حبيبه

#حبيبه 🦋 1

# البارت الاول
وذكرياتي

#حبيبه
البارت الاول
كان عمري10سنوات لم جاء لحوشنا وكان يهدرز هو وخوي وخواتي لي اكبر مني لاني نا اصغر وحده في البنات
كانت المناسبه المولد النبوي (عيد القنديل😉)
اكيد كان يجي قبل هك بس نا هذي الذكره الوحيده لي له في طفولتي.
نا حبيبه عمري 18نقرا في لغات اول سنه لي فالجامعه جاء تنسيبي قانون بس نا كنت نحب الانجليزي والفرنسي وسجلت لغات انجليزي شكلي كيوت بشرتي وسط وشعري اسود طويل لتحت خصري بواجد عيوني عسليات غامق وكانن صحباتي يقولن عليا (باربي)
كانت حالتنا المادية اقل من العاديه بس ماما ماكنتش حرمتنا من شي
ماما من مدينه بعيده علينا جدي وحني متوفيين وخوالي ميجوش عندنا لانهم مسافرين للخارج
خواتي الاكبار وحده متجوزه وحده مخطوبه ولد عمي
ايمان الكبيره وخدها جار هلي
سلمي مخطوبه لولد عمي
اما اختي لي كانت قريبه مني واجد ايه مازالت تقرأ فالجامعه قسم اعلام ثاني سنه.
عندي ثلاث اخوه محمد ومحمود ومعتز .
ماما ...مراه طيبه واجد وحنونه وكل لي يعرفها يحبها ضحت بحياتها على شأن تربينا وتعلمنا احسن تعليم على رغم من كل الظروف لي واجهتها إلا أنها قدرت تكافح ابروحه من دون مساعده حد في عيله باتي .
باتي كان شخص واصل ومعروف اجوز على ماما ونا مزلت نقرا في الابتدائي كان دايرلنا راتب بسيط بعد تعب وجهد ماما في المحاكم حصلته ما يوصلش150 دينار.

نرد بيكم شوي الايام الثانوي......
كان فرح قريبتنا في العيله وكل عمامي وعماتي حاضرين الفرح وكان الفرح في حوش معتز لي هو ولد عمتي
بحكم ان هو اهل باته كلهم ساكنين في نفس المزرعه وباته من نفس عيلتنا بس امه عمتي أخت باتي
ماشينا كلنا عشان نحضرو الفرح وكنا فرحنين واجد لان امي قالت باهي وخدتلنا دبش صح مش غالي بس ماحرمتنش من شي
كنت قاعده فالخيمه بتاع الفرح نا ودانه بنت عمي لي نحبها ومن نفس عمري وايمان بنت عمتي وايه اختي ونجوي بنت عم معتز وشلة بنات من العيله نهدرزو ونضحكو وكان الجو يهبل
دانه..يا بنات شوفن احمد ومعتز ومحمد قاعدين برا يتحوسو
نحن كلنا بحتنا وتمينا نضحكو
نجوى وايه ...حكن في نفس لحظه "معتز يبي يخش" بحتن في بعضهن وجرنها
شوي وخش معتز على اساس يبي اخته ايمان
معتز..ايمان تعالي نبيكي كلنا بحتنا فيه وصبت ايمان شوره                              
شوي وخشو اعيال العيله طبعآ خوتي ميخشوش لانهم كانو اصغار ومحمد جابنا للفرح وروح
نا نسمع في معتز يقول لوحده تعالي بحتت ورايا كان ينادي في قريبتنا داير معاها علاقه ويحبها
معتز عيونه ملونات وشعره ناعم ومطوله وعنده لحيه لا تعرفيها سوده لا كستنائيه مرسومه كان حلو وجذاب
اميره البنت لي يحبها معتز كانت عاديه مش سمحه بس انيقه واجد واديره روحه دلوعه
معتز..اميره تعالي ويبحت فيها بنظرات اتذوب وهي اتطنش عليه ومش امعدله جت صبت امعاه ومدت يدها تسلم عليه وهو كان يحصل يحضنها كان باين في عيونه كيف ايحبها

دانه ....اسعود ياقرود البنات كلهن ضحكن وتمن ايعلقن بس نا كانت هذي أول مره انشوف حد يحب حد او حب باين فعيون حد بالوضوح والصدق والعمق هضا كنت في سنه ثانيه ثانوي بس بس قلبي نبض وبقوه كنت متمنيه نا نكون مكانها....
كنت لابسه استرتش اسود وتي شرت اصفر هادي وكنت دايره جمه ع لعند حواجبي كثيفه ونازال خصلات اطوال مع الجنب امظفره اشعري لنهايه اضهري وباقي الشعر مسيبته مفتوح كنت نبي نسمع شن يحكو
كنت نبي نعرف لي يحبو شن يقولو بحتت في البنات وقتلهن شن رايكن في غيطه مع الشباب كلهن قالن باهي
قلت لدانه وايه هيا نجيبو الدربوكه والدف ( الطبل) ونكلمو وصال .
وصال هذي بنت عمي واخت دانه ونحبها كانها اختي الكبيره قالتلي باهي. دانه كانت لابسه بجامه لونها وردي وفيها رسومات دببه اصغار بالاسود والأبيض
صبينا وكنت متعمده نمشي بشواش عشان نسمع معتز واميره شن يحكو طبعآ ايمان كانت اقريبه منهم هي خالد ولد عمها ومحمد خوها عشان كان جاء حد ولله خش حد لم قربت منهم خالد انتبهلي وحكى هو وايمان وقالي ماشيه معاكي الجمه يا حبيبه وغمز ايمان ضحكت لانها عرفتني نتحشم ولانه خالد وايمان مخطوبين ويحبو بعضهم
معتز معش حكى لعند نحن هلبنهم
دانه .....وصال ياخميره صبي هيا نبو انديرو جو وندربكو
وصال...باهي انلم شفشيفي قبل ...كنك؟ ..اوي حبيبه نحكي معاكي بصوت عالي 
نا ...شي
وصال ... مش عليا نا وحضنتني احكي شن في .
نا بحتت فيها وقتلها اميره ياعوينها بمعتز شكله ميت فيها من بدري وهو يحوس يبي يحكي امعاها وهي فايته.
جت دانه جايبه الدربيك مدتلي نا وحده وصال وحده وشالت هي الدف وطلعنا لاقينهم كلهم امقمعزين مع بعضهم البنات دايرات صفه مقابلتهن صفة الشباب خد صافي دربوكه ومعتز دربوكه وسالم ولد عمهم خو صافي الدف
وبدا جو وغناء والدنيا شالت وجن الصبايا معانا وقعدنا لعند الساعه 2فالليل درابيك وايمان مكملتها نظرات هي وخالد وضحك ع الشباب ورقيصهم
وصال تكلم فيا ونا عيوني على اميره ومعتز قالتلي خليكي معانا قتلها معتز يهبل وجت الكلمه في وذن صافي لانه كان امصبي ورايا ونا منشوفش فيه
بعد كملنا الدرابيك في لي خش وفيه لي عدا شور فيلة عمي عبدالله لي هو بات خالد وسالم الصافي
ونحن البنات جبنا بطاطين وقمعزنا نهدرزو برا
سلمى اختي...متبنش اترقدن انتن صبن هيا الفجر قريب يأذن .
وبكره ........
Natash sa🖤