My Devil Daddy 🔞⚠️ (Completed )

Final Episode

Unicode Version

*ယွဲ့အာနဲ့ ရန်အာတို့ အသက်၅နှစ်*

ဘာလိုလိုနဲ့ သားအဖလေးယောက် အော်ဟစ်ဆူပူ ရန်ဖြစ်ပြန်ချစ်နဲ့ လုံးလည်ချာလည်လိုက်ပြီး နေလာလိုက်တာ နောက်တစ်ပတ်လောက်ဆိုရင်ပဲ သားတွေတောင် မူလတန်းစတက်ရတော့မယ့်အချိန်ကို ရောက်မှန်းမသိရောက်လာခဲ့ပြီ။

နဂိုကလေးတုန်းက ဂျစ်တိုက်နေကျ ရန်အာတောင် မူကြိုတက်ပြီးကတည်းက သူ့ကိုယ်သူ လူကြီးဂိုက်ဖမ်းကာ အခုဆို ဆိုဒ်အပြည့် ဂိုက်အပြည့် ဖြစ်နေပြီ။အပြင်တစ်ခါသွားဖို့အရေး မျက်မှန်တပ်ရ၊ ဦးထုပ်ဆောင်းရ၊ ရှူးဖိနပ်ပြေးစီးရနဲ့ ဒင်းရှိုးထုတ်သမျှတစ်မိသားစုလုံးက ပြန်ထိုင်စောင့်နေရတဲ့အဖြစ်ရယ်။

အခုလည်း ကျောင်းကြီးတက်ရတော့မယ်ဆိုတော့ ဘာပြောကောင်းမလဲ? ပူဆာလိုက်တဲ့ ပစ္စည်းတွေမှ ဝက်ဝက်ကွဲ! ယွဲ့အာကတော့ အရင်အတိုင်း တည်ငြိမ်အေးဆေးကာ သူ့ညီကို ဦးစားပေးသလောက် ဒင်းကတော့ အရွယ်နဲ့မလိုက်အောင် သတိရတိုင်း ပြေးပြေးလာပြီး ဝယ်ခိုင်းလိုက်တဲ့ ပစ္စည်းပေါင်းသောင်းခြောက်ထောင်ဆိုတာလေ။ တော်သေးတယ် ဒီအဖေနှစ်ယောက်စလုံးက ရုပ်ရှိရေလျှံလေးတွေမို့သာပဲ။

ဒီမနက် ခါတိုင်းလိုပဲ ရုံးသွားခါနီးကျ အဖေနှစ်လုံးကို အိပ်ချင်မူးတူးနဲ့ အိပ်ပေါက်ဝလိုက်ပို့တဲ့ ငဂျစ်နှစ်ကောင်ကို ရိပေါ်အသဲယားစွာ ပါးလေးတွေဆွဲဖြစ်ရင်းကနေ

"ကဲ! ဒီနေ့လည်း အိမ်မှာ အရင်နေ့တွေလိုပဲ လိမ်လိမ်မာမာလေး နေခဲ့ကြဦးနော်။ ပျင်းနေရင် ပုံဆွဲ၊ ဆေးရောင်ခြယ်၊ YouTube ကြည့်နေ ဟုတ်ပြီလား? Gameတွေတော့ တအားကြီးမဆော့နဲ့။ မျက်လုံးထိခိုက်မယ်။ စားချင်တာရှိရင် ဖုန်းလှမ်းဆက်။ အပြန်ကျ ဝယ်လာခဲ့မယ်နော်။ "

ရိပေါ်စကားဆုံးတော့ ရန်အာက မပွင့်တပွင့်မျက်လုံးလေးနဲ့ ပျင်းတွဲစွာ သန်းဝေနေရင်းကနေ ဗလုံးဗထွေး လေသံနဲ့

"အွင်း ပါပါး! ညနေကျရင် အိမ်စောစောပြန်ခဲ့နော်။ Daddyနဲ့ပါပါးကို သားတစ်နေကုန်လွမ်းနေမယ်။ မွ! "

ချွဲလည်းချွဲရင်းကနေ စကားအဆုံးမှာ ရိပေါ်ပါးကို လှမ်းနမ်းလိုက်တဲ့ သားငယ်အတတ်လေးကြောင့် ရိပေါ်မှာ ရုံးပင်မသွားချင်တော့လောက်အောင် အချစ်ပိုကာ မချင့်မရဲလေသံနဲ့