My Devil Daddy 🔞⚠️ (Completed )

Episode - 24

Unicode Version

ရှောင်းကျန့်ဒီနေ့ရိပေါ်ဆီကအငြင်းကိုခံခဲ့ရပေမယ့် နောက်ထပ်ချဉ်းကပ်ဖို့အခွင့်အရေးတွေအများကြီးရှိသေးတယ်ဆိုတဲ့အသိကိုနှလုံးသွင်းကာအတတ်နိုင်ဆုံးကိုယ့်စိတ်ကိုကိုယ်ပြန်တင်းပြီးCompany ကိုဆက် သွားဖို့လည်းစိတ်မပါတော့တာမို့အိမ်ကိုသာတန်းပြန် လာခဲ့လိုက်တယ်။

အိမ်ထဲဝင်လာတဲ့သူ့ကိုမြင်တာနဲ့ကျိုးချန်ကအကျိုးအ ကြောင်းကိုအသည်းအသန်ပဲမေးနေပြန်တာမို့အခုလောလောဆယ်ဘာစကားမှမပြောချင်သေးတာနဲ့

"နေဦးကျိုးချန်!ငါအခုစိတ်တွေအရမ်းရှုပ်နေလို့!နောက်မှပဲငါမင်းကိုပြောပြပါရစေကွာ!"

ရှောင်းကျန့်ကသူ့ကိုစိတ်ပျက်လက်ပျက်လေသံနဲ့ဝတ် ကျေတန်းကျေပြောပြီးခေါင်းငိုက်စိုက်ကျကာအိပ်ခန်းထဲကိုတန်းဝင်သွားတာကြောင့်ကျိုးချန်အခြေအနေကောင်းမလာမှန်းကိုသဘောပေါက်လိုက်တယ်။

အစောကြီးကတည်းကလည်းထင်တော့ထင်နေပါတ
ယ်ရိပေါ်ရှောင်းကျန့်ကိုအခုလိုပြန်တွေ့တဲ့အခါအမြင် ကြည်မှာမဟုတ်လောက်ဘူးဆိုတာ။အရင်ကတည်းကိုကရိပေါ်ရဲ့စိတ်ထဲမှာရှောင်းကျန့်နဲ့ပတ်သတ်ပြီးစိတ် နာစရာဒဏ်ရာတွေရှိနေပေမယ့်ရိပေါ်အနေနဲ့ကအဲ့ဒီ့အရာတွေကိုထုတ်ပြပေါက်ကဲွခွင့်မရဘဲစိတ်ထဲမှာပဲအချိန်အကြာကြီးသိမ်းဆည်းခဲ့ရတဲ့သူလေ။

အရင်တုန်းကတော့ရိပေါ်ကရှောင်းကျန့်ကိုချစ်တဲ့စိတ် တစ်ခုတည်းနဲ့အဲ့ဒီ့နာကျင်စရာကိစ္စတွေကိုကျော်လွှားသွားနိုင်ခဲ့ပေမယ့်အခုလိုမျိုးရှောင်းကျန့်ကိုလုံးဝမသိတော့တဲ့အချိန်မျိုးမှာကျတော့အဲ့ဒီ့စိတ်ဒဏ်ရာတွေကဓားတစ်လက်အနေပြန်ပေါ်လာပြီးနဲ့ရှောင်းကျန့်ကိုအတိုးချမုန်းတီးတော့မယ်ဆိုတာသေချာသလောက်ရှိနေတာမို့ကျိုးချန်လည်းစိတ်မကောင်းဖြစ်ရုံကလဲွလို့ဘယ်လိုမှကူညီပေးလို့မရဘူးဖြစ်နေတယ်။

***************

ရိပေါ်တို့Company ဘက်က New Project အတွက် အစည်းအဝေးတက်ဖို့အကြောင်းကြားလာတော့ရှော င်းကျန့်တစ်ယောက်ဝမ်းသာအားရနဲ့အရောက်သွားခဲ့ပေမယ့်တကယ်တမ်းအဲ့ဒီ့အစည်းအဝေးမှာရိပေါ်ကဝင်ရောက်ဆွေးနွေးခြင်းမရှိတဲ့အပြင်Project အသစ် အတွက်ဖဲွ့ထားတဲ့နာမည်စာရင်းမှာကိုမပါတာမို့အဲ့အ ကြောင်းကိုကြားတာနဲ့ရှောင်းကျန့်လည်းချက်ချင်းပဲဒေါသတကြီးနဲ့ထပြန်လာခဲ့လိုက်ကာCompany က တခြားတစ်ယောက်ကိုသာသူ့ကိုယ်စားဆွေးနွေးဖို့ထပ် စေလွှတ်လိုက်တယ်။