نور روح (كامله) لــ خديجه السيد

الفصل الخامس والعشرين

الفصل الخامس والعشرون.

في اليوم التالي باسكندريه، كانوا مصطفى و روح يسيرون أمام البحر ومسكين ادين بعض و مبسوطين اوي، نظر إليها مصطفى بحب متسائلا:
-عجبك المكان يا حبيبتي
تطلعت فيه وقالت روح بابتسامة :
- جدا حلوه اوي
مصطفى بحنان :
- يارب دايما اعرف اسعدك يا قلبي و افرحك علي طول
روح وهي تبتسم لمصطفى بحب قائله :
-بتحبني اوي كده يا مصطفى
مصطفى وهو يمرر اصبعه بحنان على شفتيها :
- لسه بتسالي بعد كل ده انتي حبيبتي وروحي انا معرفتش معنا الحب اللي معاكي انتي ..انا قلبي مدقيش غير معاكي انتي و بس
روح ابتسمت ابتسامه واسعه وبعدها قائله:
-عارف يا مصطفى انا بحس انك عوض ربنا ليا بعد كل اللي حصل لي
اقترب ويضمها لقلبه بعشق و يمرر يده بحنان على ظهرها ومنحنياتها برقه لينحني مصطفى وهو يقبل روح بحنان على جبهتها:
-ياريت يا روح لو بايده امسح كل حاجه حصلتلك وحشه
تنهدت روح براحه كبيره وهي داخل أحضانه:
- انا مش زعلانه علي اي حاجه حصلتلي واي حاجه عدت علشان اللي حصلي ده لو ما كانش حصل مكنتش قبلتك انت و لا نور في اكتر وقت وانا مكسوره ومحتاجه اتسند علي حد وكنت فضلت لوحدي علي طول انت سندي.. وعارف طول ما بتحبني بجد انا بقوى بحبك ليا.. اوعي في يوم تتخلي عني مهما حصل
مصطفى وهو يمرر يده بحنان فوق شعرها:
-انا مش هتخلي عنك مهما حصل يا روح حطي ده في دماغك وصدقي
روح ابتسمت و هو ظل ينظر في خضراء عيونها و هي قالت :
-انا بحبك
مصطفي بابتسامة هو الاخر وقال :
- و انا كمان بحبك..
روح ابتسمت ابتسامه جذابه، ليرفع وجهها اليه وهو يتأمله بحنان وتمعن :
- عارف انا دلوقتي نفسي اعمل ايه
روح هزت راسها بلا مصطفى ابتسم لها قائلا بعشق :
- انا هاين عليا دلوقتي ابوسك قدام الناس دي كلها عادي
روح ضحكت بخجل وقالت :
- ما تتلم مصطفى انت مالك النهارده مره في العربيه و مره في الشارع في ايه
مصطفى بغيظ مصطنع:
- اعمل ايه يعني ما انتي اللي بتقولي كلام حلو في وقت مش كويس
روح ضحكت روح و مصطفى أخذها في حضنه وهما مبسوطين وفجاء سمع صوت حد بينده عليه ،مصطفى و هو يلتفت بصدمه:
-علياء
اقتربت علياء منهم بابتسامة :
- ازيك يا مصطفى
التفت مصطفى وهو مازال يحضن زوجته برفق وقال بهدوء :
- كويس
علياء متجاهله روح تماماً :
- انت بتعمل ايه هنا
مصطفى وهو يحضنها اكتر :
- جي مع مراتي
علياء بغيظ وغيره :
- اه اهلا
أجابت روح من غير نفس :
-اهلا
صمتت لحظه علياء ثم أردفت بقصد :
-سوري مختش بالي اصلا لما بشوف مصطفى بنسي اي حد
روح ترفع حاجبيه قائله بحده:
- يا سلام
ابتسمت علياء بابتسامة عريضه وقالت باستفزاز :
- اه اصل انا و مصطفى كنا في جامعه واحد هو ما قالكيش و لا ايه
جز مصطفى علي أسنانه بغضب مكتوم قائلاً:
- لا هي عارفه كل حاجه
رفعت علياء حاجبيها بغيظ :
- بجد
تنهد مصطفى بقوه عندما لاحظ غضب زوجته ليمسك بيدها يجذبها قائلا :
- اه ..يالا يا حبيبتي
ابتعدوا قليلا لتنظر إليه روح بغضب شديد وهي تقول :
- اللي جاب دي هنا