Paaaart 11
#و_ولكن..
ماذا_بعد_الخذلان...
كن على يقين: أن هناك شيء ينتظرك بعد الصبر ليُبهرك ويُنسيك مرارة الألم ،ذاك وعد ربي "وبشر الصابرين
🪐💥........................💥🪐
🪐💥........................💥🪐
ايمان خلصت المكالمة مع تميم و ادت التليفون لمحمود
محمود حس انه لازم ياخد الخطوه مع ايمان بعد ما اعترف لنفسه انه بيحبها فحب يتكلم معاها فإتنهد : ايمان
ايمان بصتله : نعم
محمود : هو انتى فى حد ف حياتك
ايمان ضيقت حواجبها شوية : اممم بتسأل لى
محمود : بندردش
ايمان : طب انا اللى بسألك فى حد ف حياتك
محمود : الله !! انا اللى سائل الاول
ايمان ضحكت : لا مفيش حد ف حياتى
محمود اتنهد : احلفى
ايمان : والله
ايمان تقريبا فهمت هو بيلف و يدور على اى فرجعت بصت للشباك تانى
وهو قرب منها و مسك ايديها و همس عند ودنها : بحبك
ايمان ابتسمت ابتسامة واسعه و خدودها احمرت و اتوترت و بصتله
محمود سرح فى عنيها وقالها : انا مش محتاج منك رد دلوقتى ...فكرى براحتك
ايمان سحبت ايديها بخجل و توتر : لا انا مش 'محتاحة افكر
محمود ضيق عينه : يعنى افهم انك موافقة
ايمان بصتله : موافقة !! انا قولت كدا
محمود ابتسم : امال معنى كلامك اى
ايمان للحظة كانت هتقولوا انها موافقة بس قررت تلعب على الوتر الحساس : مش انت قولت افكر
محمود تقريبا عرف الاجابة لانها لو مش موافقة ردها كان هيختلف تماما : اممم ..يومين و ردك يكون وصلنى
وكمل بخبث : يإما بقا اشوف واحدة تانية
ايمان كانت باصة للارض و لما قال كلمته بصتله بغيظ و هو قال : بنغير من اولها
ايمان بغيظ : مش هرد عليك ...و بعدين اى قصة الحب اللى ف القطر دى
محمود : مقدرتش استحمل
و اتكلموا كتيير و عرفوا تقريبا كل حاجة عن بعض تقريبا ... زى بيحبوا اى بيكرهوا اى .....قعدوا 5 ساعات بيتكلموا و محدش منهم حس بالوقت
فى شعور اتولد جواهم ناحية التانى بس شعور حلو و شعور ارتياح ...شعور بالامان
و بعد وووقت طوويل وصلوا القاهرة ايمان و محمود خرجوا من المحطة و ايمان لاحظت عربية تميم
فراحت عند شباك تميم و قالت : هااى
تميم بصلها بحدة : انجزى اركبى
ايمان مستغربة : يابنى انا كنت مخطوفة فين السلامات فين وحشتينى ..
تميم بصلها قوى و هى لفت علشان تركب جمبه ...شاورت لمحمود بمعنى سلام
وهو بادلها بإبتسامة
ايمان ركبت جمب تميم و سكتت لانها مستغربة حدته معاها ..كانت متوقعه انه هياخدها بالحضن لانها مهما كان كانت مخطوفة ...فضلت ساكته لحد ما روحوا بيتهم
ايمان نزلت من العربية و قفلت الباب و الكلب بتاعها لما شافها جرى عليها و وقعد قدامها وهز ديله هى ابتسمت اوى و وطت لمستواه : و الله وحشتنى ....خلصا معاه و دخلت
و كانت طالعه السلم بس وقفت لما سمعت تميم نادهلها بصوت قوى
ايمان لفتله بتفاجأ و نزلت من السلم لحد ما بقت قصاده
و هو كمل كلامه بحدة : مين اللى كان معاكى دا
ايمان اتوترت و بلعت ريقها بخوف : دا دا محمود
تميم : و الله !!
