بسم الله الرحمن الرحيم
إذا عجبتكم القصة فوووت وكووومنت بلييييز 😉
&&&&&&&&&&&&
طلعت الشمس و بدا نهار جديد جاب معاه نسمة باردة يقشعر ليها جسمك
البطلة تاعنا 'يسرى' راهي راقدة ولا خبر 😁 سحلاتها مع الجو كيما هادا متغطية ومتبربرة الله الله هههه
بصح dommage لازم على نبع الحنان تخربلها ذاك المنام الشباب لي كانت فيها 😁
لامية (الأم ) : نوضي يا المصيبة نوضي الناس تقرا ونتي تصبحي راقدة فهميني برك كيفاه حتدي الباك ولا ناوية هو لي يجي لعندك
معامن تهدر الطفلة ماش سامعة بيها أصلا 😂
لامية بعياط : شوفي والله وماتنوضيش غير هداك البورطابل أنسايه ..هادا كامل السهرات تاع الليل وعينيك حايخرجوا معاه
غير سمعت بإسم حبيب قلبها تلفونها ناضت مخلوعة من الفراش هزاتو وحضناتو
تحكي بصوت ناعس ومترجي : شوفي ماما أنا والله نحبك ونحتارمك مي كلشي ولا l'amour تاعي تقربي ليه هادا وليدي لي ربيتوا ..مافهمتش علاش ماتحبيش ولد بنتك 😁
لامية نحات كلاكاتها وخرجت تجري ورى لمهبولة تاع بنتها وتعيط : يا بنت الكلب وليتي ماتحشميش على روحك نتيجتك أنا دوكا باه تهدري معايا هاكدا
يسرى نزلت ريح من الدروج وهي تضحك بصوت عالي وصلت لصالون لقات باباها قاعد يقرى في journal راحت تخبات من وراه
يسرى بضحك : والله عيب عليك يا ماما تسبي وتشتمي بابا ههه يعني كون راح زَّوج عليك نعطيك الحق مي راهو ناس ملاح علخر
هنا ناض الأب على صوات الأم وبنتها كيما كل يوم وقعد يشوف فيهم ويضحك على المشاغبة تاع بنتو لي ماتقدرش تقعد دقيقة في الدار بلا حس
محمد (الأب ) بإبتسامة : صاي يا مرا نتي ديري راسك من راس طفلة صغيرة راكي كبرتي وأم لثلاث ولاد و normalement راكي بأحفادك ضرك
حطت لامية يدها على قلبها بخلعة وقالت : وراك تقولهالي في وجهي يا راجل 😱
يسرى كانت حاكمة الضحكة وكي زاد سمعت ماماها واش قالت ماقدرتش تحكم في روحها وطرشقت بالضحك
يسرى : ههههه ههههه راحت عليك يا الحَّاجّة .. واش قلت الشيخ نعاودولك الزواج (غمزتلو في لخر )
سمعوا صوت جاية من لجيهة الأخرى يقول : أيا بركاونا من التمسخير تاعكم ماتقلقوليش ميمتي
وسلم على راس الأم نتاعو
لامية كي شافت ولدها لكبير إبتسمت لا إراديا (كيما يقولو الطفل ولد أمو 😁)
لامية : هاو جا وليدي أسامة هادا هو الكل في الكل لا غير نتي وباباك مافيكم حتى فايدة
أنت تقرأ
نتي المَلكْ ديالي أنا (باللهجة الجزائرية )
Short Storyرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
