نور روح (كامله) لــ خديجه السيد

الفصل السادس والعشرين

الفصل السادس والعشرون.

في القاهره كان مصطفى يفتح باب المنزل ويدلف للداخل روح تدخل خلفه ولكن مصطفى وقف امامها يمنعها نظرت إليه روح بتعجب :
- في ايه
مصطفى غمز بطرف عينه بمكر:
- ايه انتي دخلة كده عادي
روح بعد فهم :
- نعم امال ادخل ازاي
اقترب مصطفى ليضمها الي صدره و انحني بجذعه اسفل سريعا وضع يديه اسفل ركبتيها و الاخري اسفل ظهرها ليحملها بخفه ،روح تشهق بفزع :
- في ايه مصطفى نزلني بسرعه لحد يشوفنا
مصطفى وهو يدخل بها للداخل و يبتسم قائلا بمكر :
-معندناش عرايس يدخلوا بيتهم علي رجليهم اول يوم ليهم
وركل الباب بقدمه ليغلقه
روح بغيظ:
- مصطفى بطل جنان وبعدين ايه اول يوم دي كمان
مصطفى بمرح :
- مش احنا لسه راجعين من شهر عسل ولا ايه
روح بترجي :
- طب اشوف نور بس وحشني اوي
مصطفى وهو يدخل بها الغرفه :
- وانتي كمان وحشتني اوي
روح بغيظ:
- احنا هنستهبل وحشتك امتي ،ما علي طول معاك عايز ايه اكتر من كده
مصطفى بحب :
-حبيبتي انتي بتوحشني علي طول
روح ابتسمت رغما عنها بحب ثم هتفت برجاء :
- مصطفى علشان خاطري بس اشوف نور وهبقي معاك علي طول
مصطفى ينزل بها علي الفراش بخف :
- انتي لو رحتي لابنك مش هترجعي و انا مش هعرف اشبع منك الاول وبعد كده روحي براحتك
روح بتوسل :
-  يامصطفي بـ...

مصطفى يقاطعها وهو يضع يده علي شفتيها ويهمس :
- روح احنا لينا زكريات هنا وحشه ممكن نبدا اول لحظه لينا مع بعض
روح تبتسم و هي تري الحب في عيناه؛ وتقترب عليه و تدفن راسها في حضنه
مصطفى وهو يحاوطها قائلا :
-ايوه كده انا الظاهر روقا النهارده دعيتلي بذمه
روح لتضحك وتدفن نفسها في حضنه اكثر  و هو يقترب اكثر هو الاخر....  ولبيدا معها حياه جديد هنا ايضا، خاليه تماماً من اي ألم و جراح؛ و يحاول ان يمحي اي ذكريات سئ لذكريات جميله.
***
في كمبوند سكني مغلق لا يسكنه في غير أغنياء المجتمع ؛ وفي ركن هادئ قصر واسعه جدران بيضاء ارضيه واثاث ذات الايطالي و في الطابق العالوي . وهو قصر اسعد الجندي؛ اكبر رجاله الاعمال في البلد؛ جناح في القصر ؛ يوجد به شاب يجلس يبدو علي ملامحه الغضب الشديد؛ وهو حازم اسعد الجندي ابن رجل الاعمال سعد الجندي؛ وهو الابن الوحيد لابوه وامه والمدلل لهم ؛ و هو تربي علي اذا اراد شئ يأخذه في الحال ؛ واذا اراد شئ و لا يستطيع الحصول عليه ياخذه بالقوه مثل ما فعل بروح ؛ واخذ عقله يجن من الذي حدث واخذ يتذكر كلام الهام
فلاش باك ...
حازم بصوت غاضب :
- اتجوزت مين دي
الهام بضيق :
-ده حته عيل بيشتغل سواق تاكسي
حازم بتهكم :
- نعم سواق كمان

الهام بمكر :
-اهو حته السواق ده هيكتب ابنك باسمه
اتسعت عينا حازم بصدمه وقال بغضب :
-وحياه امه يكتب ايه هو عارف ان العيل مش ابنه وعادي كده ازاي ... قالها بجنون
الهام بغيظ شديد:
-انا عارفه ده عملها فرح كمان
حازم بدهشه :
- فرح كمان امتي ؛ ده انا كنت عندكم في البلد من يومين
الهام بسخريه واستهزاء:
- يا خايب لو كنت قدمت يوم بس كنت منعت الفرح يحصل 
حازم بهدوء مميت :
- وماله احنا فيها لسه ؛ اسمعي أنا عاوز عنوانها هي و الكلب اللي اتجوزها ده
الهام بغل :
-حاضر
نهايه الفلاش باك ...
ويقطع شروده دخول والدته ناهد :
-ايه يا حبيبي اقاعد لوحدك ليه
حازم بنرفزه :
-مفيش
ناهد باصرار:
- لافي مالك عاوز فلوس و ابوك مرديش ولا ايه
حازم بضيق :
- لا
ناهد باستغراب:
- طب مالك في ايه
حازم بزهق :
- يوووه قلت مفيش ؛ ولو سمحت يا ماما سبيني لوحدي
***