Daddy Villain & His owner Baby Boy [ COMPLETED ]

Episode - 1

• မတွေ့ရတာကြာတဲ့ မဟုတ်သေးပြန်ဘူး ဆယ်နှစ်ကျော်ကြာကွဲနေတဲ့ လူတစ်ယောက်ကိုပြန်တွေ့တဲ့အခါ မင်းဘာလုပ်မလဲ •

ဒီပေါတောတောစာကဘာလို့ ငါ့စားပွဲပေါ်ရောက်နေရတာလဲ။
ယန်ခဲ့ကတော့ အလုပ်ကိုသေချာမလုပ်ပြန်တာလား။

သေသပ်စွာဝတ်ဆင်ထားတဲ့ နက်ခ်တိုင်အား မညှာမတာဆွဲဖြုတ်လို့ ဆုံလည်ထိုင်ခုံပေါ်ထိုင်မိသည်။

နွေဦးရာသီရောက်လာပြီမို့လို့ များပြားလှတဲ့အလုပ်တွေက သူ့ကိုစောင့်ကြိုနေတာကြောင့် စိတ်ပင်ပန်းနေရတဲ့ကြားထဲ ဘယ်ကမှန်းမသိတဲ့စာတစ်စောင်က စားပွဲပေါ်ရောက်နေရတယ်လို့ !!!

"ဘော့စ် ဒီနေ့ဘာချိန်းဆိုမှုမရှိဘူး ပင်ပန်းနေရင် ဘော့စ်အိမ်ပြန်ပြီးအနားယူပါလား "

ယန်ခဲ့စကားပြောပြီးပြီးချင်း မျက်နှာသို့ပစ်ပေါက်ခံရသည့် စာတစ်စောင်။ ရိပေါ်လေးမရှိတော့ကတည်းက ဘော့စ်အရင်ကထက်ပိုပြီးစိတ်ဆတ်လာလေသည်။

ပစ်ပေါက်ခံရသည့်စာကိုကြည့်တော့ ဒါ ဒါက။
စီးပွားရေးကျကွက်ကျော်မြင်ပြီး မျှော်နေတဲ့သူကစာပို့​တာကျတော့ မသိဘူး။

စိတ်ပိန်တယ် !!

ယူလာသည့်ဖိုင်တွဲကြားထဲစာလေးကိုပြန်ညှပ်ပြီး စားပွဲပေါ်တင်ပေးလိုက်သည်။ သိရင်ပြန်ရှာခိုင်းတော့မှာကို အာရုံရနေတယ်။

"ဘော့စ်ခိုင်းစရာမရှိတော့ရင် ကျွန်တော် သွားပြီနော်"

ပြန်စကားကင်းမဲ့။

"ဒီနေ့ရိပေါ်ပြန်လာမယ်ပြောတယ် ဘော့စ် ကျွန်တော်သွားကြိုလိုက်ရမလား"

"ဘော့စ် ကျွန်တော်သွားကြိုလိုက်ဦးမယ်"

ရှောင်းကျန့် ယန်ခဲ့ပြောသောစကားတွေကြောင့် မှိတ်ထားသောမျက်လုံးကိုမဖွင့်မိအောင် တားဆီးနေရသည်။

ငါမထွက်သွားခိုင်းဘဲသွားတာလေ သွားကြိုစရာလား။
ပြီးတော့ ဘာလို့ပြန်လာတာလဲ။

မျက်လုံးဖွင့်ကြည့်တော့ ယန်ခဲ့မရှိတော့။ ငါကလွဲရင်အကုန်လုံးကမင်းကိုဆို ခုထိသည်းသည်းလှုပ်နေကြတုန်း။ စိတ်ပျက်ဖို့ကောင်း။