نور روح (كامله) لــ خديجه السيد

الفصل الثالث والعشرين

الفصل الثالث والعشرون.

دلف مصطفى و روح الي القصر ليعقد عزمى حاجبيه بتعجب وهو ينظر إليهم مطولاً متسائلا باستفسار:
- انتم كنتم فين
نظر مصطفى إلي روح ثم إلي شقيقها قائلا:
-روح كانت بتزور قبر ابوها
هز عزمى رأسه بتفهم وقال :
- تعيشي و تفتكري يا روح...تعالي يا مصطفى كنت عاوزك علشان نشوف ترتيبات الفرح
تنهد مصطفى وهو يقول بنبره هادئه :
-ماشي...اطلعي انتي ياروح
روح تهز راسها و تصعد إلى الاعلي لتجد أمامها السيده رقيه حاولت روح ان تتجاهلها لتسير بتوتر شديد من جانبها لكنها اوقافتها.
روح وهي تنظر في الارض :
- ايوه يا خالتي عاوزه حاجه
رقيه بحزن :
- هو انتي زعلانه مني يا روح
هزت راسها روح بارتباك:
-انا لا
تنهدت رقيه بضيق شديد وقالت:
- امال ليه من ساعه ما جيت هنا وانتي ماتكلمتيش معايا خالص
رفعت مقلتيها ونظرت إليها روح و أردفت بحزن :
- انا بصراحه خايفه تكوني انتي اللي زعلانه مني علشان اللي عرفتيه عني
رقيه بحنان:
- لا يا حبيبتي غلطانه انا مش زعلانه منك خالص... واذا كان علي اللي عرفته فانتي ملكيش ذنب في اي حاجه
ابتسمت روح بارتياح هاتفه:
- بجد
أجابت رقيه بابتسامة عريضه :
- طبعا مش هتاجي بقي في حضن خالتك علشان تباركلك
اتسعت روح عيناها بابتسامة سعيده وتقدمت نحوها بخطوات سريعه حتي تحتضنها بقوه.
-و ده ايه ان شاء االله
هتف بها مصطفى وينظر لي روح ورقيه
ابتعدت رقيه عنها بخضه :
-في ايه ياض خضتني بالراحه
اقترب منهم مصطفى بضيق مصطنع :
- يعني ينفع كده تحضني خالتي وانا الغلبان اللي طالع عينه من الصبح و لا حتي بوسه يتيمه
روح بخجل :
-مصطفى
مصطفى بهيام :
- قلب و روح مصطفى
لوت رقيه شفتها بسخريه واستهزاء هاتفه:
-انا و اقفة علي فكره يا روح امك
مصطفى بسماجه :
- طب ما ممكن تدخلي الاوضه علي فكره
شهقت رقيه من جراته :
- شوف الواد اتلم احنا مش في البيت ها بدل ما ..
حمحم مصطفى قائلا بسرعه:
-خلاص عارف الباقي و بعدين كنت هنسي عاوز ايه
ربعت رقيه يدها متسائله :
-عاوز ايه يا اخويا
مصطفى بجديه مصطنعه :
- روح روحي كده في ايه حته عاوز خالتي في كلام كبار
نظرت إليه روح بابتسامة مشرقه وقالت :
-كلام كبار ماشي، انا هروح اسلم علي داده نعمه
***
-يااا انا مش مصدقه يا داده اللي حصل
هتفت بها روح وهى فى حضن نعمه
ربت نعمه علي كتفها بحنان وقالت بفرحه :
-ده علشان انتي صبرتي كتير يا روح ربنا عوضك خير
أجابت روح بارتياح :
- الحمدالله
ابتسمت نعمه وقالت بسعاده كبيره إليها :
- و بعدين جوزك شكله بيحبك حافظي عليه يا روح و ابدئي من جديد معاه
صمتت لحظه وهي تشرد في مصطفى ثم قالت بابتسامته لطيفه :
- صح يا داده لازم ابدا من جديد
***
بعد فتره روح تخرج من غرفه نعمه و تذهب الى غرفتها الخاصه بها لتجد مصطفى يقف بمفرده امام غرفتها عقدت حاجبيها بدهشه واقتربت روح باستغراب :
-ايه
نظر إليها مصطفى وقال بغباء :
- ايه انتي
نظرت إليه روح بدهشه و ابتسمت له:
-عاوزه ادخل الاوضه
حمحم مصطفى بتوتر قائلا بسرعه :
- بعدين مش دلوقتي
كادت أن تتحدث روح لكن صمتت وهي تسمع صوت داخل غرفتها، عقدت حاجبيها بتعجب وقالت بشك:
- هو مين جوه
مصطفى بضيق :
- هاه دي خالتي رقيه