Secret Love

22 (U)

ရန်နောင်နှင့် ချမ်းငြိမ်း ကျောင်းဝန်းထဲ ဝင်လာကတည်းက အားလုံး၏ အကြည့်များက သူတို့နှစ်ယောက်စီ ကွက်ကြည့် ကွက်ကြည့်နှင့်ရယ်ပါ…။ ဘာကြောင့်ရယ်လဲ မေးစရာတောင် မလိုပါ။ Welcome နေ့က ရန်နောင် ချမ်းငြိမ်းအား ဖွင့်ပြောလိုက်သော video သည် တစ်ကျောင်းလုံးသာမက တခြားကျောင်းတွေအထိပါ ပြန့်သွားခဲ့သည်။ Million နဲ့ချီ viewer ရသွားသော အဲ video ကြောင့် ရန်နောင်နဲ့ ချမ်းငြိမ်းတို့ လူစိတ်ဝင်စားခံနေရခြင်းလည်း ဖြစ်သည်။

“ရန်နောင်… ငါ မျက်နှာပူလိုက်တာ… လူတွေက ငါတို့ကိုပဲ ကြည့်နေကြတယ်…”

“ဘာမှပူ‌မနေနဲ့… ကိုယ်လုပ်စရာရှိတာသာ လုပ်… သူ့ဟာသူ မေ့မေ့ပျောက်ပျောက် ဖြစ်သွားလိမ့်မယ်…”

နှစ်ယောက်သား ကန်တင်းဝင်လာတော့ ကျော်စွာနဲ့ သော်တာက ရောက်နှင့်နေပြီဖြစ်သည်။ ကျော်စွာ့ပုခုံးကို ဖက်ထားသည့် ကိုသုတလည်း ရှိနေသည်။

“ညီလေးတို့ ကြိုက်တာမှာနော်… ဒီနေ့ အစ်ကိုရှင်းမှာ… ညီ့ဆီက အဖြေပြန်ရလို့လေ… ဟဲ ဟဲ…”

“ဟင်… အဲတာဆို ကိုသုနဲ့ ကျော်စွာက…”

“ဟုတ်တယ် ညီလေးချမ်းငြိမ်း… မနေ့ညကပဲ ချစ်သူတွေဖြစ်သွားကြတာ… ဟီ ဟီး…”

ကျော်စွာ့မျက်နှာကလေးက ရှက်ပြုံးကလေးဖြစ်နေသည်။ ကိုသုမျက်နှာကလည်း ရွှန်းရွှန်းစားစားဖြင့် ကြည်လင်နေသည်။ လိုက်ဖက်တဲ့ စုံတွဲလေးပါ။

“ကျော်စွာ… ခွေးကောင်…။ ချမ်းကိုကျ ငါ့ကို အဖြေပြန်မပေးသေးနဲ့ဦးတဲ့… သူကျတော့ တစ်ညတည်းနဲ့ ဟင်း မပြောချင်ဘူး…”

“ဒါကတော့ အစ်ကိုက ညီလေးရန်နောင်ထက် တော်တာကိုကွ…”

ရန်နောင့်စကားအား ကိုသုတက ပြန်၍ ချေပလိုက်တာ ဖြစ်သည်။

“ချမ်း… တွေ့လား… ငါ့ကို ပြောနေကြပြီ… ငါ့ကိုပြောတာ ခံနိုင်တယ်လား… အားကျမခံ အဖြေပြန်ပေးလိုက်စမ်းပါကွာ…”

“ရန်နောင်ကလည်း ဘာမှမဆိုင်ဘူး…”

ချမ်းငြိမ်းက ရှက်စနိုးလေးဖြင့် ဆိုတော့ ရန်နောင့်မှာ ချစ်မဝနိုင်ဖြစ်ရပြန်သည်။