“ကျွန်တော် မကေသရီကို ပြောစရာလေးရှိတယ်။”
“အင်း ပြောလေ။”
“မကေသရီ စိတ်ဆိုးသွားမှာကိုလည်း ကြောက်တယ်။”
မကေသရီမျက်နှာလေးက အလိုမကျသလိုလေး သုန်မှုန်သွားသည်။ ခင်တာမကြာသေးတဲ့ မိန်းကလေးတစ်ယောက်ကို ဖွင့်ပြောဖို့ ကျွန်တော် သိပ်စိတ်လှုပ်ရှားနေမိပါသည်။
“မင်းက ဘာပြောမှာမို့ တို့က စိတ်ဆိုးရမှာလဲ။”
“ဟို… ကျွန်တော် မကေသရီကို သဘောကျတယ်…။”
မကေသရီက အံ့ဩသွားသလိုဖြင့် မျက်လုံးလေးတွေကလည်း ပို၍ ကျယ်သွားသည်။ စားလက်စ ရေခဲမုန့်ဇွန်းလေးကိုပင် ခွက်ထဲပြန်ထားလိုက်သည်အထိ…။
“မကေသရီ ကျွန်တော့်ကို စိတ်ဆိုးသွားသလားဟင်…။”
“စိတ်မဆိုးပေမဲ့ အံ့အားသင့်သွားမိတာတော့ အမှန်ပဲ…။ ခင်မင်မှုက တစ်ပတ်လောက်ပဲ ရှိသေးတော့လေ…။”
“အာ… ခင်တာမကြာသေးဘဲ ခင်မင်မှုကို အခွင့်အရေးယူတယ်လို့လည်း မထင်စေချင်ဘူးဗျာ။ ကျွန်တော် မကေသရီကို စတွေ့ကတည်းက စိတ်ဝင်စားခဲ့မိတာပါ။ မကေသရီဘက်က ကျွန်တော့်ကို ဘယ်လို သဘောထားလဲဟင်…။”
“ဟောတော်… အဖြေပါ တစ်ခါတည်း ပြန်ပေးရမှာလား…။”
“ကျွန်တော်က စောင့်ရတာဆို တကယ် မကြိုက်လို့ပါ…။”
မကေသရီက ကျွန်တော့်ကို သေချာကြည့်ပြီး ခပ်ယဲ့ယဲ့ကလေးပြုံးသည်။
“အင်း… အစ်မလည်း အချိန်ဖြုန်းရတာကို မကြိုက်ဘူး…။ အစ်မလည်း မင်းကို သဘောကျပါတယ်။”
“ဗျ… ဗျာ…”
မကေသရီက ဆံပင်ကလေးကိုသပ်ရင်း မခို့တရို့လေးသာ ခေါင်းညိတ်သည်။
“အာ… ပျော်လိုက်တာဗျာ…။ မ, မ လို့ပဲ ခေါ်မယ်နော်…။”
“ဟုတ် မောင်…”
ရန်နောင့်ရင်တွေ တဒိန်းဒိန်းလှုပ်ခတ်နေရသည်။ မကေသရီက သူ့ကို မောင်တဲ့…။ သူနဲ့ မကေသရီ ချစ်သူတွေဖြစ်သွားကြပြီပေါ့…။ စားပွဲပေါ် တင်ထားသည့် မကေသရီ၏လက်ကလေးအား ရန်နောင် လှမ်းကိုင်လိုက်သည်။ မကေသရီက ရှက်ပြုံးကလေး ပြုံးသည်။ မကေသရီက တကယ်လှသည့် မိန်းမချောကလေး တစ်ဦးပါ…။
YOU ARE READING
Secret Love
RomanceUnicode နှင်းဆီဖြူဆိုတာ ဖြူစင်သန့်ရှင်းပြီး စွန့်လွှတ်ပေးဆပ်နိုင်တဲ့ချစ်ခြင်းမျိုးကို ဖော်ဆောင်တယ်တဲ့...။ Zawgyi ႏွင္းဆီျဖဴဆိုတာ ျဖဴစင္သန႔္ရွင္းၿပီး စြန႔္လႊတ္ေပးဆပ္နိုင္တဲ့ခ်စ္ျခင္းမ်ိဳးကို ေဖာ္ေဆာင္တယ္တဲ့...။
