﺎﺧﻲ
ﺯﻳﺎﺩ : ﻣﺶ ﻗﺘﻠﻚ ﻣﻌﺎﺩﺵ ﺟﻲ ﻟﻬﻮﻧﻲ ... ﻛﺎﻥ ﻭﻗﺖ ﻧﺨﺒﺮﻙ ﺍﻧﺎ
ﺍﻧﺎ : ﺍﻭﻝ ﺷﻲ ﺍﻧﺎ ﺑﺮﺍ ﺍﻟﻤﺮﻛﺰ ... ﺛﺎﻧﻲ ﺷﻲ ﺷﻨﻘﺎﺑﻞ ﻫﺎﺭﻭﻥ ﻟﺴﺒﺐ ﺍﺧﺮ ﻣﺶ ﺍﻟﺨﺪﻣﺔ ... ﻭ ﻳﺎﺭﻳﺖ ﻣﻌﺎﺩﺵ ﺗﺪﺧﻞ ﻓﻴﺎ ﺍﻛﺜﺮ ﻣﻦ ﻫﻜﺎ
ﻋﺪﺍ ﻳﺪﻭ ﻋﻠﻰ ﻭﺟﻬﻮ ... ﻣﻦ ﻧﻈﺮﺗﻮ ﻋﺮﻓﺘﻮ ... ﺷﺎﺩ ﺭﻭﺣﻮ ﺑﺎﻟﺴﻴﻒ ... ﻧﻔﺦ ﺑﺎﻟﻘﺎﻭﻱ ﻳﺤﻜﻲ
ﺯﻳﺎﺩ : ﺍﻏﺰﺭﻟﻲ ﻫﻮﻧﻲ ... ﺗﻔﻮﺭﻳﺨﻚ ﻣﺶ ﻋﻠﻴﺎ ... ﺳﺄﻟﺘﻚ ﺷﺘﻌﻤﻞ ﻫﻮﻧﻲ ﺟﺎﻭﺑﻨﻲ ﻗﺪ ﺳﺆﺍﻝ ... ﻭ ﺷﻲ ﺍﺧﺮ ﺯﺍﺩﺓ ... ﺣﻴﺎﺗﻚ ﺍﻟﻜﻞ ﻓﻲ ﻳﺪﻱ ... ﺗﺘﺤﺮﻙ ﺑﻜﻼﻣﻲ ﺍﻧﺎ ... ﻭ ﺗﻤﺸﻲ ﺑﻜﻼﻣﻲ ﺍﻧﺎ ﺯﺍﺩﺓ ... ﻣﺶ ﻣﻌﻨﺎﻫﺎ ﻣﻌﺎﺩﺵ ﺣﺎﺟﺘﻲ ﺑﻴﻚ ... ﺗﻌﻤﻞ ﻟﻲ ﺗﺤﺐ ﻋﻠﻴﻪ ... ﻭ ﺗﺘﺼﺮﻑ ﻛﻴﻤﺎ ﺗﺤﺐ ... ﺍﻧﺖ ﺷﺘﺒﻘﻰ ﺗﺤﺖ ﻳﺪﻱ ... ﻟﻴﻦ ﺗﻮﻓﺎ ﺍﻟﻠﻌﺒﺔ ﺍﻟﻠﻲ ﺍﻧﺖ ﻓﻴﻬﺎ ... ﻭﻗﺘﻬﺎ ﺑﺮﻙ ... ﺗﻨﺠﻢ ﺗﺎﺧﻮ ﺣﺮﻳﺘﻚ
ﺑﻘﻴﺖ ﻧﻐﺰﺭﻟﻮ ... ﻛﻼﻣﻮ ﺭﻛﺒﻠﻲ ﺍﻟﻌﺼﺐ ﺍﻛﺜﺮ ... ﻣﻜﻔﺎﺵ ﻟﻲ ﻋﻤﻠﻮ ﻣﻦ ﻗﺒﻞ ... ﺑﺎﻗﻲ ﻳﺤﻜﻲ ﻓﻲ ﻧﻔﺲ ﺍﻟﻜﻼﻡ ... ﺑﺎﻗﻲ ﻳﻘﻮﻝ ﻟﻤﻌﺎﺩﺵ ﺣﺎﺟﺘﻮ ﺑﻴﺎ ... ﺑﺎﻗﻲ ﺑﻜﻼﻣﻮ ... ﻳﺨﻠﻴﻨﻲ ﻧﺪﻡ ﻋﻠﻰ ﻛﻠﺸﻲ ﻋﺸﺘﻮ ﻣﻌﺎﻩ ... ﺧﺬﻳﺖ ﻧﻔﺲ ﻧﺤﻜﻲ
