ﺟﺒﺪﺕ ﺭﻭﺣﻲ ﻣﻨﻮ ... ﻭ ﺩﺧﻠﺖ ﻧﺠﺮﻱ ... ﻣﻦ ﻏﻴﺮ ﺣﺘﻰ ﻣﺎ ﻧﺴﺄﻝ ﻋﻠﻴﻬﺎ ﻓﻲ ﺍﻟﺮﻳﺴﻴﺒﺴﻴﻮﻥ ... ﻭﻗﻔﺖ ﻓﻲ ﺑﻼﺻﺘﻲ ... ﻛﻴﻒ ﺭﻳﺘﻮ ﻭﺍﻗﻒ ﺑﺤﺬﺍ ﺍﻟﺒﻼﺭ ... ﺗﻠﻔﺖ ﻋﻨﺪﻱ ... ﻳﻬﺰ ﻓﻴﺎ ﻭ ﻳﺤﻂ ... ﻣﺰﺍﻝ ﺩﺑﺸﻮ ﺑﺎﻟﺪﻡ ... ﻟﺤﻖ ﻋﻠﻴﺎ ﺯﻳﺎﺩ ﺑﺎﻟﻮﻗﺖ ... ﻭﻗﻒ ﻭﺭﺍﻳﺎ ... ﻧﻐﺰﺭ ﻻﺩﻡ ... ﻟﻲ ﻃﻠﻊ ﺭﺍﺳﻮ ﻟﺰﻳﺎﺩ ... ﻣﻦ ﻏﺰﺭﺓ ﻋﻴﻨﻴﻪ ﺣﺴﻴﺘﻮ ﻓﻬﻤﺖ ... ﻻﻧﺎ ﻛﻨﺖ ﻣﻌﺎﻩ ... ﺧﺬﻳﺖ ﻧﻔﺲ ... ﻭ ﻗﺮﺑﺖ ﻣﻨﻮ ... ﻭﻗﻔﺖ ﻗﺪﺍﻣﻮ ﺑﺎﻟﻈﺒﻂ ... ﻃﻠﻌﺖ ﺭﺍﺳﻲ ﻧﻐﺰﺭﻟﻬﺎ ﻣﻦ ﺍﻟﺒﻼﺭ ... ﻧﻐﺰﺭ ﻟﻠﻤﺎﻛﻴﻨﺎﺕ ... ﻟﻠﺦﻳﻮﻁ ﻋﻠﻰ ﺻﺪﺭﻫﺎ ... ﺣﻄﻴﺖ ﻳﺪﻱ ﻋﻠﻰ ﻓﻤﻲ ... ﻣﺼﺪﻭﻣﺔ ... ﺧﺎﻟﻂ ﻋﻠﻴﺎ ﺯﻳﺎﺩ ... ﻃﻠﻌﺖ ﺭﺍﺳﻲ ﻏﺰﺭﺗﻠﻮ ... ﻋﻴﻨﻴﻪ ﺗﺮﻛﺰﻭ ﻋﻠﻴﻬﺎ ... ﺟﺒﺪﺕ ﺭﻭﺣﻲ ﻣﻨﻬﻢ ... ﻭ ﻗﺮﺑﺖ ﻣﻦ ﺍﻟﻄﺒﻴﺐ ﻟﻜﺎﻥ ﺟﺎﻱ ... ﺣﻄﻴﺖ ﻳﺪﻳﺎ ﺯﻭﺯ ﻋﻠﻰ ﻳﺪﻭ ﻧﺤﻜﻲ ... ﻭ ﻧﺒﻜﻲ ﻓﺮﺩ ﻭﻗﺖ
ﺍﻧﺎ : ﻧﺤﺐ ﻧﺮﺍﻫﺎ ﺗﻮﺍ ... ﺍﻣﺎﻧﻚ
ﻃﺒﻴﺐ : ﺣﺎﻟﺘﻬﺎ ﻣﺘﺴﻤﺤﺶ ﻭ
ﻗﺼﻴﺖ ﻋﻠﻴﻪ ... ﻛﻴﻒ ﻛﺒﺴﺖ ﻋﻠﻰ ﻳﺪﻭ ﺍﻛﺜﺮ ... ﻧﺤﻜﻲ ﻭ ﻧﺘﺮﺟﺎ ﻓﻴﻪ
ﺍﻧﺎ : ﺍﻣﺎﺍﺍﻧﻚ ... ﻥﺣﺐ ﻧﺮﺍ ﺍﺧﺘﻲ ﺗﻮﺍ ... ﻧﻮﻋﺪﻙ ﺷﻮﻳﺔ ﻭ ﻧﺨﺮﺝ ... ﺍﻣﺎﺍﺍﻥ