ايمان بصت لاياد بتوتر اللى لما سمع صوت تميم و هو بينادى لايمان نزل : والله
تميم قرب منها و مسكها من شعرها : و ياترى اختطافك دا بترتيب منه
ايمان بصتله بصدمه : يعنى انت شاكك ان ترتيب منى
تميم : و ليه لا
ايمان : اللى خاطفتى كان رفعت و دا بسبب مشاكل بينك و بينه
تميم كان عارف دا بس حب يعرف منها علاقتها بمحمود فنزل ايده من شعرها و بصلها اوى : احكيلى اى علاقتك بيه
ايمان : برفعت !!
تميم : احنا هنستعبط ...اكيد بمحمود
ايمان بتوتر : هو صديق ليا فى الجامعه و كان معايا فى الرحلة
تميم : اممم وبعدين ..كملى
ايمان : اكمل اى
تميم : لما اتخطفتى روحنا الفندق و شوفنا كاميرات المراقبة و شوفنا انو ركب معاكى التاكسى ...ركب معاكى لى بقا
ايمان بنفاذ صبر : تميم هو تحقيق
تميم : اه تحقيق انطقى ركب معاكى لى
ايمان بتوتر و خوف : كان عايز يوصلنى
تميم : يوصلك لى هو من بقيت اهلك
ايمان : منا اتحرجت اقولوا متجيش
تميم : ما التاكسى كان هيوصلك اى لازمته بقا ...و لا هو خابب ينطلك
ايمان : معرفش يا تميم
تميم : ملكيش دعوة بالواد دا تانى ...ولا تكلميه و لا يكون ليكى علاقة بيه تانى ...و لو حصل غير كدا هيكون ليا تصرف تانى معاكى
ايمان هزت راسها بزعل و طلعت اوضتها شوية و لقت اياد دخلها
راح قعد جمبها سكت شوية و بعدين قال : طبعا عارفة انك غلطتى ...لانك سمحتيله انه يخرج معاكى الكافيه
ايمان بسرعه : كان هيوصلنى بس والله
اياد : انتى مقتنعه بكدا .....يعنى هيوصلك لحد الكافيه و يروح هو ...اكيد لا كان هيقعد معاكى ...و الله اعلم بعد الكافيه تروحوا فين تانى
ايمان : نروح فين تانى !! انتو مش واثقين فيا
اياد : لا طبعا واثقين ...بس تميم منبهك عليكى اكتر من مرة قبل كدا يكون ليكى حدود فى تعامل مع الشخص اللى قدامك و ميتعدهاش ... و خاصة بقا ان لينا اعداء .. و ممكن يستغلوكى
ايمان بصتله بندم : مش هتحصل تانى
اياد ابتسم و حاوط حتفها بإيده : حبيبتى
ايمان ابتسمت : وحشتك صح
اياد : لا
ايمان بعدت ايده عنها بغيظ
وهو رجع حط ايده تانى : طبعا وحشتينى .....روحى بقا اعتذرى لتميم
ايمان : هعمل كدا بس اما يهدى
اياد : طيب ....انا خارج هتعوزى حاجة
ايمان :لا سلامتك ...بس انت رايح فين
اياد : عند واحد صاحبى علشان موضوع السباق
ايمان : اه صحيح ...انت هتسافر امتى
اياد : كمان يومين
ايمان : هاجى معاك
اياد لسه هيتكلم هى قاطعته : بليز يا اياد ..ربنا يخليك ...و لو كلمت بنات تانى مش هقول لتميم ...لا و كمان انا اللى هظبطلك معاهم
اياد حط ايده على بوقها : اسكتى يا فضيحه
ايمان شالت ايده : هتاخدنى معاك
اياد : ربنا يسهل
ايمان : مهو ربنا يسهل و كل حاجة بس انا هاجى و معندكش اختيار تانى ...يلا بقا برا علشان هغير
اياد : انتى بتطردينى طب متنش جا
ايمان بسرعه : لا لا انا اسفة لو عايز تقعد الاوضة اوضتك خد راحتك
اياد و هو خارج : ناس متجيش الا بالضرب على دماغها