ﺍﻧﺎ : ﻧﺎﺧﻮ ﺑﻜﻼﻣﻚ ... ﻧﻬﺎﺭ ﺗﺒﺪﺍ ﻋﻨﺪﻧﺎ ﻣﻬﻤﺔ ﻣﻊ ﺑﻌﺾ ... ﺑﺎﻻﺳﺎﺱ ﺑﻘﺎﺕ ﺿﺤﻴﺔ ﻭﺣﺪﺓ ... ﻭ ﻧﺘﻬﻨﻰ ﻣﻨﻚ ﻭ ﻣﻦ ﺟﻮﻛﻢ ﺍﻟﻜﻞ ... ﻭ ﻣﻦ ﻫﻮﻧﻲ ﻻﻛﺎ ﺍﻟﻨﻬﺎﺭ ... ﺍﻧﺖ ﻣﺎ ﻋﻨﺪﻙ ﺣﺘﻰ ﺩﺧﻞ ﻓﻲ ﺣﻴﺎﺗﻲ ... ﻣﺴﻴﻮ ﺯﻳﺎﺩ
ﻛﻤﻠﺖ ﻛﻼﻣﻲ ... ﻭ ﺟﻴﺖ ﺷﻨﻤﺸﻲ ... ﺷﺪﻧﻲ ﻣﻦ ﻳﺪﻱ ﺭﺟﻌﻨﻲ ﻗﺤﺮﻟﻲ ﻗﺤﺮﺓ ﻣﺘﺎﻉ ﻣﻮﺕ ... ﻳﺤﻜﻲ
ﺯﻳﺎﺩ : ﺍﻣﺸﻲ ﻗﺪﺍﻣﻲ
ﺍﻧﺎ : ﻭﻳﻦ
ﺯﻳﺎﺩ : ﻣﻌﻨﺪﻳﺶ ﻭﻗﺖ ﺷﻨﺎﺧﻮ ﻭ ﻧﻌﻄﻲ ﻣﻌﺎﻙ ... ﺍﻧﺖ ﻣﻦ ﺍﻟﻴﻮﻡ ﺑﺎﺵ ﺗﺒﻘﻰ ﺗﺤﺖ ﻋﻴﻨﻲ
ﺍﻧﺎ : ﺷﻘﺼﺪﻙ
ﺟﺒﺪﻧﻲ ﻭﺭﺍﻩ ... ﺣﻞ ﺑﺎﺏ ﺍﻟﻜﺮﻫﺒﺔ ... ﻧﺤﺎ ﺍﻟﻤﻔﺘﺎﺡ ... ﻭ ﺳﻜﺮﻫﺎ ... ﺑﻘﻴﺖ ﻧﻐﺰﺭﻟﻮ ﻣﺼﺪﻭﻣﺔ ... ﺗﻠﻔﺘﻠﻲ ﻳﺤﻜﻲ
ﺯﻳﺎﺩ : ﺗﺤﺮﻙ ﻗﺪﺍﻣﻲ ﻟﻠﻜﺮﻫﺒﺔ
ﺟﻴﺖ ﺑﺎﺵ ﻧﺤﻜﻲ ... ﻗﺺ ﻋﻠﻴﺎ ... ﻛﻴﻒ ﺷﺪﻧﻲ ﻣﻦ ﻳﺪﻱ ... ﺟﺮﻧﻲ ﻣﻌﺎﻩ ﻟﻜﺮﻫﺒﺘﻮ ... ﺣﻠﻲ ﺍﻟﺒﺎﺏ ... ﺑﺎﺵ ﻧﺮﻛﺐ ... ﻗﺤﺮﺗﻠﻮ ﻧﺤﻜﻲ
ﺍﻧﺎ : ﺗﻲ ﻓﺎﺵ ﺗﻌﻤﻞ .. ﺳﻴﺒﻨﻲ ﻧﺤﺐ ﻧﻤﺸﻲ
ﻣﺮﺟﻌﻠﻴﺶ ... ﻛﺒﺲ ﻋﻠﻰ ﻳﺪﻱ ﺍﻛﺜﺮ ... ﻭ ﺩﺯﻧﻲ ﺍﻟﺪﺍﺧﻞ ...