السلام عليكم
نجمة قبل ماتبداو
قراءة ممتعة للجميع 👇
⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️
#ايطاليا
هبطو آدم ويسرى غير بلعقل
الجو كان هادئ و الظلام مسيطر على كل الدار لي يشوفهم يقول عليهم مهابل بصح هوما كانو علبالهم وآش كاين
و أول واحد قابلهم قدرو أنهم يتخلصو منو وكي طاح بين رجليهم قعدو يتفحصو فيه و شافو بلي هادو مافيا خاصة معنتها ماش مجرد رجال يعرفو يحملو السلاح
بداو ينتاشرو بحذر
حتا فهد و أمين كانو غير يتنقلو بحذر حتى أمين شاف واحد راح يدخل للدار و بلا تردد رفد السلاح لي كان في يدو و تيرا عليه وهادي هي لغلطة لي دارها
وخلاهم يعلنو الحرب عليهم
فهد يعيط عليه : نتا وآش درت
أمين : كان راح يدخل
فهد هز تلفونو : سيلفيا ردو بالكم
وهنا بدا الرصاص يطاير وباينة عليهم بلي راهم محاصرين الدار من كل جيهة
آدم : وآش صرا
سيلفيا شافت معاه : إذا منعنا ومامتناش هنا لا عاد نموتو
وبداو هادوك يضربو وهادوك يضربو وقدرو أنهم يطيحو نصهم
وفجأة حبس كلش
وعرفو بلي راهم انساحبو
تلمو الربعو مع بعضاهم
سيلفيا : راكم لباس
فهد : لباس
سيلفيا : امين ماصرالك والو
أمين : نن ماتخافيش
فهد : مافهمتش وآش صرا وكيفاه حتى قدرو يلحقو لينا
آدم : ماش وقت لهدرة ضرك لازمنا نخرجو قادر يرجعو في أي لحظة
سيلفيا : ايه عندو لحق خفو رواحكم
طلعت هي لاشمبر تاعها هزت أهم الحوايج تاعها حطتهم في كارتابل وهبطت لقاتهم يستانو فيها خرجو يجريو آدم ويسرى ركبو الطموبيل و فهد و أمين بليموطار
هوما غير بعد تقريبا 10 ميترات ويسمعو في إنفجار في الدار
حبسو بقاو يشوفو مع النار لي في السما منصادمين يسرى شافت مع فهد لي هبط راسو بيسك مهما كان عندهم ذكريات في الدار هادي
وبين لحظة ولحظة قدرو يحطمولهم هاد الدار و كان قادر يروحو ضحية فيها
مشاو لواحد البلاصة هاكا داتهم ليها سيلفيا
كانت عبارة عن صحرا تقريبا مافيها والو حبسو ونزلو
آدم : يسرى علاش جبتينا هنا ؟
أمين شاف مع فهد
فهد : أنا وماعلاباليش
نزلت وتتأمل في البلاصة وهوما يستناو فيها تجاوبهم
وقفت وين فهد و آدم هوما يشوفو معاها مستغربين
سيلفيا : بعدو هاكا
فهد : وين نبعدو
سيلفيا : فهد ماتهبلنيش بعدلي من لبلاصة هادي
بعدولها وهوما متعجبين
هبطت للرض قعدت نص قعدة وبدات تبعد في الرمل على البلاصة لي كانو واقفين فيها حتى بانت واحد لخشبة كبييييرة
جبدت سع واحد لمفتاح من جيبها وفتحت بيه هاديك لكادنة منبعد وقفت وهزت هاديك لخشبة وبان بلي كاين دروج وهبطة
أمين فهد آدم : 😳😳
فهد : مين تعرفي لبلاصة هادي
أمين : صراحة أنا عدت نتوقع منها كلش
شافت معاهم منبعد هبطت في هادوك الدروج وهوما لاحقينها
بعد ماكملو الدروج وصلت حدا واحد لباب تاع لحديد وقفت قدام الشاشة الالكترونية لي خذات ليها صورة وطلبت بصمة يدها
دارت كل وآش يلزم وهوما غير يشوفو معاها
منبعد صدر صوت بإسم سيلفيا بلي راهي تعرفت عليها
تفتح لباب وجات داخلة وهوما وراها
سيلفيا : حبسو ماتقدروش تدخلو
فهد : وعلاش تاني
سيلفيا كاينة غير لبصمة تاع 3 عباد هنا انا و الجنرال و Mn واذا دخلتو نتوما راح يشعل الإنذار
فهد بغيرة : وأنا علاه مكانش لبصمة تاعي ؟
ضربو أمين عند راسو : زيد أبكي خير
آدم : وضرك كيفاه راح ندخلو
يسرى قدمت للشاشة هاديك وبدات تخدم فيها منبعد قاتلو قدم عينيك هنا
قدم آدم وقرب عينيه حتى صدر صوت بلي لبنادم هادا اسمو آدم ومسموح ليه يدخل
دخل آدم وزاد مع فهد و أمين نفس الشي
بقاو يشوفو مع هادي الدار الجديدة لي كلش فيه إلكتروني ديجا مع دخلو الضواو شعلو وحدهم
مع دخلت صونا تلفونها وكانت Mn رفدت عليها
سيلفيا : وصلاتك بلي دخلت هاكا ؟
Mn : بيا سير قوليلي وآش داك
سيلفيا : صرالنا هجوم في الدار هاديك
Mn : ماصرالكم والو ؟
سيلفيا: لا بصح حبيت نعرف كيفاه وصلونا
Mn : خليها عليا منبعد ني نعاودلك
أنت تقرأ
نتي المَلكْ ديالي أنا (باللهجة الجزائرية )
Short Storyرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