ﻫﺰﻟﻲ ﺑﺮﺍﺳﻮ ﺍﻳﻪ ... ﻭ ﺣﻂ ﻳﺪﻭ ﻋﻠﻰ ﻛﺘﻔﻲ ... ﻳﺤﻜﻲ
ﻃﺒﻴﺐ : ﺑﺮﺍ ﺣﻀﺮ ﺭﻭﺣﻚ ... ﻭ ﻣﻄﻮﻟﺶ ﺑﺮﺷﺎ
ﻫﺰﻳﺘﻠﻮ ﺑﺮﺍﺳﻲ ﺍﻳﻪ ... ﺩﺧﻠﺖ ﻟﻠﺒﻴﺖ ﻻﺧﺮﻯ ... ﺣﻀﺮﺕ ﺭﻭﺣﻲ ... ﺣﻄﻴﺖ ﺍﻟﺒﻮﻧﻲ ... ﻣﺴﺤﺖ ﺩﻣﻮﻋﻲ ... ﻭ ﺩﺧﻠﺖ ﻋﻨﺪﻫﺎ ... ﻗﻌﺪﺕ ﺑﺤﺬﺍﻫﺎ ... ﺣﻄﻴﺖ ﻳﺪﻱ ﻋﻠﻰ ﻳﺪﻫﺎ ﻧﺤﻜﻲ
ﺍﻧﺎ؛ﻳﺎﺍﺍﺧﻲ ﻧﻮﺭﻣﺎﺍﻝ ﺍﻧﺖ ﺗﺤﺐ ﺗﺨﻠﻴﻨﻲ ... ﻣﺶ ﻭﻋﺪﺗﻨﻲ ﺷﺘﺒﻘﻰ ﻣﻌﺎﻳﺎ ... ﺷﺼﺎﺭ ﻟﻮﻋﺪﻙ ﺯﻳﻨﺐ
ﻛﺒﺴﺖ ﻋﻠﻰ ﻳﺪﻫﺎ ... ﻏﺼﺔ ﻣﺘﺎﻉ ﺑﻜﺎ ﻭﺍﺣﻠﺔ ﻓﻲ ﺣﻠﻘﻲ ... ﺗﻨﻬﺪﺕ ﻭ ﻛﻤﻠﺖ ﻛﻼﻣﻲ ﻧﺤﻜﻲ
ﺍﻧﺎ : ﺍ ﺍﻧﺎ ﻣﻌﻨﺪﻳﺶ ﻏﻴﺮﻙ ... ﺍﻧﺖ ﺍﺧﺘﻲ ﺯﻳﻨﺐ ... ﺍﻣﺎﺍﻧﻚ ﻣﺘﺨﻠﻴﻨﺶ ... ﺍﻣﺎﺍﻥﻙ ﻓﻴﻖ ... ﻣﻨﺤﺒﺶ ﻧﺒﻘﻰ ﻭﺣﺪﻱ ... ﻳﺎﺧﻲ ﻓﺪﻳﺖ ﻣﻨﻲ ﺍﻧﺖ ... ﺍﻧﺖ ﺍﺭﺟﻊ ﻭ ﻣﻌﺎﺩﺵ ﻧﻘﻠﻘﻚ ﺟﻤﻠﺔ ... ﺍﻣﺎ ﻣﺰﺍﻝ ﺣﺴﺎﺑﻨﺎ ﺧﺎﻃﺮ ﺗﻔﺎﻫﻤﺖ ﻋﻠﻴﺎ ﻣﻊ ﺯﻳﺎﺩ
ﺗﺒﺴﻤﺖ ﻛﻴﻒ ﺫﻛﺮﺕ ﻟﻲ ﺻﺎﺭ ... ﻣﺴﺤﺖ ﺩﻣﻮﻋﻲ ﻭ ﻛﻤﻠﺖ ﻧﺤﻜﻲ
ﺍﻧﺎ : ﻭ ﺑﺎﺵ ﻧﻌﻠﻤﻚ ﺗﺴﻮﻕ ﺍﻟﻜﺮﻫﺒﺔ ﺯﺍﺩﺓ ... ﻭ ﺑﺎﺵ ﻧﺴﺎﻓﺮﻭ ﻣﻊ ﺑﻌﺾ ﺯﺍﺩﺓ ... ﺍﺣﻨﺎ ﻣﺰﺍﻝ ﻋﻨﺪﻧﺎ ﺑﺮﺷﺎ ﺣﺎﺟﺎﺕ ﻧﻌﻤﻠﻮﻫﻢ ﻣﻊ ﺑﻌﺾ ... ﺍﻣﺎﻧﻚ ﻓﻴﻖ ﻋﻴﺶ ﺍﺧﺘﻲ
