طيط طيط طيط
بعدو بعدو راني جييييييييت
هههه علابالي سامطة فوتوها برك 😂
نكملو وين لحقنا ومنبعد نقلكم شحال توحشتكممممم 💕
وأسمحولي كي طولت مي كان عندي عرس تاع دار وراكم تعرفو الحالة 💄💍
وزيد كنت مريضة شوي بانتلي كورونا 😂
💮💮💮💮💮💮💮💮💮💮💮💮💮
مشات وهي سارحة وتخمم في حالة صاحبتها
حبست بعد مدة وخذات نفس عميق
طاحت دمعة من عينها بلا ماتحس وهي مزالها غايصة تخمم حتى حست روحها في حضن عبد
يسرى بعياط : أطلقني أطلقني بعد عليا
وبدات تتحرك من ومن تحاول تبعد عليه شكون هادا لي تجرأ ودار حاجة كيما هادي
حط يدو على راسها وهمسلها : شششش أركحي راني آدم
غير سمعت إسمو تكالمات في بلاصتها كان إسمو بمثابة المخضر لي هدأها
ودون إرادة منها (هههه لغة عربية ا جدك ) عنقاتو حتى هي
كانت في حالة تحتاج فيها للإنسان تحط راسها على صدرو وتشكيلو همها
عنقاتو بقوة كبيرة وكأنو راهي تقولو نحي عليا الهم و الحزن هادا لي راني حاسة بيه وطاحو دموعها ويدان
وهو أكيد ماراحش يعارض هاد الشي
(علابالي ماتوقعتوهاش 😂😂)
آدم يحكي #
الساعة 13:30#
كنت قاعد نخدم حتى عيطلي واحد من الرجال لي حطيطتو يراقب حبيبتي
رفدت عليه وقالي بلي راهي خرجت هي وصحاباتها وراحو للحديقة
أفففف قتلها نقصي من الخرجات هادو بصح هي متفهمش حاتهبلني الطفلة هادي
بصح معلش خليها على راحتها الفترة هادي برك ومنبعد ساهلة
قعدت شي ساعة وأنا نخدم وعقلي راهو عندها
واش راهي دير ضرك ؟ معامن راهي تحكي ؟ واش لبست ؟ شكون شاف معاها ؟
هنا وصاي لوفار خرج من وذنيا كي تخيلت بلي كاين لي شاف معاها
نضت ديراكت ووجهي مايضويش
آه ياربي واش دارت فيا مانقدرش نخليها ساعة وحدها
خرجت من الشركة وركبت طوموبيلتي ورحت لعندها
كي وصلت لتم سقسيت الراجل لي يراقبها عليها قالي راهي من لجيهة الأخرى
جيت رايحة حتى نشوف فيها تجري
واش بيها ؟ علاه راهي تجري هك ؟
رحت وراها لازم نعرف واش كاين
كي لحقتها لقيتها نقذت صحبتها من الكاميو لي جاي وعنقتها بقوة
أنا مافهمت والو قعدت غير نشوف كنت حانروح ليها لقيت صحبتهم لُخرى جات
وليت حبست في بلاصتي بعيد شوي عليهم مقابلهم
بعد مدة نشوف فيهم يتناقشو على حاجة باينة كبيرة ووجوهم ماتبشرش بالخير بصح تشوكيت كي لقيت يسرى ضربت صحبتها كف
متوقعتهاش دير تصرف كيما هادا
ومنبعد شفتها كي مشات بملامح باردة بصح باينة راهي ماش مليحة
لحقتها نمشي وراها وكي شفتها حبست ومسحت دموعها ماقدرتش نتحمل كتر من هك حبي راهي موجوعة وتتألم وأنا قاعد نتفرج
زدت في خطواتي وجبدتها ديراكت عندي كون لقيت راني خبيتها بين ضلوعي ومنخلي حتى واحد يشوفها ولا يزعفها
في البدايه قاومت ومنبعد كي قتلها بلي أنا حبست في بلاصتها
حسيتها كانت محتاجة هاذ الحضن وخاصة كي بادلتني هي تاني
ماتوقعتهاش حاديرها مي عجبني الحال وبزاف
أنت تقرأ
نتي المَلكْ ديالي أنا (باللهجة الجزائرية )
Short Storyرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
