سلاااام عليكم ، حبسو قبل ماتقراو ديرو النجمة علبالي لبارت يعجبكم 😅
وحقا لبنات بركاو ماتتقابضو على الرجال تاع لكرو راهم عندهم مداماتهم ، راني نشوف فيكم في لكمنتار 🤣
قراءة ممتعة للجميع 👇
✔️✔️✔️✔️✔️✔️✔️✔️✔️✔️✔️✔️✔️✔️
#يسرى &آدم
بقا واقف مصدوم في بلاصتو مزال حتى ماشافش وجهها مي من شعرها عرفها ومستحيل هو لي مايعرفهاش
محمد : آدم ، آدم
مزال ماش مستوعب وراهو في عالم بعييد
تبسمت يسرى ببرود وناضت من بلاصتها بكل برود و تكبر و ثقة بالنفس
عدلت لمونطو تاعها على كتافها درات ليه بكل هدوء
آدم يستنى غير وكتاه دور بصح كي دارت وطاحو عينيها في عينيه تجمد في بلاصتو حتى النفس راحلو
قدمت عندو وصوت الطالون تاعها يضرب في قلبو ماش وذنو
مدتلو يدها و عينيها شاعلة فيهم النار : معاك العميلة 02 'سيلفيا '
#آدم
بلاك لحد الآن هادي أكبر صدمة تعرضتلها في حياتي
جامي تخيلت انو راح يكون لقائنا بعد سنوات هنا ولا في هاذي لبلاصة
ماكنتش متوقع أني نزيد نقابل عينيها مرة أخرى
بصح عينيها ..فرق كبير بين 7 سنين و ضرك من قبل كنت نشوف فيهم الطفلة البريئة كنت نشوف فيهم الحب و الحياة
مي ضرك ...هادو كل مكانش ..مافهمتش وآش النظرة هادي بالضبط واول مرة تصرا معايا مانقدرش نفهم عينيها واش يقولو
أمور بزاف غامضة فيها راهي تخنق فيا
بصح الاهم من دا كل قلبي لي مانيش حاسو في بلاصتو ...و أخيرا شفتك يا قلب الآدم ❤️
#يسرى
ماننكرش اول ماجات عيني في عينو مشاعر بزاف تحركو فيا أنا كنت مطفيتهم من 7 سنين
وليت نحس ونتفكر أمور بزاف ..بصح ..حبسي وآش ديري ...نتي مابقيتيش يسرى نتي سيلفيا
وفي اقل من ثانية تجمد قلبي وكانو مكان يحبو في يوم من الايام
وجابك الزمان وطحت في يدي يا آدم ..استنى وآش جايك مني 😈
################
محمد : آدم العميلة تعرف بروحها
جبدت يسرى يدها وتبسمت : معلش جنرال بلاك مصدوم من كاش حاجة
هنا آدم رجع للواقع على صوتها
آدم بجمود : احمم لا كنت مشبهك برك
يسرى بينها وبين روحها 'ومازلت تكابر يا سي آدم '
تفتح لباب ودخل واحد قال لمحمد بلي يحتاجوه ولازم يجي إيرجو
خرج وخلاهم
آدم يتبسم : اممم وليتي عميلة وتخدمي في الدومان هادا كيفاه حتى
ردتلو نفس الابتسامة: هادي هيا الدنيا تبدل فيك حوايج بزاف
آدم بينو وبين روحو 'اااه يا ربي على تبسيمتها '
آدم يقرب عندها : وزعما الزمان راح ينسيك في الباصي
يسرى بكل جراة : ينسيني في الباصي و لي فيه تاني
أنت تقرأ
نتي المَلكْ ديالي أنا (باللهجة الجزائرية )
Short Storyرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
