Unicode
ဝမ်ရိပေါ် အလုပ်သွားပြီးနောက် ရှောင်ကျန့်အိမ်ထဲသို့မဝင်သေးဘဲ ခြံထဲမှပန်းပင်အချို့ကို မျက်စိအစာကျွေးသကဲ့သို့လိုက်ကြည့်နေပြီး သူ့အနောက်တွင်လည်း ဘော်ဒီဂတ်များထဲမှအချို့သည်လည်း အနောက်မှလိုက်ပါလာကြသည်။ဟောက်ရွှမ်းကတော့ အိမ်ပေါက်ဝတွင် သူတို့ရဲ့အန်ကယ်လေးဖြစ်သူရဲ့ ပျော်ရွှင်နေပုံကို တံခါးနံရံအားမှီလျက် လက်ပိုက်ကာ ရှုစားလို့နေသည်။ဟောက်ရွှမ်းက လှမ်းပြောသည်။
"အလှလေး.. ဒီနေ့ဘာစားချင်လဲ.."
"အကိုဟောက်ရွှမ်းနော်..လူကိုအလှလေး အလှလေးနဲ့..ရိပေါ်နဲ့အတိုင်ခံရမယ်မှတ်.."
"ဟား ဟား..မလုပ်ပါနဲ့ဗျာ.. သိရင် အိမ်ပေါ်ကထပ်ဆင်းနေရပ့ါမယ်..ကြောက်ပါပြီ.."
မကြာခင်တွင် သူတို့ခြံရှေ့တွင် ကားအကြီးကြီးအမည်းရောင် နှစ်စီးထိုးရပ်လိုက်သည်။ထို့ကြောင့် ရှောင်ကျန့်သည် ပန်းပင်များကိုငေးနေရာမှ သူ့အကြည့်ကို ကားများစီပြောင်းရွှေ့လိုက်သည်။ပထမကားတစ်စီးပေါ်မှဆင်းလာသူကိုမြင်ပြီး သူမျက်လုံးပြူးသွားကာ သူရေရွတ်လိုက်မိ၏။
"ဂျက်.. ဂျက်ဖရေး !"
ကားပေါ်မှဆင်းလာသူသည် ရှောင်ကျန့်ကိုမြင်သည်နှင့် မထိတထိနှုတ်ခမ်းတွန့်ရုံလှောင်ရီရီလိုက်ကာ သူနဲ့အတူပါလာသော လူများအားပြောသည်။
"ငါ့ကောင်လေးကိုမထိပဲ..တစ်ခြားလူတွေကိုရှင်းပစ်..မသေစေနဲ့.."
ပါလာသောလူများသည် စုစုပေါင်း ၁၀ယောက်ကျော်လောက်ရှိရာ ရှောင်ကျန့်တို့အိမ်တွင် ဘော်ဒီဂတ်၄ယောက်အပြင် ဟောက်ရွှမ်းနဲ့မှ ၅ယောက်သာရှိသည်။ထိုလူ၁၀ယောက်ကျော်ကို ဘယ်လိုယှဥ်နိုင်မှာလဲ။ဟောက်ရွှမ်းသည် လွန်ခဲ့တဲ့ရက်တွေတုန်းက အန်ကယ်ဖြစ်သူအား ထိုလူ့အကြောင်းစုံစမ်းပေးလိုက်ရသေးသည်ကိုသတိရမိလိုက်သည်။
ရှောင်ကျန့်ရဲ့ တုန်လှုပ်နေသောမျက်နှာကိုမြင်လိုက်ရတဲ့အခါ ဟောက်ရွှမ်းသည် ရှောင်ကျန့်ရဲ့လက်ကိုဆွဲကိုင်ကာ ထွက်ပြေးဖို့လုပ်သည်။ဒါပေမဲ့ အပေါက်ဝတိုင်းတွင် ဂျက်ဖရေးဆိုသူ၏ လူများကအပြည့်ဖြစ်နေသည်။သို့သော် ဟောက်ရွှမ်းလွယ်လွယ်နဲ့လက်မလျော့ချင်တာကြောင့် ရှောင်ကျန့်လက်ကိုဆွဲကာ အပေါ်ထပ်သို့တတ်သွားပြီး အန်ကယ်ဖြစ်သူ၏အခန်းထဲမှ ဗီရိုအောက်ထပ်သို့ဝင်ပုန်းစေသည်။
YOU ARE READING
My Dear Dolphin(completed)
Fanfictionunicode သဘာဝလွန်နေရာကလာပြီးအသွင်ပြောင်းနိုင်တဲ့လင်းပိုင်ဖြူလေး ရှောင်ကျန့်ကို ကမ်းခြေကဟိုတယ်ပိုင်ရှင် ဝမ်ရိပေါ်ကယ်တင်ရာကနေ ဖြစ်ပေါ်လာတဲ့ အချစ်တစ်ခု။ zawgyi code သဘာဝလြန္ေနရာကလာၿပီးအသြင္ေျပာင္းနိုင္တဲ့လင္းပိုင္ျဖဴေလး ေရွာင္က်န့္ကို ကမ္းေျခကဟိုတယ္ပိ...
