Daddy Villain & His owner Baby Boy [ COMPLETED ]

Episode - 8

[ မပွင့်လင်းသောခံစားချက်များ ]

ပတ်တီးအပြည့်နဲ့လက်တစ်ဖက်ကိုကြည့်ပြီး ရှောင်းကျန့် မျက်နှာမှောင်မည်းလာရသည်။ လက်တစ်ခုလုံးပတ်တီးစည်းရလောက်တဲ့အထိ ဒဏ်ရာမရပါဘူး။

တရားခံကိုကြည့်တော့ သူ့စားပွဲရှေ့တွင် နေ့လည်စာစားဖို့ပြင်နေသောရိပေါ်။ အသင့်ထည့်လာပုံရသောထမင်းဘူးအား အပူပေးပြီး အပူခံဘူးလေးထဲမှရေနွေးကြမ်းကိုငဲ့နေလေသည်။

"ရှောင်းကျန့်နေ့လည်စာစားရမဲ့အချိန်ရောက်နေပြီ"

စောနကအပြုအမူတွေကဘယ်ဆီရောက်သွားမှန်းမသိ။

"ရှောင်းကျန့် ကျွန်တော်လာခွံကျွေးရမှာလား "

"မလိုဘူး"

ဆုံလည်ထိုင်ခုံမှနေထလာပြီး ရိပေါ်ရှိတဲ့နေရာသို့ရောက်လာသည်။ ရည်ရွယ်ချက်ရှိရှိစည်းပေးလိုက်တဲ့ ပတ်တီးကိုမြင်ပြီး ပြုံးမိပေမဲ့ စက္ကန့်ဝက်မျှသာ။

မကျွမ်းကျင်တဲ့ဘယ်လက်အားအသုံးပြုလို့ ဇွန်းနဲ့စားလေသည်။ ပြင်ဆင်လာသည့်ရိုးရှင်းတဲ့ ပုဇွန်ထမင်းကြော်ကိုသာကျိန်ဆဲလိုက်တော့သည်။

ပုဇွန် နှင့် အသီးအရွက်များကို
ထမင်းဖြင့်အစပ်အဟပ်တည့်အောင်
ကျော်ချက်ထားသော်လည်း ထိုလူကအရွက်တွေကိုသိသိသာသာ ဖယ်စားနေတာကြောင့်
မိမိကပင်ယူလိုက်ပြီး ပုဇွန်တွေထည့်ပေးလိုက်တော့သည်။

ထမင်းစားနေသည်မှာတစ်ဝက်တောင်မကျိုးသေးခင် အခန်းတံခါးခေါက်သံထွက်ပေါ်လာလေသည်။

ရှောင်းကျန့် သူခိုင်းထားတဲ့ကိစ္စကိုသတိရသွားတော့ ပါးစပ်သုတ်ကာဖြင့်ထသွားတော့သည်။ ရိပေါ်စိတ်ထဲမအီမလည်နဲ့ နေ့တိုင်းဒီလိုပဲလား ထမင်းတောင်မစားဘဲအလုပ်ပဲလုပ်နေတာလား။

ရိပေါ်ဝင်လာတဲ့
ယောကျာ်းလေးတစ်ယောက်နဲ့မိန်းကလေးနှစ်ယောက်ကို
မကျေမချမ်းနဲ့ကြည့်နေသည်။ တော်တော်နဲ့မပြီးတဲ့ပုံပေါက်နေတာကြောင့် အကုန်သိမ်းလိုက်တော့သည်။ သူတစ်ယောက်တည်းဆက်စားနေရင် အစာမကြေဖြစ်တော့မယ်။