Unicode
"အမ ကျွန်တော့်ကို ရိပေါ်အကြောင်းပြောပြပါလား.."
ခရစ်စတီးနားကြည့်နေတာ။ဒီကောင်လေးတိတ်နေတာကြာပြီပေါ့။ဘာတွေတွေးနေလဲ လည်းမပြောနိုင်။
"ရှောင်ကျန့် နားလည်တာလား.."
"ဘာကို..."
"စပိန်ဘာသာစကားလေ...ပြောလိုက်တာနားလည်တာလား.."
ကိုင်ထားတဲ့အချိုရည်ခွက်လေးကိုတချက်ဖျစ်ညစ်လိုက်သည်။သူနားလည်တယ်ပြောရင်ပြောပြမှာလား တမင်လိမ်ထားတာမှမဟုတ်တာ ဘာသာစကားမျိုးစုံကို မွေးထဲကနားလည်တာ။
"အင်း...ဘာသာစကားတော်တော်များများပြောတတ်တယ်..."
ဝမ်ရိပေါ်ကောင်လေးကအချဥ်မှမဟုတ်ဘဲ ဒီအရွယ်လေးနဲ့ ဘာသာစကားတော်တော်များများပြောတတ်တယ်ဆိုတော့ သူတောင်အသက် ၄၀ ကျော်ပြီ အများကြီးပြောတတ်တဲ့ထဲမှာမပါဘူး ။
"အင်း..သိချင်တယ်ဆိုတော့လည်းပြောပြရမှာပေါ့.."
စိတ်ဝင်စားစွာနားထောင်နေသည့်ရှောင်ကျန့်ကြောင့် ခရစ်စတီးနားလည်း အပြင်ဘက်ပန်းခြံကိုသွားလိုက်သည်။မတ်တပ်ရပ်လျက်ကြီးဆိုညောင်းနေမှာပဲလေ။သူတို့သွားပြီးမကြာဘူး သူတို့ရပ်နေတဲ့အစားအသောက်တွေထားတဲ့နေရာကို လူတယောက် သက်တော်စောင့်နဲ့အတူရောက်လာသည်။
"နန်စီကိုတချက်စောင့်ကြည့်ထားလိုက် အခုရက်ပိုင်းခြေလှမ်းတွေပျက်နေတယ်..."
"ဟုတ်ကဲ့ ဘော့စ်.."
ပန်းခြံကခုံတန်းလေးတခုမှာ ခရစ်စတီးနားနဲ့ရှောင်ကျန့်က ဘေးချင်းယှဉ်ထိုင်နေကြသည်။
"အမတို့က ငယ်ငယ်ထဲကသိကြတာ အမရယ် ကျန်းချန်ရယ် ဟွမ်ရှန်းနဲ့ ဒေးဗစ်နဲ့ဆိုပြီး နောက်နှစ်ယောက်ကျန်သေးတယ် တွေ့ဖူးတယ်မလား.."
"ဟုတ်ကဲ့.. "
"အမက ငယ်ငယ်က အရမ်းဆင်းရဲတာ အဲ့အချိန်မှာ ကျောင်းကအနိုင်ကျင့်ခံလေးပေါ့ ကျန်းချန်က အမကိုစပြီး လာခေါ်ခဲ့တာ ၁၂နှစ်အရွယ်ဆိုတာကလေးပဲရှိသေးတယ်ပြောရမယ်.. ကျန်းချန်နဲ့ခင်ပြီး နောက်သုံးယောက်နဲ့လည်း သူ့အလိုလို ခင်သွားကြတာအဲ့ထဲမှာ ဝမ်ရိပေါ်ကထူးခြားတယ် တစ်ခြားလူတွေနဲ့အနေတည်သလောက် သူရင်းနှီးတဲ့လူတွေအရှေ့ရောက်သွားရင် ပြောင်းလဲသွားရော.."
YOU ARE READING
My Dear Dolphin(completed)
Fanfictionunicode သဘာဝလွန်နေရာကလာပြီးအသွင်ပြောင်းနိုင်တဲ့လင်းပိုင်ဖြူလေး ရှောင်ကျန့်ကို ကမ်းခြေကဟိုတယ်ပိုင်ရှင် ဝမ်ရိပေါ်ကယ်တင်ရာကနေ ဖြစ်ပေါ်လာတဲ့ အချစ်တစ်ခု။ zawgyi code သဘာဝလြန္ေနရာကလာၿပီးအသြင္ေျပာင္းနိုင္တဲ့လင္းပိုင္ျဖဴေလး ေရွာင္က်န့္ကို ကမ္းေျခကဟိုတယ္ပိ...