ﺣﺴﻴﺖ ﺑﻴﺪﻫﺎ ﺗﺤﺮﻛﺖ ﺷﻮﻳﺔ ﺗﺤﺘﻲ ... ﺿﺤﻜﺖ ﻭﺣﺪﻱ ... ﺩﺧﻞ ﺍﻟﻄﺒﻴﺐ ﺑﺎﻟﻮﻗﺖ ﻗﺮﺑﺖ ﻣﻨﻮ ﻧﺤﻜﻲ
ﺍﻧﺎ : ﺡ ﺣﺮﻛﺖ ﻳﺪﻫﺎ ... ﻭﺍﻟﻠﻪ ﺣﺴﻴﺖ ﺑﻴﻬﺎ
ﻗﺮﺏ ﻣﻨﻬﺎ ... ﻓﺤﺼﻬﺎ ﺷﻮﻳﺔ ... ﻭ ﻏﺰﺭﻟﻲ ﻳﺤﻜﻲ
ﻃﺒﻴﺐ : ﻣﺆﺷﺮ ﺑﺎﻫﻲ ﻟﺘﻮﺍ ... ﻻﺯﻣﻬﺎ ﺗﺮﺗﺎﺡ ﺍﻛﺜﺮ ﻣﻦ ﻫﻜﺎ ... ﻭ ﺍﻱ ﺷﻲ ﺍﻧﺎ ﺑﺎﺵ ﻧﺨﺒﺮﻛﻢ
ﻫﺰﻳﺘﻠﻮ ﺑﺮﺍﺳﻲ ﺍﻳﻪ ... ﻏﺰﺭﺗﻠﻬﺎ ﺷﻮﻳﺔ ... ﻭ ﺗﻠﻔﺖ ﺧﺮﺟﺖ ... ﺗﺮﻣﻴﺖ ﻓﻲ ﺣﻤﻠﺘﻮ ... ﻧﺤﻜﻲ
ﺍﻧﺎ : ﺣﺮﻛﺖ ﻳﺪﻫﺎ ... ﺣﺴﺖ ﺑﻴﺎ ... ﻫﻲ ﺑﺎﺵ ﺗﻔﻴﻖ
ﺣﻂ ﻳﺪﻭ ﻋﻠﻰ ﻇﻬﺮﻱ ... ﻛﺒﺲ ﻋﻠﻴﺎ ... ﻳﺤﻜﻲ
ﺯﻳﺎﺩ : ﻗﺘﻠﻚ ﺑﺎﺵ ﺗﻜﻮﻥ ﻣﻠﻴﺤﺔ ... ﻭ ﺍﻧﺖ ﺯﺍﺩﺓ ﻻﺯﻣﻚ ﺗﺮﺗﺎﺡ
ﻛﺒﺴﺖ ﻋﻠﻴﻪ ﺍﻛﺜﺮ ... ﺣﻠﻴﺖ ﻋﻴﻨﻴﺎ ... ﺟﺎﺕ ﻋﻴﻨﻲ ﻓﻲ ﻋﻴﻦ ﺍﺩﻡ ... ﻟﻲ ﻭﺍﻗﻒ ﻳﻐﺰﺭﻟﻨﺎ ... ﻟﺰﻳﺖ ﻟﺰﻳﺎﺩ ﺍﻛﺜﺮ ... ﻛﺎﻧﻲ ﻧﺤﺐ ﻧﻮﺻﻠﻮ ﺍﻧﻲ ﻣﺴﺘﺤﻴﻞ ﻧﺒﻌﺪ ﻋﻠﻰ ﺯﻳﺎﺩ ... ﺣﺘﻰ ﺯﻳﺎﺩ ﻣﺎ ﻋﻤﻞ ﺷﻲ ... ﻻ ﺑﻌﺪﻧﻲ ... ﻭ ﻻ ﺗﻘﻠﻖ ﻣﻦ ﻗﺮﺑﻲ ﻓﻲ ﺣﻀﻮﺭ ﺍﺩﻡ ... ﻓﻴﺴﻊ ﻣﺎ ﺩﻭﺭ ﻭﺟﻬﻮ ﻟﻠﺒﻼﺭ ... ﻳﻐﺰﺭ ﻟﺰﻳﻨﺐ ... ﻣﻨﻌﺮﻓﺶ ﻛﻴﻒ ﻭﺻﻞ ﻟﻬﻮﻧﻲ ... ﻣﻦ ﺩﺑﺸﻮ ﻇﺎﻫﺮ ﻫﻮ ﺳﻠﻜﻬﺎ ... ﺍﻣﺎ ﻣﻨﺠﻤﺖ ﻧﺤﻜﻲ ﺷﻲ ... ﻭ ﻣﻦ ﺳﺎﻋﺘﻬﺎ ﺗﻌﺪﺍ ﺗﻘﺮﻳﺐ ﺍﺳﺒﻮﻉ ... ﻭ ﻟﺘﻮﺍ ﻣﻔﺎﻗﺘﺶ ... ﺣﺘﻰ ﻣﻼﻙ ﺍﻟﻔﺘﺮﺓ ﻫﺎﺫﻱ ﺗﻌﺒﺖ ﺑﺮﺷﺎ ... ﻭ ﻣﺘﺤﺒﺶ ﺗﻘﻌﺪ ﻣﻊ ﺭﺍﺿﻴﺔ ﻓﻲ ﺩﺍﺭ ... ﻣﺮﺓ ﻓﻲ ﻳﺪﻱ ﻭ ﻣﺮﺓ ﻋﻨﺪ ﺯﻳﺎﺩ ... ﻭ ﺍﻛﺜﺮﻳﺔ ﻋﻨﺪ ﺍﺩﻡ ﻟﻌﺪﺍ ﺍﻟﻴﻤﺎﺕ ﺍﻟﻜﻞ ﻫﻮﻧﻲ ... ﻭ ﺣﺘﻰ ﻛﻴﻒ ﻳﺠﻲ ﻭﺟﻬﻲ ﻣﻊ ﻭﺟﻬﻮ ﺩﻭﺏ ﻧﺤﻜﻲ ﻣﻌﺎﻩ ... ﻋﺮﻓﺖ ﻣﻨﻮ ﻟﻀﻴﺎﺀ ﺣﺎﻟﺘﻮ ﺧﻄﻴﺮﺓ ... ﻭ ﻓﻲ ﻏﻴﺒﻮﺑﺔ ... ﺑﻘﻴﺖ ﻣﺘﻜﻴﺔ ﻭ ﻣﻼﻙ ﺑﺤﺬﺍﻳﺎ ... ﻓﻘﺖ ﻣﻦ ﺳﺮﺣﺘﻲ ... ﻋﻠﻰ ﺻﻮﺕ ﺍﻟﻄﺒﻴﺐ ... ﻟﻘﺎﻝ ﺯﻳﻨﺐ ﻓﺎﻗﺖ ... ﻓﺮﺣﺖ ﻣﺶ ﻧﻮﺭﻣﺎﻝ ... ﻗﺮﺑﺖ ﻣﻦ ﺯﻳﺎﺩ ﺣﻀﻨﺘﻮ ﺑﻜﻞ ﻗﻮﺗﻲ ... ﺣﺴﻴﺘﻮ ﻫﻮ ﻓﺮﺡ ﺯﺍﺩﺓ ... ﺍﺩﻡ ﺣﻞ ﺍﻟﺒﺎﺏ ﻭ ﺩﺧﻞ ﻋﻨﺪﻫﺎ ... ﺩﺧﻠﺖ ﻭﺭﺍﻩ ... ﺟﻴﺴﺖ ﺩﻭﺭ ﻓﻲ ﻋﻴﻨﻴﻬﺎ ﻭ ﺗﻐﺰﺭﻟﻨﺎ ... ﺩﺧﻞ ﺍﻟﻄﺒﻴﺐ ﻳﺤﻜﻲ
أنت تقرأ
🔥🔞"في أحضان عزرائيل"🔞🔥(الجزء الرابع)
Romanceبنوتات هيا تلمولي خليني نكمللكم الكرو لي سارقتها 🤦♀️🤷♀️ بربي للعباد المريضة بالكلام لي هكا تنقص شوبا منيش فاضيتلكم بش نبقى نكسر في راسي 🙄 #نحبكم ❤ #شيماء
