YOU belong with ME (Under Editing)

chapter 19

Sophia P.O.V

Nang makilala namin si Jazmine ng araw na yun nalaman rin namin na mag ta-tranfer sya sa school din namin ni Ria sa susunod na buwan. Grabe ang saya namin ng malaman yun kaya niyakap namin sya ng mahigpit. Nung araw din na yun nanuod kami ng sine at bumili ng gamit nag laro sa arcade at kumain. Sayang lang dahil wala si kuya leo.

Meron kasi syang photoshoot this week kaya busy sya. Kaya hindi namin sya nakasama ni Ria. Simula rin ng malaman kong kapatid ko si Kuya leo naging mas close pa kami sa isa't isa. Sa kalaunan sinabi na rin namin kay Ria ang tungkol sa amin at nagulat sya ng malaman yun pero kailangan naming isekreto lang yun dahil hindi pa namin alam kung anong mangyayari kung malaman ito ng lolo ko.

Hindi ko man alam kung bakit sya galit sa pamilya ni mama pero naniniwala akong balang araw matatanggap nya rin si mama. At magiging close kami.

Ano kayang itsura ni lolo?

Nasa terrace ako ng biglang pumasok si ate Summer. "Sophia?" Narinig ko tawag nya sa akin.

"Bakit ate?"

"Wala lang gusto ko lang malaman kung anong ginagawa mo."

"Nag iisip lang ako kung anong itsura ni lolo. At hinihiling na sana balang araw mag reunion tayong mag pamilya." Sabi ko habang nakatingin sa kalangitan at maraming bituin. Nakaramdam naman ako ng pag akbay ni ate.

"Parehas lang tayo ng gusto Sophia. Sana matapos na ito para hindi na umiyak ulit si mama." Sumandal ako sa balikat nya at pumikit.

---

Panibagong araw na naman para pumasok sa school at mukhang marami ang pumasok ng maaga ngayon. Ang sabi sa kin ni Ria May lagnat daw sya na mukhang hindi sya makakapasok ng ilang araw at ngayon hindi rin makakapasok si kuya leo kasi naman busy sa trabaho nya. Hays sana namn walang mangbully sa akin ngayong araw na ito.

Habang nag lalakad ako sa hallway nakikita ko ang mga tingin nilang lahat sa akin parang feeling ko gusto ko ng lamunin ng lupa sa titig nila. Shempre nakasuot ako ng maluwag at mahabang palda, makapal na salamin at magulong pag kaka tali ng buhok. Well mas comfortable kasi ako ng ganito ang suot. Kesa naman sa suot ng iba na halos nakulangan ng tela ang suot. Kung siguro nag titinda lang ako ng tela bibigyan ko sila.

Libre pa.

Parang ayoko ng ganyang suot na kita na ang dibdib at maikling palda with ternong mahabang heels na parang makakabali sa Paa ko pag sinuot ko yun.

Nagulat nalang ako ng mag biglang umakbay sa akin. "Hi miss Beautiful." Na hindi ko kilala.

Sino ba ito? Mukhang ang lakas din ng trip nito. May pa miss beautiful pa.

"Alam mo bang ang ganda mo today?" May pag ka sarcastic at natatawang sabi nya.

"HAHAHA Uy! Tae nakaka cringe!" Sabi ng mga tropa nyang mukhang baliw kaka pigil ng tawa.

"Tigilan nyo nga ako." Sabi ko at tinanggal ang pag kaka akbay nya sa akin. Na ikinagulat nila.

"Oy! oy! Panis ka pala Dude eh! HAHAHA" Pangaasar ng mga kasama nya.

Aalis na sana ako ng May bigla namang humawak sa akin at hinila ako sa loob ng comfort room. "Ano ba! Bitawan nyo ako. Anong gagawin nyo-" At tinapunan ng spaghetti.

"Binigyan ka lang namin ng make over na bagay sayo." Sabi nya. Sila ang mga alipores ni Beverly.

"At ang kapal din ng mukha mong lumapit kay Dylan ko."