Daddy Villain & His owner Baby Boy [ COMPLETED ]

Episode - 9

[ တစ်ပိုင်းနှစ်ပိုင်းလောက်ပါခွင့်ပေးပါ - ၁ ]

Guests From General & His Husband Cross-dresser.

ရိပေါ်တွေ့ဆုံပွဲတွင်တွေ့ခဲ့သည့် Sam  အကြောင်းကိုစဥ်းစားနေသည်။ USတွင်ခင်ခဲ့သည့်သူတစ်ဦးဖြစ်သည်။
Sam မှာသူနဲ့​မေဂျာတူဖြစ်သော်လည်း ဘယ်လိုကြောင့်
အခုလိုပွဲတွေတက်နေလဲ စဥ်းစားမရသေးပေ။

ယောကျာ်းလေးဖြစ်ပြီးဆံပင်ရှည်ထားကာ ယောကျာ်းမိန်းမမကွဲတဲ့အဝတ်အစားတွေဝတ်သောကြောင့်
မသိတဲ့လူဆိုရင် မိန်းကလေးလို့ပဲထင်မှာကိုးဆယ်ရာခိုင်နှုန်းပင်။

သူနဲ့အမြဲတတွဲတွဲရှိသောကြောင့် ချစ်သူတွေလို့တစ်ချို့ကထင်ကြသည်။ ဒါတွေကအရေးမကြီးပါဘူး အရေးကြီးတာသူပြောသွားတဲ့စကား။

Model တစ်ချက်လောက် ဝင်လုပ်ပေးပါဦးတဲ့လေ။

USမှာတုန်းက သူနဲ့သိသည့်လူတစ်ယောက်ရဲ့ဒီဇိုင်းတွေအား ကြော်ငြာဖို့အတွက်ရိုက်ကူးရာတွင် ဝင်ကူခဲ့ဖူးလေသည်။
ပေးရသည့်အချိန်နှင့်မလိုက်ဖက်သည့် လုပ်အားခပါပေးသွားလေသေးသည်။

နောက်ပိုင်းအပိုဝင်ငွေရအောင်စာလေ့လာရင်း မော်ဒယ်လုပ်သည်။ ပေကျင်းပြန်ရောက်ကတည်းကမလုပ်ဖြစ်တော့။

မအားလပ်တာကြောင့်ရယ် စိတ်မပါတော့တာကြောင့် ရပ်ခဲ့ခြင်းဖြစ်သည်။

အခုရောဆက်လုပ်သင့်မသင့်ချိန်ရတော့မယ်။ သူကိုယ်ပိုင်ကားတစ်စီးတော့လိုချင်သည်။  စျေးမများရဘဲအသင့်အတင့်ရှိပြီးခရီးဝေးသွားနိုင်မည့် ကားတစ်စီးလောက်။ မွေးရပ်မြေပြန်သွားတဲ့ဦးလေးရိူကို
သွားတွေ့ချင်တာကြောင့် လည်းပါသည်။

လက်ရှိပိုက်ဆံနဲ့ကတော့မလောက်ငှပေ။ သူလက်တည့်စမ်းထားသည့်ဟင်းအမယ်တွေနဲ့တင် ကဒ်ထဲကငွေတွေကိုကျဲချပစ်လိုက်သလို။

တွေးနေရင်းနဲ့​တောင်ရင်နာလာရသည်။ ဒါ​ပေမဲ့လည်း
ကိစ္စမရှိပါဘူးလေ။

"မနက်ဖြန်အတွက်ဘာလုပ်ပေးသင့်လဲ "

စဥ်းစားနေတုန်း ကျီဟောက်ကစကားလာပြောလေသည်။