نور روح (كامله) لــ خديجه السيد

الفصل الخامس عشر

الفصل الخامس عشر.

ليهتف عرفان بصدمه هو الاخر قائلاً:
- ست روح انتي بتعملي ايه هنا
إبتلعت ريقها بصعوبه وتوتر دون حديث بينما هتف عرفان بدهشه :
-احنا عمالين ندور عليكي وانتي في القاهره ده عزمي بيه قالب عليكي البلد كلها
ارتجف جسدها بعنف وقالت بتوسل :
-عرفان ابوس ايدك امشي ولا اكنك شوفتني
هز رأسه عرفان برفض قائلا:
- اسف يا ست روح ده فيها موتي تعالي معايا احسن ليكي وليا
تراجعت للخلف بخطوات مرتعشه بخوف هاتفه :
-لاا الا عشان خاطر ربنا يا عرفان مش هينفع ارجع
صمت ثواني ثم قال عرفان بشك:
- يبقي فعلا معاكي العيل الصغير وانتي اللي أخذتيه من الدار
صمتت لبرهه باضطراب ورعب وهي تفكر كيف تحاول الهروب منه ليقترب منها عرفان و يجذبها من ايدها بقوه قائلاً بصرامة:
- لا يا ست روح مش هينفع ارجع من غيرك
تجمعت دموعها في عينيها وقالت بتوسل:
-بلاش يا عرفان مش هرجع من غير ابني
تجاهل عرفان حديثها وسحبها بقوه إلي سيارته وهو يفتح الباب ليدخلها وهي تترجاه وتتوسل إليه بضعف لكن فجاه شعرت روح بأحد يسحبها بقوه منه التفت عرفان بصدمه متحدث بحده :
-انت مين يا جدع انت
سحبها مصطفى خلف منه وقال بغضب شديد:
- انت اللي مين ومالك ومالها
عقد عرفان حاجبيه بدهشه ليقول بغيظ:
-وانت مالك مشاكل عائليه تدخل نفسك ليه اوعي يا جدع انت من وشي
ليقترب منه عرفان يريد يسحب روح من خلف مصطفى لكنه منعه بقوه وعنف وهو يصيح به :
-بقولك ايه امشي من هنا احسلك
اختبأت روح خلفه وهي تقف تشاهد ما يحدث وهي ترتجف من الخوف وأن يعرف مصطفى شئ عنها جز عرفان علي أسنانه وقال بحده :
-وانا مش همشي من غيرها اوعي بقولك
ضغط علي يده بانفعال مكتوم اكتر ويمنعه بالقوه من الاقتراب من روح وبعدها دون مقدمات رفع يده يلكمه بعنف ليقعرفان علي الارض ع واقترب مصطفى يضرب و عرفان يسدد الضربات أيضا
تفاجات روح من رد فعل مصطفى وهمسَتْ روح لتلفتها إلى زخَّاتِ الدمع فى عيني ولا تعلم ماذا تفعل لتجد مصطفى يلكم عرفان بقوه وعنف لتقترب من مصطفى تشد من دراعه مردده بصوت مهزوزه بخوف:
-خلاص يا مصطفى هيموت في ايدك

تجمع الجميع من الناس حوله بذعر ليقترب منه شخص استفهمَ الرجل فى توجسٍ :
-هو عملك ايه
كتمَتْ مصطفى غيظَه وهو يتركه ليجيب بحده :
-آه عاكس خطيبتي
تجاهلت روح قوله ولم تهتم بينما قال شخص مقترح :
-طب لو عايز تعمل محضر في قسم قريب من هنا
انتفضت روح بذعر وقالت برفض شديد:
- لا لا خلاص يالا نمشي يا مصطفى
ليقول مصطفى بغضب:
- لما اعرف الكلب ده كان عايز منك ايه
ابتلعت ريقها بارتباك وقالت بتلعثم:
- طب نمشي وهقولك يالا يا مصطفى يلا علشان خاطر
***
بعد فتره قصيره و معاناه من روح وهي تحاول التوسل بشده إلي مصطفى حتي يرحل معها ويترك عرفان فهي ترتعب أن يظل مصطفى أكثر وكل كذبتها تكتشف وبعدها بتأكيد سوف يغير مصطفى نظرته إليها هو و رقيه ،صف مصطفى سيارته بضيق مكتوم و سار إلي الداخل بينما تتقدم خلفه روح بخطوات متردده بقلق شديد من حال مصطفى ونظراته الحاده لها ،تقدم مصطفى من منزل رقيه ليطرق الباب عدد مرات قائلاً:
- افتحي يا خالتي انا مصطفى
لتقول روح بصوت متعب قائله:
- الظاهر مفيش حد هنا ، ممكن تكون بره بتشتري حاجه
التفت مصطفى لها متسائلا بتمعن :
-طب مش معاكي المفتاح