ﺳﻮﺍﺭ ﺗﺤﻜﻲ : ﺣﻠﻴﺖ ﻋﻴﻨﻴﺎ ﻛﻴﻒ ﺳﻜﺮ ﺑﺎﺏ ﺍﻟﺒﻴﺖ ... ﺳﻤﻌﺖ ﻛﻼﻣﻮ ﺍﻟﻜﻞ ... ﺷﻤﻴﺖ ﺭﻳﺤﺘﻮ ... ﻭ ﺣﺴﻴﺖ ﺑﺒﻮﺳﺘﻮ ... ﺍﻣﺎ ﻣﻨﺠﻤﺘﺶ ﻧﺤﻞ ﻋﻴﻨﻴﺎ ... ﻟﻠﺤﻈﺔ ﻧﺴﻴﺖ ﻛﻠﺸﻲ ﺗﻌﺪﺍ ﻋﻠﻴﺎ ... ﻗﺮﺑﻮ ﻟﻴﺎ ﺧﺪﺭﻧﻲ ... ﺟﺎﺗﻨﻲ ﺭﻏﺒﺔ ﻛﺒﻴﺮﺓ ... ﺍﻧﻲ ﻧﺤﻀﻨﻮ ... ﻧﺤﺐ ﻧﺤﻀﻨﻮ ﻭ ﻛﻬﻮ ... ﻛﻲ ﻫﻮ ﻣﺰﺍﻝ ﻳﺤﺐ ﻋﻠﻴﺎ ﻫﻜﺎ ... ﻛﻲ ﻳﺤﺐ ﻋﻠﻰ ﻭﻟﺪﻭ ... ﻋﻼﻩ ﻋﺮﺱ ﺑﻤﻴﺮﺍﻝ ... ﻋﻼﻩ ﺣﺐ ﻳﻘﺘﻠﻨﻲ ... ﻋﻼﻩ ﺟﺮﺣﻨﻲ ﻟﻬﺪﺭﺟﺔ ... ﻋﻼﻩ ﻗﺮﺏ ﻣﻨﻲ ﻟﻬﺪﺭﺟﺔ ... ﻋﻼﻩ ﺗﻌﻤﺪ ﻳﺄﺫﻳﻨﻲ ﺑﺎﻟﻄﺮﻳﻘﺔ ﻫﺎﺫﻱ ... ﺑﺎﻗﻲ ﻧﺴﺄﻝ ﻓﻲ ﺭﻭﺣﻲ ... ﺍﻣﺎ ﻣﻠﻘﻴﺘﺶ ﺍﻟﺠﻮﺍﺏ ... ﺣﺎﻭﻟﺖ ﻭ ﺣﺎﻭﻟﺖ ... ﺍﻣﺎ ﺩﻳﻤﺎ ﻧﺮﺟﻊ ﻟﺠﻮﺍﺏ ﻭﺍﺣﺪ ... ﺯﻳﺎﺩ ﻋﻤﺮﻭ ﻣﺎ ﺣﺒﻨﻲ ﻭ ﻻﻧﺎ ﻛﻨﺖ ﻟﻌﺒﺔ ﻋﻨﺪﻭ ... ﻫﻮ ﺣﺎﺟﺘﻮ ﺑﻮﻟﺪﻭ ﻛﻬﻮ ... ﻫﺰﻳﺖ ﻳﺪﻱ ﺑﺎﻟﺴﻴﻒ ... ﺣﻄﻴﺘﻬﺎ ﻋﻠﻰ ﻛﺮﺷﻲ ... ﻋﺪﻳﺘﻬﺎ ﺑﺎﻟﺴﻴﺎﺳﺔ ... ﻣﺰﻟﺖ ﻧﺤﺲ ﺑﻠﻤﺴﺔ ﻳﺪﻭ ... ﻣﺰﻟﺖ ﻧﺤﺲ ﺑﻴﻪ ... ﻧﻜﺮﻫﻮ ﻭﻗﺖ ﻳﺤﻀﺮ ... ﻭ ﻧﺘﻮﺣﺸﻮ ﻭﻗﺖ ﻳﻐﻴﺐ ... ﻧﺤﺒﻮ ﻳﺮﺟﻊ ﺯﻳﺎﺩ ﺍﻟﻘﺪﻳﻢ ... ﻧﺤﺐ ﻳﺮﺟﻌﻠﻲ ﻭ ﻳﻘﻮﻟﻲ ... ﻟﻲ ﻋﺮﺳﻲ ﺑﻤﻴﺮﺍﻝ ﻛﺬﺑﺔ ... ﺍﻧﺎ ﻧﺤﺒﻚ ﺍﻧﺖ ... ﻭ ﻣﺶ ﺍﻧﺎ ﻟﻲ ﺣﺒﻴﺖ ﻧﻘﺘﻠﻚ ... ﻗﺎﻋﺪﺓ ﻧﺘﻤﻨﻰ ﻓﻲ ﺣﺎﺟﺎﺕ ﻣﺴﺘﺤﻴﻞ ﺍﻧﻬﺎ ﺗﺼﻴﺮ ... ﺗﻨﻬﺪﺕ ﺑﺎﻟﻘﺎﻭﻱ ... ﻭ ﺳﻜﺮﺕ ﻋﻴﻨﻴﺎ ... ﻛﻴﻒ ﺣﺴﻴﺖ ﺑﺎﻟﺒﺎﺏ ﻓﺘﺢ ... ﻣﻦ ﺭﻳﺤﺘﻮ ﻋﺮﻓﺘﻮ ﻻﺩﻡ ... ﺣﺎﻭﻟﺖ ﻧﺘﻤﺎﻟﻚ ﺭﻭﺣﻲ ﺑﺎﺵ ﻣﻨﻈﻬﺮ ﻗﺪﺍﻣﻮ ﺷﻲ ... ﺑﻘﻴﺖ ﻣﺴﻜﺮﺓ ﻋﻴﻨﻴﺎ ﻟﻴﻦ ﻫﺰﻧﻲ ﺍﻟﻨﻮﻡ ... ﺭﻗﺪﺕ ﻣﺮﺗﺎﺣﺔ ... ﺧﺎﻃﺮ ﻧﻌﺮﻑ ﻟﻤﺴﺘﺤﻴﻞ ﺣﺪ ﻳﻘﺮﺑﻠﻲ ﻭ ﻫﻮ ﻫﻮﻧﻲ ... ﻓﻘﺖ ﺍﻟﺼﺒﺎﺡ ... ﻋﻠﻰ ﻳﺪ ﺍﻟﻔﺮﻣﻠﻴﺔ ﺗﺘﻔﺤﺺ ﻓﻴﺎ ... ﺣﻠﻴﺖ ﻋﻴﻨﻴﺎ ... ﺩﻭﺭﺗﻬﻢ ﻋﺎﻟﺒﻴﺖ ... ﺍﺳﺘﻐﺮﺏﺕ ﻛﻴﻒ ﻣﻠﻘﻴﺘﻮﺵ ... ﻗﻠﺒﻲ ﺩﻕ ﺑﺎﻟﻘﺎﻭﻱ ... ﺧﺬﻳﺖ ﻧﻔﺲ ﻧﺤﻜﻲ ﺍﻧﺎ : ﻭ ﻭﻳﻦ ﺍﺩﻡ ﻓﺮﻣﻠﻴﺔ؛ﻣﺘﺨﺎﻓﺶ ﻣﺪﺍﻡ ... ﻗﺎﻝ ﻟﻲ ﺑﺎﺵ ﻳﺠﻴﺐ ﻗﻬﻮﺓ ﻭ ﻳﺮﺟﻊ ... ﻭ ﺍﻧﺎ ﻣﻌﺎﻙ ﻫﻮﻧﻲ ﻟﻴﻦ ﻳﻮﻟﻲ ﻫﻮ ﺍﻧﺎ : ﺑﺎﻫﻲ ﻋﻴﺸﻚ ﻓﺮﻣﻠﻴﺔ : ﺣﺎﻭﻝ ﺗﺘﻠﻬﺎ ﺑﺮﻭﺣﻚ ﺍﻛﺜﺮ ﺑﺎﻫﻲ ﺍﻧﺎ : ﻗﻮﻟﻲ ﺍﻟﺼﻐﻴﺮ ﻛﻴﻔﻮ ﻓﺮﻣﻠﻴﺔ؛ﻣﺘﺨﺎﻓﺶ ﺻﺤﺘﻮ ﻣﻠﻴﺤﺔ ... ﻫﻮ ﻗﻮﻱ ﻛﻴﻔﻚ ... ﺟﻴﺴﺖ ﺍﺗﻠﻬﻰ ﺑﺮﻭﺣﻚ ﺑﺎﻟﻘﺎﺩﺍ ﺑﺎﻫﻲ ﻫﺰﻳﺘﻠﻬﺎ ﺑﺮﺍﺳﻲ ﺑﺎﻫﻲ ... ﻭ ﻧﻌﺪﻱ ﻓﻲ ﻳﺪﻱ ﻋﻠﻰ ﻛﺮﺷﻲ ﻓﺮﺩ ﻭﻗﺖ ﻧﺘﺒﺴﻢ ... ﺧﺬﻳﺖ ﻧﻔﺲ ﻭ ﻏﺰﺭﺗﻠﻬﺎ ﻧﺤﻜﻲ ﺍﻧﺎ : ﺍﻣﺎﻧﻚ ﻣﺎ ﺗﺤﻜﻴﺶ ﻗﺪﺍﻡ ﺍﺩﻡ ﻻﻧﺎ ﺣﺒﻠﺔ ﻓﺮﻣﻠﻴﺔ : ﻧﻌﺮﻑ ﻃﺒﻴﺐ ﻣﻮﺻﻴﻨﻲ ﺍﻧﺎ : ﺑﺎﻫﻲ ﺍﺣﻨﺎ ﺍﻛﺎﻛﺎ ... ﻭ ﻧﺮﺍ ﻓﻲ ﻃﻔﻠﺔ ﺩﺧﻠﺖ ... ﻃﻔﻠﺔ ﻓﻲ ﻋﻤﺮﻱ ... ﺣﻨﻄﻴﺔ ... ﻇﺎﻫﺮ ﻣﺶ ﻣﻦ ﻫﻮﻧﻲ ... ﺑﻘﻴﺖ ﻧﻐﺰﺭﻟﻬﺎ ... ﻗﺮﺑﺖ ﻣﻨﻲ ﺷﻮﻳﺔ ... ﺗﺤﻜﻲ ﻫﻲ : ﻟﺒﺎﺱ ﻣﺎﻫﻮ ﻫﺰﻳﺘﻠﻬﺎ ﺑﺮﺍﺳﻲ ﺍﻳﻪ ... ﺑﺎﻗﻲ ﻧﻐﺰﺭﻟﻬﺎ ﻣﺴﺘﻐﺮﺑﺔ ... ﺧﺬﻳﺖ ﻧﻔﺲ ﻧﺤﻜﻲ ﺍﻧﺎ : ﺷﻜﻮﻧﻚ ﺍﻧﺖ ﻗﺼﺖ ﻋﻠﻴﻨﺎ ﺍﻟﻔﺮﻣﻠﻴﺔ ... ﻛﻴﻒ ﻏﺰﺭﺗﻠﻲ ... ﺗﺤﻜﻲ ﺍﻟﻔﺮﻣﻠﻴﺔ؛ﻫﻲ ﻟﻲ ﺗﺒﺮﻋﺘﻠﻚ ﻧﻬﺎﺭﺗﻬﺎ ... ﻭ ﺍﻻ ﻣﺴﺘﺤﻴﻞ ﻛﻨﺎ ﻧﺠﻤﻮ ﻧﻠﺤﻘﻮﻙ ﺍﻧﺎ : ﺑﺎﻟﺤﻖ ﻫﻲ : ﺍﻧﺎ ﺯﻳﻨﺐ ﺍﻧﺎ : ﻭ ﺍﻧﺎ ﺩﻧﻴﺰ ﺗﺒﺴﻤﺘﻠﻲ ... ﻭ ﻗﺮﺑﺖ ﻋﻄﺎﺗﻨﻲ ﻳﺪﻫﺎ ... ﻫﺰﻳﺖ ﻳﺪﻱ ﺻﺎﻓﺤﺘﻬﺎ ... ﺑﺎﻗﻲ ﻣﺘﺒﺴﻤﺔ ﺗﺤﻜﻲ ﺯﻳﻨﺐ؛ﻣﺘﺸﺮﻓﻴﻦ ﺍﻧﺎ : ﻭ ﺍﻧﺎ ﺍﻛﺜﺮ ... ﻣﺮﺳﻲ ﺑﺮﺷﺎ ... ﻣﺶ ﺑﺎﺵ ﻧﻨﺴﻰ ﻋﻤﻠﺘﻚ ﻣﻌﺎﻳﺎ ... ﺍﻧﺖ ﺍﻧﻘﺬﺕ ﺭﻭﺣﻴﻦ ... ﻣﺮﺳﻲ ﺑﺮﺷﺎ ﺯﻳﻨﺐ ﺯﻳﻨﺐ : ﺍﻧﺎ ﻣﺎ ﻋﻤﻠﺖ ﺷﻲ ... ﻭ ﻣﺘﺄﻛﺪﺓ ﻻﻧﺖ ﺯﺍﺩﺓ ﻛﻨﺖ ﺑﺎﺵ ﺗﻌﻤﻞ ﻧﻔﺲ ﺍﻟﺸﻲ
أنت تقرأ
🔥🔞"في أحضان عزرائيل"🔞🔥(الجزء الرابع)
Romanceبنوتات هيا تلمولي خليني نكمللكم الكرو لي سارقتها 🤦♀️🤷♀️ بربي للعباد المريضة بالكلام لي هكا تنقص شوبا منيش فاضيتلكم بش نبقى نكسر في راسي 🙄 #نحبكم ❤ #شيماء
