Daddy Villain & His owner Baby Boy [ COMPLETED ]

Episode - 26

[ မင်းတစ်ယောက်တည်းရှိတဲ့ကိုယ့်ရဲ့နှလုံးသား - ၂ ]

ကိုယ်နဲ့ကွက်တိမကျတဲ့အင်္ကျီအား
ဝတ်ဆင်ထားသောကြောင့် အနည်းငယ်မြင်သာနေရတဲ့
တောင့်တင်းတဲ့ရင်ဘတ်ဖွေးဖွေး။

ကောင်းမွန်စွာရနေတဲ့နေရောင်ခြည်အောက် အိပ်ရာခင်းတွေလှန်းနေသောရိပေါ်အား ရှောင်းကျန့် စာအုပ်ဖတ်နေရင်းမသိမသာကြည့်နေသည်။

အကြည့်ချင်းဆုံခိုက် စာအုပ်ကိုသာပြန်အာရုံစိုက်နေပေမဲ့ မျက်လုံးထဲမြင်နေသည်ကစာလုံးတွေမဟုတ်ပါဘဲ ချွေးတွေရွဲနစ်ကာ သူ့အပေါ်လှုပ်ရှားနေသောသန်မာသည့် ရင်ဘတ်တစ်စုံ ရပ်တန့်ဖို့တားတဲ့လက်တွေအားဆွဲယူကာ နမ်းရှိုက်ရင်း ကြည့်ကောင်းတဲ့မျက်နှာလေးကပဲ ဆွဲဆောင်မှုရှိတဲ့အသံတွေဖြင့် သူ့အားညကဖျားယောင်းခဲ့လေသည်။

ရှက်ဖို့ကောင်း မဟုတ်ဘူး အရှက်မရှိလိုက်တာ ဘာတွေတွေးနေတာလဲ !!!

စာအုပ်ထဲအာရုံစိုက်မရတော့ စိုက်ပျိုးထားတဲ့နှင်းဆီတွေအား ငေးကြည့်နေခိုက် ။

"ရွှတ် " (ပါးကိုနမ်းရင် ရွှတ်လို့မြည်သောအသံ)

"ကျွန်တော်ကျောင်းကိုခဏသွားရဦးမယ် ကားယူသွားပြီ မစောင့်ဘဲနေ့လည်စာစားထားနှင့် "

ဖျားယောင်းနေတဲ့ကောင်လေးက ထပ်ပြီးအနမ်းတွေဖြင့်မြူဆွယ်သွားပြန်လေသည်။

စိတ်တိုလိုက်တာ !!!

ရိပေါ်ထွက်သွားကတည်းက ထိုနေရာတွင်ထိုင်နေခဲ့သည်မှာ ဂန္ဓမာလက်ဖက်ရည်တွေအေးစက်သည့်အထိပင်။

"သခင်ကြီး နေ့လည်ဘက်နေကအရမ်းပူနေတာ အိမ်ထဲမှာနားနေပါလား"

"နောက်တစ်နာရီနှစ်နာရီလောက်ပဲဆက်နေရအောင် "

အဆုံးမသတ်ရသေးတဲ့စာအုပ်အား နေရောင်ပြင်းပြင်းအောက် ပြီးဆုံးသည်ထိဖတ်နေလေသည်။

မိမိကားဝယ်ပြီးတဲ့နေ့ပြီး နောက်တစ်နေ့ကစလို့ ထုတ်မမောင်းဘဲသိမ်းထားရလေသည်။ အကြောင်းရင်းမှာ ရှောင်းကျန့်လာကြိုသည်နှင့်တိုက်ဆိုင်သွားခြင်းကြောင့်ပင်။