نتي المَلكْ ديالي أنا (باللهجة الجزائرية )

part 21 ✌️

هاني جيييت 🙋
صمعليكم شوفو ا جماعة علاه لي يقرا أو يفوت
في طريقك برك قبل ما طلعي لبارت قيسي النجمة 😁
ها والله احشمو شوي 😂
______________________________________

نكملو منين حبسنا عند ريهام
قلنا راهي تتفكر كي وصلها اتصال اليوم
Flaaaaaaaaaaaaaaach baaaaaaaaack

كنت قاعدة نتفرج في البيسي و نخمم في هاداك الإنسان قلبي يضرني حتى كي نتفكر
وفجأة صونا التلفون رقم غريب ماشفتوش من قبل مي رفدت
: ألو
رامي : ألو معايا رهام ؟
أنا : وي أنا هي شكون معايا
رامي : أنا رامي حبيب لينا لا تعرفيني
أنا هنا قلبي حبس ما أمنتش واش راني نسمع اسك هو صح ولا أنا برك لي وليت نتخايل بصح كيفاه وعلاه
أنا : ايه عرفتك كشما تسحق
رامي : اسمحيلي لا ديرونحيتك مي محتاج نسقسيك
نحس في روحي راح تخنق النفس تقطعلي راني غير متمالكة روحي
أنا : وي تفضل
رامي : لينا ماعيطتلكش قبيل ؟ ولا نتي ماعيطتلهاش
أكيد علامن راح يعيط مثلا راح يسقسي على حبيبتو
أنا : نن ليوم ماحكيتش معاها ياخي عندها لخطبة تاع خوها
رامي : ايه علابالي حبيت نعرف برك بيسك نعيطلها ماترفدش معلش نخليك على خير و اسمحيلي مرة أخرى
أنا : مكان حتى مشكل تبقى على خير
وقفل التلفون
نحس بالخنقة صح شعور تحب شخص مايحبكش شعور أنك تكون بين زوج يحبو بعضهم بصح ماتقدرش
رميت راسي على المخدة و دموعي طاحو يا ربي علاش هاكا علاش ماقدرتش والله نحبو نحس موس تلاح في قلبي
Baaaaaaaaack
قعدت تتفكر وتبكي حتى عيات ورقدت

🌼🌼🌼🌼🌼🌼🌼🌼🌼🌼🌼🌼🌼🌼

طلع نهار جديدة و شمس جديدة و أحداث جديدة على أبطالنا
لامية : تبقاي على خير ا ختي حنان وكثر خيرك كون ماش نتي أني مالحقتش وحدي
حنان : واش لهدرات هادي راكي كثر من ختي كي ماتلقاينيش أنا شكون تلقاي
مريم : ماما استناي نجي معاك
حنان : فطنتي كيفاه نضتي ليوم بكري ماش من عوايدك
لامية : ايه ياخي مالفة تصبحو راقدين
مريم : لا طار عليا النعاس و ديجا عندي حوايج لازم نوجدهم باك قريب ندخلو نقراو
حنان : مالا هيا
مريم : تبقاي على خير طاطا
لامية : بسلامة
روحت مريم مع ماماها ماش حابة تتلاقا بأسامة و معلباهاش بلي هو راهو بكر عليها وخرج قبلها
# عند أسامة
ليل كامل ماقدرتش نرقد و أنا غير نخمم مع طلع النهار درت دوش لبست قشي وخرجت معلاباليش وين بصح لمهم نروح برك حاسة بخنقة خايف نكون خسرت مريم بتهوري مافهمتش بعد هي واش باغية ألف حاجة في راسي و عييت نخمم
رحت للبلاصة لي نحبها ونريح راسي فيها وهي واحد لبابور تاع عمي منصور في لبحر هاد عمي منصور واحد الراجل نعم الناس كبير في لعمر وعندو خبرة كبيرة في لحياة كل ما يضيق خاطري نروح عندو و نسمع لحكاياتو نرتاح عندو بابور في البحر عياو فيه ولادو يبيعو بصح هو ماحبش قالهم أنا هنا حياتي تعرفت عليه واحد عامين وليت ديما نجي عندو وهو تاني مدايرني كي بنو
المهم وصلت رحت عندو لقيتو كالعادة قاعد في بلاصتو وبلا ما نقول حتى كلمة حس بيا بلي جيت
العم منصور : خير ماجابك ليوم على الصباح يا وليدي :
قعدت قدامو نتأملو في البحر كيفيف : ديما تفيقلي بلي راني جيت
العم منصور : ماش حاجة جديدة بصح همك ليوم غير
تنهدت وقلت : ايه عندك لحق همي ليوم غير
العم منصور : سبتو القلب ؟
شفت معاها : منين راك تجيب في الأفكار راك تقرا فيا ولا كيفاه
ضحك عمي منصور ضحكة دل على كبر عمرو وقال : يا وليدي مهموم القلب راهو باين نهار يكون حب لازم يكون عذاب
قتلو : اا وي كاينة منها
العم منصور : خليني نقلك حاجة بلي الحب الصادق تكون عندو قصة في الدنيا هادي إذا ماعشتهاش ليوم تعيشها غدوا خلي برك صادق في نيتك مع الطرف الآخر و ربي يكتب لي فيه الخير
أنا : إنشاء الله عمي منصور
العم منصور حط يدو على رجلي : هيا واش رايك نديك دير دورة في وسط البحر
تبسمت معاه : مايكون غير خاطرك
وحنا جينا طالعين حتى نسمع في صوت يعيط عليا
درت لقي....
##نرجعو عند مريم
مع وصلت دخلت لشمبرتها طرحت روحها في الأرض و تخمم تفكرت كي كانت تحب وليد وتستنى غير كلمة منو وهو كان حاسبها ختو الصغيرة ونهار يحكي معاها زوج كلمات هي ماترقدش وكيفاه كانت تبني في أحلامها معاه و خمت حتى في اسماء ولادهم بصح في la fin ظهر هو عندو حبيبتو وناوين يتزجو
ضحكت على روحها بسخرية وعلى تخمامها التافه لي كانت تبني فيه
منبعد تفكرت أسامة كيفاه يتقلق عليها كيفاه يغير عليها كيفاه عبرلها على حبو كيفاه تحس بالراحة كي تكون معاه
هدرتو لبارح خلاتو يزيد يكبر في عينها كثر خلاتها تكتشف بلي هي تاني راهي تحبو وبلي هو الانسان لمناسب ليها ومستحيل راح تلقا واحد كيفو يحبها و يحترمها كيما هو
هنا ناضت من بلاصتها وقدمت لمرايا و شافت مع روحها : نضن هنا لازم نتخلص من مريم القديمة و نتقبل التغيير لي صرا في حياتي ونمد فرصة لنفسي أني نحب ونتحب من طرف الإنسان لي يستاهلني
راحت بدلت قشها لبست كيما هاك 👇👇👇