My Devil Daddy 🔞⚠️ (Completed )

Episode - 13

Unicode Version

ရိပေါ်ရှောင်းကျန့်နဲ့အတူညစာစားပဲွဝိုင်းမှာဝင်ထိုင်လိုက်ပြီးအလုပ်သမားတွေထမင်းပဲွပြင်ပေးတာကိုစောင့် နေရင်းကနေဟိုကြည့်ဒီကြည့်နဲ့ကျိုးချန်ကောကိုလိုက် ရှာမိတော့ရှောင်းကျန့်ကသူ့စိတ်ကိုသိနေတဲ့အလားပုံမှန်အတိုင်းအေးစက်နေတဲ့လေသံနဲ့

"ရိပေါ်! ကိုယ်စားရမယ့်ညစာကိုပဲအာရုံစိုက်ထား!ကိုယ်မင်းကိုမှာထားတယ်နော်!ကိုယ်ရှိနေရင်တခြားဘယ်သူ့ကိုမှလိုက်မရှာဖို့ကို!"

ရှောင်းကျန့်ဆီကစကားဆုံးတော့ရိပေါ်ဇက်လေးပုသွားပြီးလာချပေးတဲ့တူကိုကောက်ကိုင်ရင်းကနေခပ် တိုးတိုးလေသံနဲ့

"ဘယ်သူ့ကိုမှမရှာပါဘူး။ဒီနေ့ချက်တဲ့ထဲမှာကျွန်တော့် အကြိုက်ဟင်းတွေပါလားလို့ကြည့်နေတာပါ။"

ရိပေါ်ရဲ့ဖြေရှင်းတဲ့စကားအဆုံးမှာရှောင်းကျန့်ကရိပေါ်ကိုထပ်ပြောချင်စိတ်မရှိတဲ့ဟန်နဲ့လာချပေးတဲ့ထမင်းနဲ့ဟင်းတွေကိုသာစပြီးစားနေတာမို့ရိပေါ် လည်းထပ်မပြောရဲတော့ဘဲတိတ်တိတ်ကလေးရှောင်းကျန့်နဲ့အတူတူညစာကိုအားရပါးရပဲစားလိုက်တော့တယ်။

နှစ်ယောက်စလုံးညစာစားလို့ပြီးတော့ရှောင်းကျန့်ကသူ့အိပ်ခန်းထဲမှာထားခဲ့တဲ့Laptop ကိုယူဖို့အတွက်သူနဲ့အတူအိပ်ခန်းထဲကိုလိုက်ဝင်လာတော့ရိပေါ်သူရှောင်းကျန့်ကိုစကားပြောချင်နေသေးတဲ့အတွက် ရှောင်းကျန့်ထိုင်ခုံမှာဝင်ထိုင်တာကိုမြင်တာနဲ့ချက်ချင်းပဲရှောင်းကျန့်ရဲ့ပေါင်ပေါ် မှာစွေ့ခနဲဝင်ထိုင်ကာရင် ဘတ်မှာမျက်နှာတစ်ခြမ်းအပ်ပြီးချွဲ့နွဲ့တဲ့လေသံနဲ့

"Daddy! ဟိုဘက်အခန်းကိုမပြန်ပါနဲ့ဦး!ကျွန်တော်နဲ့ခဏလောက်စကားပြောရအောင်ပါနော်!"

ရိပေါ်ရဲ့အပြောကြောင့်ရှောင်းကျန့်Laptop ကိုကောက်ယူမလို့လုပ်နေရာကနေခုံပေါ်မှာပြန်ချထားလိုက်ပြီးသူ့ရင်ခွင်ထဲရောက်နေတဲ့ရိပေါ်ကိုငုံ့ကြည့်ကာသက်ပြင်းတစ်ချက်ချရင်းစိတ်ကိုအတတ်နိုင်ဆုံးဆဲွဆန့်ထားတဲ့လေသံနဲ့

"ကဲ​! ဘာတွေများအဲ့လောက်တောင်ပြောစရာတွေကရှိနေရသေးပြန်တာလဲ?ပြောပါဦး! "