إفسحو الطريق قد جائت الامبراطوره
خخخخخخخ😁
تبا لتواضعي أنا 😀
هيا هيا نبدوا بركاونا من التمسخير 😘👇👇
☸️☸️☸️☸️☸️☸️☸️☸️☸️
نور : نتا ؟
أمين : نتي ؟
نور : واش راك دير هنا ؟
أمين نتي لواش راكي ديري هنا ؟
هزت حاجبها تشوف معاه
نور : راني ندير شوبينغ . من نيتك نتا !
توله لغباء سؤالو وقعد يشوف معاها مستغرب علاه راهي في سبيطار وواش صرالها ومنبعد تفكر لكف لي عطاتهالو
حس بروحو راح يتطرق قدم عندها بخطوات مليانين شر
حكمت في لفراش وبلعت ريقها
نور : و..واش راك دير ؟
أمين تبسم بخبث : راني ندير في شوبينغ 😏
نور : لا راك غالط في لبلاصة تحب نعطيك لادراس تاع واحد لبوتيك يبيع حاويج يهبلو حق ربي
حكم الضحكة بسيف من المنظر تاعها حاب يلعبلها بلمورال قدم عندها وين وصل السرير
أمين : نن مانسحقش نحب نرجع حقي هادا مكان
نور بخوف : شوف يقولك المسامح كريم معنتها نتا لازمك تصفي قلبك وماتحقدش على الناس تفاهمنا ؟
أمين حصرها بين يديه : قلتيلي نصفي قلبي اه بصح أنا مانسامحش ولكف لي ديتها راح تخلصي حقها ليوم ولا غدوة
نور بتوتر : بصح أنا ماقصديش يدي زلقت برك تحطت فوق خدك
أمين : أعرفي بلي نتي لي أعلنتي بداية الحرب بيناتنا تسما ماتلومينيش
تفتح الباب دخلت الفرملية هو جبد عليها
الفرملية : آنسة نور فقتي ؟ تحسي في روحك لباس
نور دارتلها براسها إيه وعينيها مزالو معلقين مع هاداك لي يخزرلها ويتبسم بخبث
جا خارج ومنبعد دار ليها وتبسم : آنسة نور مزال بيناتنا لقاء آخر نصفيو فيه حسابتنا
غمزلها وخرج و هو يخمم كيفاه راح ينتقم منها
نور وجها طلع حمر قعدت تراوح بيدها وتتنفس بالقاوي هي لي دخلت روحها في المشاكل
تهدر تحت خشمها : واش داني أنا ضرك نلوح روحي في حوايج مانيش قدهم أفففف
الفرملية : cv mademoiselle ؟
نور : إيه cv cv وينهم يسرى ومريم ؟
الفرملية : كانو منا معرف
نور : أكي
⚜️⚜️⚜️⚜️⚜️⚜️⚜️⚜️
عند آدم ويسرى #
قاعدين في café ساكتين
هو يتأمل فيها وهي تخزر لبعيد
حط يدو على يدها غزرتلو
آدم : راكي مليحة ؟
غمضت عينيها وعاودت حلتهم وبعد مدة من الصمت جاوبتو
يسرى : نور ملي كانت وهي تعاني من النقص العاطفي بسبة والديها لي جامي اهتمو بيها كانت عندها غير ختها لي متعلقة بيها بزاف لدرجة تغير مني أنا ومريم عليها تعرفت عليها هي لولة قبل مريم ومن تم وليت أنا وياها صحابات معانا قدرت تنسى شوي حكاية عايلتها و ولينا نحتلو جزء كبير من حياتها للنهار لي دخل في حياتها هاداك لي مايسماش عيينا ننصحوها ونقولولها بعدي من طريقو بصح هي تبعت قلبها لي ليوم وصلها لبلاصة كيما هادي
نور طول عمرها رقيقة و ضعيفة عكس ماراهي تبان أتفه حاجة تحطمها و هاذي أكثر حاجة نكرها فيها نحاول قدر ما نقدر نقويها نحب نشوفها قوية حاجة ماتكسرها بيسك نخاف عليها نخاف يجي نهار الضعف تاعها يكون حاجز قدامها ومايخليهاش تعيش
أنت تقرأ
نتي المَلكْ ديالي أنا (باللهجة الجزائرية )
Короткий рассказرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
