السلام عليكم
و أخيرا قدرت نريقل لواتباد ونعاود نرجع نكتب لبارت لي تفاصا 😭
والله كون تشوفو شعوري كي لقات لبارت تفاصا حانبكي بصح معلش في خاطركم عاودت كتبتو ههه
حقا لي ماش مآبوني واش راك تستنى 😝
______________
ماتنساوش فوت و كومنت ✌️
🔴🔴🔴🔴🔴🔴🔴🔴🔴🔴🔴🔴🔴🔴
بعد ما تلايمو للدار نهار ههه نهار كامل و هوما هاملين
لبنات عيطو لبعضاهم appel جماعية بالكام وقعدو كل وحدة تحكي واش صرالها
يسرى : ويخي تعرفو لامية كي روحت تسقسي وتبحث كيفاه راهو معاك ..عجبك ولا ماعجبكش ..وين رحتو ..واش كليتو ..
نور & مريم : هههههه
يسرى طبق في قشها وتحكي : كملت أنا هيا شكون تحكي ضرك 😂
مريم : احم وليت اونكوبل
يسرى و نور بصوت واحد : أسامة ؟؟؟؟؟
مريم مشوكية : ههههه كيفاه عرفتو
يسرى طيشت لقش لي في يدها وهدرت بتمثيل و دراما : كنت عارفتها أيتها الخائنة نتي وياه تروحو ترتابطو مع بعضاكم بلا ما تجو تشاوروني والله عيب عليكم
نور تاكل وهادية : كانت باينة من نهار لول بلي راح تكمل كيما هاك
مريم : اسمعي احتارميني نتي راني نولي مرت خوك
نور تضحك : هههه يسرى غير ازربي ازوجي علابالي ضرك تجيكم العروسة تخربلكم الدار
مريم توجه هدرتها ليها : ياختي راح يدو الزين و العقالة و لطاي و لفحالة واش يزيدو فوق هك
يسرى : ماما اجري تسمعي
مريم بزربة : يااه بلعي فمك تحوسي تفضحينا نتي غير اصبري سع
يسرى : هههه هاكاك باش تترباي
مريم : مالا والله مانكملكم واش صرا
نور مازلها تاكل : احكي احكي برك نتي قليل وين نسمعو حكياتك
مريم : بصح ماتقاطعونيش حتى نكمل
نور و يسرى : ينطقي
مريم : كليتوني المهم تلاقيت بوليد
نور و يسرى : وشنووو ؟
مريم : قتلكم ماتقاطعونيش بغلات
يسرى : كملي كملي
مريم : كي جات داخلة للدار حبسني .....
حكتلهم واش صرا
نور : ابابابا فيلم
يسرى : كلب خماج قولو ضرك طرت من يدك
نور : كيف كان احساسك سيدتي ؟
مريم : عادي جدا لم أشعر بأي شيئ كأني أكلم شخصا غريب 😁
يسرى : صحبتي قلبها تجمد
مريم بحالمية : غير من جيهة أسومتي 😍
نور بقرف : يععععععع أ سومتي بعد ها بلعي ماتروحيش فيها
يسرى : اسكتي ا مريم ختي ربي يعيشك بشعتي اسم خويا
مريم : شا دخلكم راجلي ونعيطلو كيما نحب
يسرى : منين جا راجلك ا يوما ماعندكمش mmp نهار مع بعضاكم
مريم : مانديرش عليك نتي ، ونتي نونو واش درتي
نور : والو تلاقيت بأمين خو آدم
يسرى و مريم : وشنووووو ؟
(كل خطرة تتشوكا وحدة 😂😂)
نور : واش مكاين والو لي في مخك حتاحني في حاجة نعاونو فيها
مريم : ومن وكتاه ونتوما تعرفو بعضاكم الآلة ؟
نور : اسمعو .....
حكاتلهم من نهار لول لي شافاتو حتى لليوم
يسرى بخبث : أمممممممم أمممممممم
نور : واش أممم تاعك نتي تاني
مريم : هههه معلش ربي يكمللكم ياه 🤦🤦 قصدي ربي يقدرك وتعاونيه 😁
يسرى حاكمة الضحكة
نور : روحي ا كلب نتي وياها أنا لغالطة لي نحكيلكم ايا طيرو راح نرقد تفوه
وقفلت عليهم
يسرى : ههههه زعما صح واش كاين في مخي
مريم : أييه بانتلي بصح إنشاء الله برك مايكونش كي لي قبلو
يسرى بحزن : كون غير تقدر تكمل حياتها بلا مشاكل تاع لباصي
مريم : من فمك لربي
🔴🔴🔴🔴🔴🔴🔴🔴🔴🔴🔴🔴🔴🔴
أنت تقرأ
نتي المَلكْ ديالي أنا (باللهجة الجزائرية )
Short Storyرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
