Xianniah Astrid Fajardo
Nitong nakaraang araw, hindi ko talaga maintindihan si Haze. Araw-araw niya akong inaabangan sa labas ng bahay para ihatid na lagi ko namang tinatanggihan dahil kay Steven ako sumasabay. I feel bad for Haze. Alam kong sa tuwing tinatanggihan ko siya, bakas sa mukha nito ang pagkadismaya at lungkot. Wala naman akong magagawa dahil hindi ba, ito ang gusto niya? I'm trying my best na iwasan siya kahit minsan nahihirapan na rin ako. Gustong gusto kong sumabay sa kaniya pero mali, eh. Maling lapitan ko pa siya dahil magiging komplikado lang ang sitwasyon. Ito ang tamang paraan para sa ikabubuti naming dalawa.
"Ihahatid ka ba ulit ni Steven, Niah?" Tanong ni Dad nang matapos na kaming makapag-almusal.
"Opo, Dad."
Tumango lang sila tsaka tuluyan nang tumayo at nagdiretso sa living room kung sa'n naroon na rin si Kuya Xiander. Sumunod na rin ako ro'n upang kunin ang bag kong inilapag ko kanina sa sofa.
"Araw-araw na hatid sundo ka niya, hindi ba nanliligaw 'yon sa 'yo?" Napalingon ako kay Kuya na seryosong nakatingin naman sa 'kin.
Ramdam kong nag-init ang magkabilaang pisngi ko. "K-Kuya naman! Anong klaseng t-tanong 'yan? Hindi nanliligaw si Steven, 'no! He's just a friend."
"Friend? I don't think so. The way he look at you, 'di tingin 'yon ng isang kaibigan lang. Lalaki rin ako Niah kaya ramdam kong may gusto 'yon sa 'yo. Hindi ko alam kung manhid ka ba para 'di mapansin o sadyang ramdam mo rin pero isinasawalang bahala mo lang," saad ni Kuya na diretso na ang ang tingin sa tv ngayon.
"D-Dad, oh! Si Kuya kung anu-ano ang sinasabi," pagsusumbong ko kay Dad na katabi ni Kuya ngayon.
"Paano nga kung may gusto talaga sa 'yo si Steven, 'nak?"
Nagsalubong ang dalawang kilay ko dahil I didn't expect na pati si Dad ay tatanungin 'yon.
"Dad!" Pikon kong saad.
Nagtinginan sila Dad at Kuya Xiander sabay tumawa ng mahina. Sakto namang kalalabas ni Mom sa dining area kaya agad akong lumapit sa kaniya at niyakap ito.
"Mom, pinagkakaisahan ako ni Dad at Kuya," pagsusumbong ko.
"We're just asking lang naman what if may gusto sa kaniya si Steven, Mom." Kuya Xiander explained.
Hinawakan ni Mom ang ulo ko at tinap ito tsaka hinaplos ang buhok ko.
"Ano naman kung may gusto nga talaga si Steven kay Niah? Steven is an ideal man. Nasaksihan ko rin kung paano 'yon lumaki and kung totoo man na may gusto ito kay Niah, then, we can assure na hindi masasaktan si Niah. Mabait at matinong bata si Steven and I like him for Niah," seryosong sambit ni Mom.
Kumalas ako sa pagkakayakap sa kanila at tiningnan ito, "Mom, pati ba naman ikaw?"
"What? Walang mali sa sinabi ko. You're in a legal age na and if Steven confessed his feelings towards you, then, accept it and give him a chance to prove his love for you."
Matapos no'n, 'di na ako umimik pa. Inayos ko nalang ang gamit ko sa loob ng bag na dadalhin ko. Maya-maya pa'y, napagdesisyunan ko nang lumabas na dahil nagtext na si Steven na malapit na raw siya.
Pagkalabas ko ng gate, nakita ko na naman ang kotse ni Haze na nasa tapat pa rin ng bahay nila. Ganito lagi ang ganap simula noong matapos ang ilang ulit na pagtanggi ko sa kaniya na ihatid ako. Tuwing umaga ay nakapark ang kotse niya sa labas ng bahay nila at tsaka lang ito aalis kapag dumating na si Steven. Hindi ko alam kung ba't niya ito ginagawa. Naalis ang pagkakatitig ko sa kotse niya nang nasa tapat ko na ang sasakyan ni Steven. Nahagip naman ng paningin ko ang pagharurot ni Haze at tuluyan na itong nawala sa paningin ko.
