စကားကောင်းနေတုန်းမှာပဲ ကန်တင်းထဲကို ဝင်လာတဲ့ ရန်နောင်နဲ့၊ချမ်းငြိမ်းကို လှမ်းမြင်လိုက်ရသည်။ သုတအမြင်ထဲ အနက်ရောင် ဆွယ်တာအင်္ကျီဆင်တူနဲ့ သူတို့ နှစ်ယောက်ဟာ လိုက်ဖက်လွန်းလှသည်။
သိုသိုသိပ်သိပ်နေတတ်တဲ့ ချမ်းငြိမ်းက လမ်းလျှောက်ပုံကအစ တည်ငြိမ်သည်။ သူ့ဘေးက ရန်နောင်ကတော့ မဟုတ်။ ချမ်းငြိမ်းရဲ့ ပုခုံးကို အတင်းလိုက်ဖက်နေတာဖြစ်သည်။ ထမင်းဂျိုင့်ခြင်းကတစ်ဖက်၊ T ပေတံကတစ်ဖက် ဖြစ်နေသော ချမ်းငြိမ်းကလည်း ရန်နောင့်ဘေးမှ ငြိမ်ငြိမ်လေး ပါလာသည်။
“ညီလေးနဲ့ ရန်နောင်က…။”
“ဟို… ကျွန်တော့်ဘက်ကသာ တစ်ဖက်သက်ဖြစ်နေတာပါ…။”
ညီလေးချမ်းငြိမ်းရဲ့ စကားသံများက သူ့နားထဲ ပဲ့တင်ထပ်သလို ပြန်လည် အသက်ဝင်လာသည်။ ကြည်ရွှင်နှစ်သက်မှုတို့အကြား စိတ်မွန်းကြပ်မောဟိုက်သလို ခံစားလိုက်ရသည်။ ကောင်လေးတစ်ယောက်ကို တစ်ဖက်သက်ချစ်နေမိတဲ့ ကောင်လေးတစ်ယောက်…။ ချစ်တဲ့သူဆီမှာ သက်ဆိုင်သူ မိန်းကလေးရှိနေသည့်အခါ သူ့အချစ်တွေကို သိုဝှက်ထားရသည့် ခံစားချက်မျိုး…။ ကြည်စင်နေသော ချမ်းငြိမ်း၏ မျက်နှာကလေးကို မြင်နေရသည့်တိုင် ရင်ထဲက မွန်းကြပ်မှုတို့အား သုတ ခံစားမိရသည်။
သူ ချစ်နေမိသည့် ညီ့မှာရော သက်ဆိုင်သူ တစ်စုံတစ်ဦး ရှိနေလေမလား…။
“အာ… ကိုသုရော ရောက်နေတာလား…။”
ချမ်းငြိမ်းက အနားရောက်သည်နှင့် နှုတ်ဆက်စကားဆိုသည်။ ရန်နောင်က သူ့ဘေးကပ်ရပ်တွင် ချမ်းငြိမ်းအတွက် ထိုင်ခုံနေရာချပေးရင်း ကျွန်တော့်ကို တစ်ချက်ကြည့်၍သာ သူ့အလုပ်သူဆက်လုပ်နေသည်။ ဒီကောင်… တော်တော်မလွယ်တဲ့ကောင်…။ ပေါ့ပျက်တယ်ထင်ရပေမဲ့ သူ့မျက်ဝန်းတွေက ချမ်းငြိမ်းအပေါ်မှာမှ လေးနက်နေမှန်း သုတ အကဲခက်မိလိုက်သည်။
“ကော်ဖီပလိန်းတစ်ခွက်နဲ့ လက္ဖက်ရည်တစ်ခွက်ပဲမလား ကိုကြီး…”
စားပွဲထိုးကောင်လေးက ညီလေးချမ်းငြိမ်းကို မေးတော့ သော်တာနဲ့ ညီက ပြုံးစစဖြစ်သွားကြသည်။ ရန်နောင့်အကြည့်တွေကတော့ အနေရခက်နေသည့် ချမ်းငြိမ်း၏မျက်နှာကလေးတွင် အစွဲကပ်နေသလို…။
ANDA SEDANG MEMBACA
Secret Love
CintaUnicode နှင်းဆီဖြူဆိုတာ ဖြူစင်သန့်ရှင်းပြီး စွန့်လွှတ်ပေးဆပ်နိုင်တဲ့ချစ်ခြင်းမျိုးကို ဖော်ဆောင်တယ်တဲ့...။ Zawgyi ႏွင္းဆီျဖဴဆိုတာ ျဖဴစင္သန႔္ရွင္းၿပီး စြန႔္လႊတ္ေပးဆပ္နိုင္တဲ့ခ်စ္ျခင္းမ်ိဳးကို ေဖာ္ေဆာင္တယ္တဲ့...။
