Daddy Villain & His owner Baby Boy [ COMPLETED ]

Extra - 6

[ ရိပေါ် မင်းငိုနေတာလား ? - ၁ ]

Sam တို့ကလက်ထပ်ပြီးတစ်လအကြာမှာ US ကိုပြန်သွားခဲ့ကြတယ်။ နှလုံးသားချင်းထပ်တူကျသွားတဲ့ သူတို့နှစ်ယောက်ကတော့ ပေကျင်းဆီကိုပြန်လာခဲ့ကြတယ်။

သွားတုန်းကနဲ့မတူတဲ့လေထုအခြေအနေကို လူတိုင်းရိပ်မိကြတယ်။ အထူးသဖြင့်အိမ်ထိန်းဦးလေးကြီးပေါ့။

သူတို့ဖြတ်သန်းတဲ့ပုံစံကအရင်နဲ့မခြားနားပေမဲ့ တစ်မျိုးတစ်ဖုံတော့ပြောင်းလဲသွားတယ်။

ရှောင်းကျန့်ကအလုပ်သွားဖို့အတွက် အပေါ်ထပ်ကနေဆင်းလာတယ်။ မနက်စာပြင်နေတဲ့လူကိုတွေ့တော့ အရင်လိုအိုးတိုးအမ်းတန်းဖြစ်မနေဘဲ  ခပ်တည်တည်နဲ့ခုံမှာဝင်ထိုင်တယ်။

မီးဖိုချောင်သုံးခါးစည်းဝတ်ထားတဲ့ ကျောပြင်ကျယ်ကို လက်ထောက်ပြီးစိုက်ကြည့်တယ်။ မိမိဘက်လှည့်လာရင်း စားဖို့အတွက်ပြင်ဆင်ပေးတဲ့အခါ လက်သူကြွယ်ထက်ရှိနေကြလက်စွပ်က ပျောက်ချင်းမလှပျောက်နေတယ်။

ဘေးနားလာတဲ့လူကိုမော့ကြည့်တော့ ပါးတစ်ဖက်ကငုံ့နမ်းခြင်းခံလိုက်ရတယ်။
အင်္ကျီဟသွားတဲ့အခါ လည်ပင်းထက်ရှိ ငွေရောင်ကြိုးလေးကပေါ်ထွက်လာတယ်။

လည်ပင်းထက်ရှိဆွဲကြိုးမှာရှိနေတဲ့ လက်စွပ်ကိုမြင်မှ စိတ်ပြေသွားပြီးမနက်စာစားတယ်။

ဘာလို့လက်မှာမစွပ်တာလဲမေးတော့ ဟင်းချက်နေတဲ့အချိန်မို့လို့ပါတဲ့လေ။

ဖြေရှင်းချက်ပေးပြီးသားဖြစ်မှန်းသိပေမဲ့ သတိလက်လွတ်စိတ်ဆိုးနေမိတုန်း။

ကြည့်ရတာ အိုကြီးအိုမကငယ်ငယ်လေးကိုရထားတော့ ထားစရာနေရာမရှိတဲ့ပုံစံလိုဖြစ်နေပြီ။ အစာသွပ်အသားလုံးကို အားနဲ့ဖိကိုက်ဝါးစားမိတယ်။

အကိုရှီပြောတဲ့ နွားအိုမြက်နုကြိုက်ဆိုတဲ့စကားလို ဖြစ်နေပြီ။

ဒါပေမဲ့ငါ့ဘဝက မြက်ကပြန်စား​တာခံရတဲ့နွားဘဝပါလေ (╥_╥)

"စားမကောင်းလို့လား မျက်နှာကရှုံ့တွနေတာပဲ "

ငါ့ကိုစားသွားတဲ့မြက်ပင်ကစကားပြောနေတယ် (-_-;)

"မဟုတ်ဘူး အလုပ်ကိစ္စတွေးမိလို့ "