# و_ولكن..
ماذا_بعد_الخذلان...
# Paaaart 2
سهيلة خلصت محاضرتها و سابت ايمان و روحت
ولقت ابن عمتها قاعد فى الجنينة
سهيلة راحتلو بإبتسامة: اسر ازيك
اسر بإبتسامة عاشقة : الحمدلله ازيك
سهيلة : يعنى انت بيتك فى نفس بيتى الا انى بشوفك صدفة
اسر : شغل والله اعمل اى ... وادينى خدت اجازة
سهيلة : ربنا يعينك .... وانت اجازتك لحدا امتى
اسر بضحك : امتى مين صاحبى هيعدى عليا كمان شوية و ارجع تانى
سهيلة بحزن : انت لحقت يا اسر ... انا قولت هنخرج انهاردا و كدا بما انى بقالى 3 اسابيع مشوفتكش
اسر : للاسف جد جديد فى القضية اللى ماسكها فلازم اروح
سهيلة لسة هتتكلم دخل عليهم صاحب اسر علشان يروحو الشغل
سهيلة بغيظ : طيب سلام يا اسر
اسر بإبتسامة : هنخرج صدقينى
سهيلة بٱبتسامة : طيب تروح و تيجى بالسلامة
اسر ابتسملها و مشى
وسهيلة فضلت مبتسمة له لحد ما مشى
( عيلة الشافعى .. اللى هى عيلة مهاب و مهاب هو الحفيد الاكبر للعيلة سهيلة بنت عمو و اسر يبقى ابن عمتو .... و مهاب عندو بنت عم تانية اسمها سها ... (علشان هنحتاجها كمان شوية )
وهما كلهم عايشين فى فيلا كبيرة بتضم عيلة الشافعى كلها
و اللى هى بتتكون من تلت ولاد و بنت
- الولد الاكبر اسمو ابراهيم و هو مخلف مهاب و هدى و حازم
-الولد التانى اسمو احمد و مخلف سها و هشام
- الولد التالت اسمو عاطف و مخلف سهيلة و مراته متوفيه
- البنت الرابعة اسمها ماجدة و مخلفة اسر و هى جوزها مات فعاشت مع اخواتها )
( اسر بيشتغل ظابط و هو بيحب سهيلة و سهيلة بتحبه بس محدش فيهم اعترف للتانى بحبه )
___________________
علا بعد ما خرجت من عند مهاب
ركبت عربيتها و فضلت تعيط شوية و كلمت سها صاحبتها و حكتلها على اللى حصل و كانت بتحكى بعياط و ساقت العربية و هى بتكلم صاحبتها و كمان بتعيط شوية ومبقتش شايفة الطريق من كتر عياطها و لا مركزة فى الطريق لحد ما خبطت فى عربية نقل كبيرة و قبل ما تخبط فيها سرخت بصوت عالى ف سها صاحبتها اتخضت عليها
الناس اتجمعوا حولين علا و نقلوها المستشفى و حد خد تليفونها و لقى حد بيتكلم فرد علية
سها بقلق : علا .. علا ... ردى عليا
الشخص : ايوا يا هانم البنت اللى عملت الحادثة هننقلها على المستشفى
سها بخضة : حادثة !!! مستشفى اى
الشخص وصفلها طريق المستشفى و هى راحت
سها لبست بسرعه و نزلت خدت عربيتها وراحت لعلا
دخلت سالت الاستقبال عليها و عرفت انهم حولوها للعمليات
استنت برة شوية بقلق على صاحبتها
شوية و لقت ممرضة خرجت من الاوضة بتجرى
وفى حالة فزع فى اوضة العمليات
سها وقفت بقلق اكتر و فزع ...شوية وافتكرت انها تكلم مامت علا
سها كلمت اهل علا و بالفعل وصلوا بعد شوية
مامت علا بخضة و هى بتجرى ناحية سها : علا .. علا بنتى مالها
سها حاولت تهديها : اهدى يا طنط ان شاء الله هتكون كويسة
مامتها بدموع : فهمينى حصلها اى
سها بتوتر : هى عملت حادثة و حد دخلها المستفى و عرفت انها هنا فجيت على طول و عرفت انهم دخلوها العمليات و نقلوها اوضة عادية .... ان شاء الله مفيش قلق
مامتها بخضة : عمليات ... يعنى الموضوع كبير
سها لسة هترد قاطعهم صوت الدكتور اللى خرج من عند علا
مامت علا جريت عليه و سألته
الدكتور اتكلم بروتينية : الحقيقة و مكدبش عليكوا هى حالتها مش مطمنة ابدا
عملت حادثة كبيرة هى خبطت فى عربية نقل و دا سبب كسر فى الكتف و كسر فى الايد اليمين و فى رجليها بردو غير الكدمات اللى فى وشها كلو و جسمها بردو و غير الخبطة اللى خدتها فى دماغها سببت نزيف حاد
مامت علا و باباها سمعوا كلام الدكتور و قلقوا على بنتهم و مامتها زادت فى العياط
سها مسكت نفسها و كملت كلام مع الدكتور وهى بدمع : يعنى فى ف ايدينا اى نعملوا
الدكتور : حاليا محتاجين اكياس دم
سها : تمام انا هتصرف ... طب طب هى هتفوق امتى
الدكتور : لا هى هتفوق كمان 8 ساعات لانى ادتها مهدء يعنى هتفوق على بليل ان شاء الله
سها : طيب انا ممكن اتبرع بدمى
الدكتور : طيب هنروح المعمل و نشوف هينفع و لا لا
سها : تمام يا دكتور .. وكانت راحة مع الدكتور مامت علا صعبت عليها فراحت هدتها و راحت مع الدكتور المعمل
و بالفعل بعد الفحوصات اتاكدوا ان سها نفس فصيلة دم علا و ان سها معندهاش اى امراض مذمنة فبتالى اتبرعت بدمها لصاحبتها ( 😂ونعم الصحوبية )
________________
