The Poems Of Thoughts

Piling tawo

Walay perpektong tawo sa kalibutan.
Adunay tawong hatagan kag kalipay karon.
Adunay tawong hatagan kag kasakit pagkaugma.
Wa nato nabantayan...
Gihinay-hinay nata niyang biyaan.

Adunay tawo nga hantod sa hantod...
Ikaw ang pilion.
Naa say tawong naay katapusan nga pagpabilin kanato.
Di man gayud malikayan.
Kining inining mga tawo sa kalibutan.
Apan pa swertehay na lamang.
Na kita matungnan...
Ug tawong way paghupas ang gugma...
Bisan pag magkinaunsa.

Lisod makakitag tawo nga palanggaon ka.
Kamustahon ka...
Kung gikapoy na ba ka sa kalibutan...
Sa imong kahingala.
O sa imong pamilya.
Tuohan sa imong gibati.
Bisan tanan dili na gayud magpakabana ug mulingi.
Sa imong gibating gituohan nilang bakak.
Apan adunay tawong mutuo gayud.
Tawong supilon ang imong pagduha-duha.
Tawong panalipdan ka.
Bisan sa imong mismong pamilya.

Lisod makakitag tawo nga kaya kang unungan.
Kay bisan ang batasan ang magpaluya sa relasyon.
Naay piling tawo na kaya kang antuson.
Dili ka biyaan sa bisan kanus-ang higayon.

Ug kun ikaw makatagbog inani nga tawo.
Ayaw na kini pahawa.
Itago na kini sa dakong kaban sa gugma.
Kay sa pagkakaron,
Sila na lamang ang tinood nga magpabilin sa imoha.