BLACK & GREY [completed ]

Ep....31

#Unicode
"အကို ကျွန်မကို သားက မုန်းသွားရင် ဘယ်လိုလုပ်မလဲ..."

ဇနီးဖြစ်သူရဲ့ စကားကြောင့် ဝန်ကြီးချုပ် ဂျွန်မွန်ဆောင်းမှာ နှစ်သိမ့်ပေးရန် အတွက် စကားလုံးရှာရတော့သည်။

"သားက နားလည်ပေးမှာပါ...အချိန်တော့ လိုတာပေါ့.."

"သားက အစတည်းက ကျွန်မကို မုန်းနေတာ အခုပိုမုန်းတော့မှာပဲ...ပြီးတော့ ဂျင်ဝူးလေးလည်း စိတ်ထိခိုက်သွားမှာပဲ....သူက တစ်သက်လုံး ကျွန်မကို သူ့အမေရင်းလို့ပဲ ထင်မှတ်လာတာလေ.."

"စိတ်မပူပါနဲ့...ဂျင်ဝူးကို သေချာပြောပြရမှာပေါ့....အခုလို ဖြစ်ရတာ ကိုယ် ညံ့ဖျင်းမှုတွေလည်း ပါပါတယ်..."

"ကိုယ့်ကိုကိုယ်လည်း အပြစ်မတင်ပါနဲ့...အခုတော့ သားတွေ နားလည်လက်ခံလာအောင် စောင့်ရမှာပေါ့.."

နားလည်ပေးလွန်းသော ဇနီးဖြစ်သူကို ပွေ့ဖက်ရင်း နှစ်သိမ့်ပေးလိုက်၏။

တကယ်တော့ အခုလက်ရှိ ဂျောင်ဂုက မိထွေးလို့ ထင်နေသူ...မင်ဆူဟီးဟာ ဂျောင်ဂုရဲ့ အမေရင်းပါ။
ပထမသေဆုံးသွားပြီဖြစ်တဲ့ မိန်းမနာမည်က  လီအင်ဆူ....
သူမရဲ့ အကျင့်ယုတ်မှုကြောင့် ကွဲပြားခဲ့ရသော မိသားစုလေး...။

လီအင်ဆူ,မင်ဆူဟီး,ဂျွန်မွန်ဆောင်း တို့က အချစ်ဆုံးသူငယ်ချင်းတွေ...။
ပထမပိုင်းတော့ အရာအားလုံးဟာ အဆင်ပြေပြေ....အချစ်ဆုံးနဲ့အခင်ဆုံး သူငယ်ချင်းသုံးယောက်အဖြစ်နဲ့ အရာအားလုံးဟာ လှလှပပ....

မင်ဆူဟီးနဲ့ဂျွန်မွန်ဆောင်းက ချစ်သူတွေဖြစ်သွားပြီးနောက်ပိုင်းကစလို့....အဖြူရောင်သံယောဇဥ်တွေက အကျည်းတန်ခဲ့သည်။
သူတို့နှစ်ယောက်အပေါ် စိတ်ထဲမှာ အမြဲမလိုမုန်းတီးနေတက်သူက လီအင်ဆူ...။
သူမက ဂျွန်မွန်ဆောင်းကို တစ်ဖက်သတ်ကြိတ်ချစ်နေသူ..။

သူမက အပြင်မျက်နှာချိုချိုနဲ့အတွင်းစိတ်ကောက်နေတာကြောင့် သူတို့မရိပ်မိခဲ့။
မင်ဆူဟီးက မိဘမဲ့တစ်ကောင်ကြွက်မို့ အမြဲ မျက်နှာငယ်ရသည်။
ဒါကိုသိထားတဲ့ လီအင်ဆူက တခါတရံ နှိမ်ပြီးဆက်ဆံတက်သော်လည်း စိတ်ထားကောင်းသော ဆူဟီးက အပြစ်မမြင်တက်ခဲ့။
အမြဲသည်းခံပြီး မောက်မာတက်သော သူဌေးသမီးသူငယ်ချင်းလေးကို ခွင့်လွှတ်ရှာသည်။