Coquettish Nonpareil

Chapter 38

Acheros P.O.V

It's been 5 years since she left pero hanggang ngayon, siya pa rin ang gusto kong makasama.

"Five more minutes Mr. Martinez at magsisimula na po ang interview."

Napalingon ako sa babaeng nagsalita sa aking likuran.

"Thank you."

Yumuko lang ito at nagpaalam na aalis.

Hayss.. Kung sana nandito siya, edi sana naipakita ko sa kaniya ang lahat ng nagawa ko.

Matapos umalis ni Deianira ay napagdesisyunan kong mas lalo pang palaguin ang kompanya. Akala ko kasi, kapag naging sikat na ako, babalik siya at sasamahan ako pero hanggang ngayon wala pa rin siya.

Ilang beses na rin akong nagtangkang tapusin ko ang buhay ko dahil akala ko sasagipin niya ako pero sa huli ako lang ang nasasaktan.

Naiintindihan ko naman ang pag-alis niya, pero may parte pa rin talaga sa akin ang hinahanap siya at hindi ko iyon mapigilan.

"We will start now Mr. Martinez." Biglang saad ng aking sekretarya.

Hindi ako sumagot at naunang naglakad papunta sa aking upuan.

Pag-upo ko pa lang ay agad itinutok ang iba't ibang klase ng kamera kaya medyo napapikit ako at katulad ng mga kalimitang nangyayari sa akin ay nakita ko na naman siya. Minsan nga gusto ko na lang tumitig sa isang kamera para lang makita siya.

"In 3 2 1 START!"

Pagkarinig ko sa sinabi ng direktor ay agad akong umayos ng upo.

"Kasama natin ngayon ang isa sa pinakasikat na young entrepreneur sa buong mundo. No other than Mr. Acheros Dark Martinez!"

Lahat ng news reporter ay nagsipalakpakan sa sinabi ng babae kaya pumalakpak na rin ako para sa aking sarili.

"Nandito ang lahat ng news reporter sa Pilipinas mula sa iba't ibang chanel upang magbigay ng iba't ibang katanongan. Is that okay Mr. Martinez?"

Nakakatawang isipin na dahil lang sa kaniya kaya ko naisipang makilahok sa mga ganito. Naisip ko kasi na baka may mahiwaga silang telebisyon kagaya ng mga nakikita kong palabas tungkol sa mga Diyosa.

"Ofcourse."

Abot langit ang ngiti ko kahit naboboryo na ako sa paulit-ulit na katanongang ibinibigay nila sa akin.

"You may raise your hand now."

Nagsitaasan sila ng kamay at pumili naman ang MC.

"Mr. Corpuz from Hearts Chanel."

Yumuko ito sa akin at tumango naman ako sa kaniya.

"I'm just new here po kaya hindi ko alam kung ano ang dapat kong itanong sa inyo."

Kinuha ko ang aking mic at sinagot ito.

"I'm fine with any question."

Ngumiti muna siya sa akin bago nagtanong.

"May rumor po kasing kumakalat about you and Ms. Cath na matagal na raw po kayong dapat ikasal pero naantala dahil sa dati ninyong sekretarya. Is that true Mr. Martinez?"

Napangiti ako sa unang tanong na natanggap ko. Hindi ko inakalang hindi pa rin nila ito nakakalimutan.

"Me and Cath are bestfriends mula pagkabata kaya expected na ikakasal kami paglaki namin, but I never love her like a lover. And about sa babaeng tinutukoy niyo, she's my real fiance."